ცხელი დღეები კონდიციონერის გარეშე წარმოუდგენელია. თუმცა, იდეალური გაგრილებისთვის, კონდიციონერის ჩართვა მხოლოდ პულტის ON ღილაკზე დაჭერით არ შემოიფარგლება.
თუ გინდა, რომ კონდიციონერმა არა მხოლოდ გაგაგრილოს სახლი, არამედ ენერგია არ დაგახარჯინოს და მწყობრიდანაც არ გამოვიდეს, სწორად უნდა ჩართო.
ამ ბლოგში გაგიზიარებ რეალურ რჩევებს, რაც დაგეხმარება კონდიციონერის ეფექტურად და უსაფრთხოდ გამოყენებაში.
1. წინასწარ შეამოწმე კონდიციონერის მდგომარეობა
კონდიციონერის ჩართვამდე, აუცილებლად გადაამოწმე ფილტრები. დაბინძურებული ფილტრი ჰაერის ცირკულაციას აფერხებს
- შეამოწმე დისტანციური პულტი და ელემენტები
- დააკვირდი, აქვს თუ არა ყინვის ეფექტი შიდა ბლოკზე. ეს, შეიძლება, მიანიშნებდეს პრობლემაზე
- სწორად მონტაჟის შემთხვევაში, კედელი არ უნდა ფარავდეს კონდიციონერის შიდა ბლოკს.
- თუ კონდიციონერი დიდი ხანია არ ჩაგირთავს, რეკომენდებულია, ტექნიკოსის მიერ წინასწარი შემოწმება.
2. სწორად გამოიყენე პულტი და გააქტიურე სწორი რეჟიმი
შენს პულტზე ნახავ სხვადასხვა რეჟიმს:
- Cool – გაგრილების რეჟიმი
- Dry – ჰაერის გამომშრობი რეჟიმი განკუთვნილია ტენიანობის შესამცირებლად
- Fan – მხოლოდ ვენტილაციაა, გაგრილების გარეშე
- Auto – მოწყობილობა თვითონ განსაზღვრავს რეჟიმს ტემპერატურის მიხედვით
- Heat – გათბობა (მხოლოდ მაშინ თუ კონდიციონერს აქვს გათბობის ფუნქცია)
- ჩართვისას, პირველ რიგში, გამოიყენე Cool რეჟიმი და ტემპერატურა დააყენე, დაახლოებით, 24–26 °C-ზე. ეს ოპტიმალური ტემპერატურაა ორგანიზმისთვის და მოწყობილობისთვის.
3. არ ჩართო “Turbo” ან “Strong” რეჟიმი ხშირად
ეს ფუნქცია მართალია სწრაფად აგრილებს ოთახს, მაგრამ დიდ ენერგიას მოიხმარს და ხშირად გამოყენებისას აჩქარებს მოწყობილობის ცვეთას. გამოიყენე მხოლოდ მაშინ, როცა ძალიან ცხელა და გჭირდება სწრაფი გაგრილება.
4. დაკეტე კარ-ფანჯრები
კონდიციონერის ჩართვამდე დარწმუნდი, რომ კარ-ფანჯარა კარგად არის დახურული. სხვა შემთხვევაში, გარე ჰაერი შეიჭრება და კონდიციონერს უფრო მეტად დატვირთავ. ეს გამოიწვევს ენერგიის კარგვას და გაუმართაობას.
5. სწორად მიმართე ჰაერის ნაკადი
არასწორად მიმართული ნაკადი, შეიძლება, ჯანმრთელობისთვის საზიანო იყოს. მაგალითად, არ მიმართო ნაკადი პირდაპირ სხეულზე, ეს თავიდან აიცილებ გაციებას ან ტკივილებს.
- უმჯობესია ჰაერის ნაკადი მიმართო ოთახის ზედა ნაწილის ან ჭერისკენ, რათა თანაბრად განაწილდეს გაგრილებული ჰაერი.
6. დააყენე ტაიმერი ან ECO რეჟიმი ღამით
თუ ღამით ტოვებ ჩართულ კონდიციონერს, გამოიყენე ტაიმერი ან ენერგოეფექტური (ECO) რეჟიმი.
- ამ გზით, არ გაცივდები ღამით, დაზოგავ ელექტროენერგიას, მოწყობილობაც ნაკლებად გადაიტვირთება.
7. არ დაგავიწყდეს კონდიციონერის რეგულარული მოვლა
კონდიციონერის ეფექტურად მუშაობისთვის მნიშვნელოვანია:
- ფილტრების წმენდა ყოველ 2-4 კვირაში ერთხელ, განსაკუთრებით, აქტიურ სეზონზე
- ყოველწლიურად, ტექნიკური შემოწმება
როგორც ხედავ, ონდიციონერის სწორად ჩართვა მხოლოდ ღილაკზე დაჭერა არ არის. უნდა გაითვალისწინო ტემპერატურა, ჰაერის ნაკადის მიმართულება, გარემო პირობები და მოწყობილობის მდგომარეობა.
თუ ბლოგში მოცემულ რჩევებს გაითვალისწინებ, შენს სახლში არა მხოლოდ სიგრილეს შეინარჩუნებ, არამედ, ენერგიასაც დაზოგავ და მოწყობილობასაც ხანგრძლივად გამოიყენებ.
ახალი კონდიციონერის ყიდვა გადაწყვიტე? დაათვალიერე ექსტრაზე.
