საუკეთესო ფასის გარანტია
წესები და პირობები
- საუკეთესო ფასის გარანტია - რაზე მოქმედებს?
საუკეთესო ფასის გარანტია არის სს „ექსტრა არეა“-ს (შემდეგში „კომპანია,“ „ჩვენ“ ) მიერ მომხმარებლისთვის (შემდეგში „შენ“) მიცემული გარანტია, რომლის თანახმადაც www.extra.ge-ზე (შემდეგში „ვებ-გვერდი“) არსებული პროდუქცია შემოთავაზებულია საქართველოს ბაზარზე ყველაზე დაბალ ან თანაბარ ფასად. იმ შემთხვევაში თუ შენ იმავე პროდუქციას უფრო ნაკლებ ფასად სხვაგან ნახავ, ჩვენ მზად ვართ აგინაზღაუროთ სხვაობა ამ წესებისა და პირობების შესაბამისად.
საუკეთესო ფასის გარანტია მოქმედებს, მხოლოდ იმ შემთხვევებში თუ ერთდროულად კმაყოფილდება შემდეგი პირობები:
- შენ ვებ-გვერდის საშუალებით შეუკვეთავ პროდუქციას, რომელსაც მითითებული აქვს „საუკეთესო ფასის გარანტიის“ ნიშანი;
- პროდუქციის შეკვეთიდან 24 (ოცდაოთხი) საათის განმავლობაში აღმოაჩენ, რომ იდენტური პროდუქციის შეძენა შეგეძლო უფრო იაფად საქართველოში ბაზარზე არსებულ სხვა ონლაინ ან ფიზიკურ მაღაზიაში.
- დაგვიკავშირდები და მოითხოვ ფასთა შორის სხვაობის ანაზღაურებას;
- შენს მიერ გამოგზავნილი მოთხოვნის შესწავლის შედეგად დავადგენთ, რომ პროდუქციაზე არ ვრცელდება წინამდებარე წესებითა და პირობებით გათვალისწინებული გამონაკლისები და ფასებს შორის სხვაობა ექვემდებარება ანაზღაურებას.
- შეკვეთა არ გაუქმდება შენი მოთხოვნით ან/და სხვა მიზეზით.
მაგალითად, თუ შენ ვებ-გვერდზე შეუკვეთავ ტელეფონს, რომლის ღირებულება არის 500 ლარი, შეკვეთიდან 24 საათის განმავლობაში კი, იგივე ტელეფონს სხვა ონლაინ ან ფიზიკურ მაღაზიაში აღმოაჩენ 450 ლარად, შეგიძლია დააფიქსირო მოთხოვნა ამ წესების და პირობების შესაბამისად, ჩვენ კი, მოთხოვნის დაკმაყოფილების შემთხვევაში აგინაზღაურებთ სხვაობას და 50 ლარს ვებ-გვერდის ბალანსზე დაგირიცხავთ.
- საუკეთესო ფასის გარანტია - რაზე არ მოქმედებს?
საუკეთესო ფასის გარანტია არ მოქმედებს თუ:
- ვებ-გვერდზე განთავსებულ პროდუქციას შეკვეთის გაკეთების მომენტში არ აქვს „საუკეთესო ფასის გარანტიის“ ნიშანი;
- შენს მიერ უფრო იაფად ნანახი პროდუქცია განსხვავდება ვებ-გვერდზე შეკვეთილი პროდუქციისგან ან/და არ არის იდენტური (მაგალითად, არ ემთხვევა მოდელი, სერიული ნომერი, ფერი, მონაცემები და სხვა);
- თუ უფრო იაფად ნანახი პროდუქცია არის ფასდაკლებული ონლაინ ან ფიზიკურ მაღაზიაში მოქმედი კამპანიის ფარგლებში (მაგალითად, ვრცელდება დღესასწაულებთან დაკავშირებული სააქციო პირობები, როგორიცაა ახალი წლის, აღდგომის, ვალენტინობის და სხვ. ფასდაკლება; ვრცელდება ე.წ. „ბედნიერი საათის“ აქცია, 1+1 ტიპის აქცია ან/და იგი ფასდაკლებულია სხვა მსგავსი კამპანიის ფარგლებში; შემოთავაზებულია ე.წ. ქეშბექი ან/და სხვა მსგავსი პირობა, როგორიცაა კონკრეტული ბარათით შეძენის შემთხვევაში თანხის ნაწილის უკან დაბრუნება და სხვა);
- უფრო იაფად ნანახი პროდუქციის შეფუთვა დარღვეულია/დაზიანებულია ან პროდუქცია არის მეორადი ან აქვს ნებისმიერი ტიპის ნაკლი;
- უფრო იაფად ნანახი პროდუქციის გამყიდველი არ არის საქართველოში არსებული ონლაინ ან ფიზიკური მაღაზია.
- უფრო იაფად ნანახი პროდუქციის გამყიდველი არის ფიზიკური პირი;
- უფრო იაფად ნანახი პროდუქცია არ არის საცალო გაყიდვაში;
- უფრო იაფად ნანახი პროდუქცია აღარ არის ონალინ ან ფიზიკური მაღაზიის მარაგში და დარჩენილია მხოლოდ რამდენიმე ერთეული ეგზემპლარი;
- საუკეთესო ფასის გარანტია - მოთხოვნა და განხილვა
მოთხოვნის დაფიქსირებისთვის დაგვიკავშირდი extra.ge-ს facebook მესენჯერის საშუალებით, ან შეგიძლია მოგვწერო ელ.ფოსტაზე: info@extra.ge ან დაგვირეკო ტელეფონზე: 0322 333 111. გაითვალისწინე, რომ მოთხოვნა აუცილებლად უნდა დააფიქსირო შეკვეთის გაფორმებიდან 24 (ოცდაოთხი) საათში.
მოთხოვნის დაფიქსირებისას აუცილებელია სრულყოფილად მიუთითო ყველა დეტალი. განსაკუთრებით მნიშვნელოვანია, რომ წარმოადგინო ყველა აუცილებელი მტკიცებულება, რომელიც ადასტურებს, რომ სხვა ონლაინ ან ფიზიკურ მაღაზიაში ნანახი პროდუქცია უფრო იაფია, ვიდრე ვებ-გვერდზე განთავსებული.
ასეთი მტკიცებულება შეიძლება იყოს ვებ-გვერდის ბმული ან/და ეკრანის ანაბეჭდი, საიდანაც შესაძლებელია პროდუქციის სრულყოფილად იდენტიფიცირება. იმ შემთხვევაში თუ შენ პროდუქცია უფრო იაფად ნახე ფიზიკურ მაღაზიაში, აუცილებელია მოგვაწდო მაღაზიის მისამართი, დასახელება და საკონტაქტო ინფორმაცია. აგრეთვე პროდუქციის ფოტო, საიდანაც იდენტიფიცირდება პროდუქციის მახასიათებლები (ფერი, მოდელი, სერიული ნომერი და სხვა).
მოთხოვნის დაფიქსირებიდან 24 საათის განმავლობაში ჩვენი გუნდი შეისწავლის საკითხს და თუ დადგინდება, რომ შენს მიერ უფრო იაფად ნანახი პროდუქცია არის ვებ-გვერდზე შეკვეთილი პროდუქციის იდენტური, მასზე არ ვრცელდება ამ წესებითა და პირობებით გათვალისწინებული გამონაკლისები და დაცულია წინამდებარე წესებისა და პირობების მოთხოვნები ჩვენ აგინაზღაურებთ სხვაობას.
ფასებს შორის სხვაობა აგინაზღაურდება თანხის extra.ge-ს ბალანსზე განთავსების გზით არაუმეტეს 2 (ორი) სამუშაო დღის ვადაში.
ჩვენ აუცილებლად გაცნობებთ ჩვენს დასაბუთებულ გადაწყვეტილებას იმ შემთხვევაშიც, თუ საკითხის შესწავლის შემდეგ დადგინდა, რომ სხვაობა არ ექვემდებარება ანაზღაურებას წინამდებარე წესების და პირობების შესაბამისად.
განსაკუთრებული პირობა
გთხოვთ, გაითვალისწინოთ, რომ ჩვენ ვიტოვებთ უფლებას არ ავანაზღაუროთ სხვაობა იმ შემთხვევაში თუ მომხმარებელის მიერ დარღვეულია წინამდებარე წესები და პირობები ან/და გამოვლენილია არაკეთილსინდისიერი ქმედება ან/და თაღლითობა ან/და დარღვეულია საქართველოს კანონმდებლობა.
ჩვენ უფლებას ვიტოვებთ არ ავანაზღაუროთ სხვაობა, თუ მომხმარებელს ბოლო ერთი წლის განმავლობაში საუკეთესო ფასის გარანტიის საფუძველზე ანაზღაურებული აქვს სხვაობა ერთხელ ან მეტჯერ.
კომპანია უფლებამოსილია დროდადრო გადახედოს წინამდებარე წესებსა და პირობებს და შეიტანოს ცვლილებები, რაც არ საჭიროებს დამატებითი თანხმობის მოპოვებას. განახლებული წესები და პირობები გამოქვეყნდება ვებ-გვერდზე და ამოქმედდება მისი ცვლილებიდან 24 (ოცდაოთხი) საათის შემდეგ.