რა ტიპის კონდიციონერები არსებობს

ცხელი ზაფხულის დღეებში, როცა მზის სხივები პირდაპირ ფანჯრებიდან იჭრება ოთახში, ხშირად გვაიძულებს დავფიქრდეთ კონდიციონერის ყიდვაზე.

ამ მოწყობილობის სწორად შერჩევისთვის, აუცილებელია, იცოდე, რა ტიპის კონდიციონერები არსებობს და როგორ შეიძლება თითოეული მათგანი შენს საჭიროებებს იდეალურად მოარგო.

ბლოგიდან გაიგებ, რომელი კონდიციონერი იქნება საუკეთესო შენს სივრცის ეფექტურად გაგრილებისთვის.

კედლის სპლიტ სისტემები

თუ ეძებ საიმედო და ენერგოეფექტურ გადაწყვეტას სახლის ან ოფისის გასაგრილებლად, კედლის სპლიტ-კონდიციონერი ერთ-ერთი საუკეთესო არჩევანია.

ის შედგება ორი ნაწილისგან – შიდა და გარე ბლოკისგან, რომლებიც ერთმანეთთან მილებით არის დაკავშირებული.

ასეთი კონდიციონერები ეფექტურად აგრილებს, აქვს დაბალი ხმაურის დონე და სივრცესაც არ იკავებს ზედმეტად.

ფანჯრის კონდიციონერები

თუ გინდა მარტივად და სწრაფად გაგრილო პატარა ოთახი ან სტუდიო, არჩევანი ფანჯრის კონდიციონერზე შეგიძლია შეაჩერო.

ასეთი კონდიციონერი ერთ ბლოკში აერთიანებს როგორც გაგრილების, ასევე ჰაერის ცირკულაციის მექანიზმს და ხშირად, პირდაპირ ფანჯარაში ან სპეციალურად მომზადებულ კედლის ღიობში მაგრდება.

ასეთი კონდიციონერები ხელმისაწვდომი ფასით გამოირჩევა და მონტაჟიც ნაკლებ დროსა და რესურსს მოითხოვს, თუმცა. ხმაურის დონე შედარებით მაღალი აქვს.

პორტატული კონდიციონერი

თუ ხშირად გჭირდება კონდიციონერის გადატანა ერთი ოთახიდან მეორეში, პორტატული კონდიციონერი შესანიშნავი არჩევანია. მისი მთავარი პლიუსი არის პორტატულობა, რადგან ინსტალაცია არ სჭირდება. მარტივად, დაუკავშირებ დენის წყაროს და გამოიყენებ.

პორტატული კონდიციონერები ცოტა მეტ ხმაურს ქმნის და გაგრილების მასშტაბიც შეზღუდულია, თუმცა მცირე სივრცისთვის და დროებითი სარგებლობისთვის სრულიად საკმარისია.

არხული კონდიციონერი

თუ შენს ბინაში ან სახლში რამდენიმე ოთახია და გინდა, რომ ყველგან ინდივიდუალური ტემპერატურა შეინარჩუნო, მაშინ არხული კონდიციონერი საუკეთესო გადაწყვეტილებაა.

• ერთი გარე ბლოკიდან შეგიძლია რამდენიმე შიდა ბლოკის მართვა, რაც სივრცის ეკონომიასა და ენერგიის დაზოგვაში დაგეხმარება.
• ასეთი ტიპის კონდიციონერი დამალულად მონტაჟდება ჭერის ქვეშ ან კედლის შიგნით და ინტერიერს იდეალურას ერწყმის.

ცენტრალური, კასეტური კონდიციონერები

თუ გაქვს დიდი სახლი, ვილა ან გსურს მთელი ოფისის გაგრილება ერთიანი სისტემით, მაშინ კასეტური კონდიციონერი გახდება შენი საუკეთესო მეგობარი.

ასეთი ტიპის კონდიციონერები დიდ ფართობს ერთდროულად აგრილებს და მის მართვა ხდება ერთი საერთო პანელიდან.

როგორ უნდა შეარჩიო კონდიციონერი სწორად?

კონდიციონერის სწორად არჩევა ყოველთვის შენს საჭიროებებზე და სივრცის თავისებურებებზე უნდა იყოს დაფუძნებული.

ჯერ განსაზღვრე ოთახის ფართობი, შემდეგ გაითვალისწინე ენერგოეფექტიანობა, მონტაჟის სირთულე და ისიც, გჭირდება თუ არა დამატებითი ფუნქციები, მაგალითად, გათბობის რეჟიმი, ჰაერის გაწმენდა ან Wi-Fi მართვა.

მნიშვნელოვანია, განსაზღვრო შენი ბიუჯეტიც, რადგან ბაზარზე სხვადასხვა კატეგორიის კონდიციონერები არსებობს – იაფიანი მოდელებიდან დაწყებული პრემიუმ კლასის სისტემებით დამთავრებული.

როგორც ხედავ არჩევანი ბევრია და კონდიციონერის შესარჩევად შეგიძლია ეწვიო ექსტრას ვებგვერდს.

ზუსტად განსაზღვრე როგორი კონდიციონერი გჭირდება და სწორად შეაფასე ყველა ფაქტორი, რაც შენს კომფორტს და ყოველდღიურ ცხოვრებას კიდევ უფრო სასიამოვნოს გახდის.