კონდიციონერი

კონდიციონერი

შეიძინე საკეთესო კონდიციონერი იაფად ექსტრაზე

როცა ტემპერატურა ზაფხულში იმატებს ან ზამთარში ცივი ჰაერი აღწევს ოთახში, იდეალური გადაწყვეტილებაა ენერგოეფექტური და გამძლე კონდიციონერი. სწორედ ექსტრაზე შეგიძლია იპოვო წამყვანი ბრენდების მოდელები - საუკეთესო ფასად, ფასდაკლებით და განვადებით. აქ ყველაფერი მარტივია: ირჩევ, იხდით როგორც გსურს და იღებ კომფორტს, რომელიც ყოველდღიურობას ნამდვილ სიამოვნებად აქცევს.

რა ტიპის კონდიციონერები არსებობს

ექსტრას ვებგვერდზე კონდიციონერების დიდი არჩევანი გელოდება, თუმცა, სწორად შერჩევისთვის, აუცილებელია იცოდე, რამდენი სხვადასხვა ტიპის კონდიციონერი არსებობს და როგორ შეიძლება თითოეული მათგანი შენს საჭიროებებს იდეალურად მოერგოს.

ამ სტატიიდან გაიგებ რომელი ვარიანტია საუკეთესო შენს სივრცესა და კომფორტზე ზრუნვისთვის.

• კედლის (სპლიტ) კონდიციონერები: თუ ეძებ საიმედო და ენერგოეფექტურ გადაწყვეტას სახლის ან ოფისის გასაგრილებლად, კედლის, ანუ სპლიტ-კონდიციონერი ერთ-ერთი საუკეთესო არჩევანია.
• ის შედგება ორი ნაწილისგან — შიდა და გარე ბლოკისგან, რომლებიც ერთმანეთთან მილებით არის დაკავშირებული.
• ასეთი კონდიციონერები გამოირჩევა მაღალი ეფექტიანობით, მუშაობისას ძალიან ცოტას ხმაურობს და სივრცესაც არ იკავებს ზედმეტად. შეძლებ ოთახში სასურველი ტემპერატურის შენარჩუნებას, ხოლო თანამედროვე მოდელები გაგაძლევს გათბობის, გაწმენდისა და ჭკვიანი მართვის დამატებით ფუნქციებსაც.

ფანჯრის კონდიციონერები

თუ გინდა მარტივად და სწრაფად გაგრილო პატარა ოთახი ან სტუდიო, ფანჯრის კონდიციონერი შეიძლება სწორედ შენთვის იყოს შექმნილი.

ის ერთ ბლოკში აერთიანებს როგორც გაგრილების, ასევე ჰაერის ცირკულაციის მექანიზმს და ხშირად, პირდაპირ ფანჯარაში ან სპეციალურად მომზადებულ კედლის ღიობში მაგრდება.

ასეთი კონდიციონერები გაცილებით ხელმისაწვდომი ფასით გამოირჩევა და მონტაჟიც ნაკლებ დროსა და რესურსს მოითხოვს, თუმცა, ხმაურის დონე, შედარებით, მაღალი შეიძლება იყოს.

მობილური კონდიციონერები

თუ ცხოვრობ დროებით ბინაში ან ხშირად გჭირდება კონდიციონერის გადატანა ერთი ოთახიდან მეორეში, მობილური კონდიციონერი შესანიშნავი არჩევანია.

მისი მთავარი პლიუსი არის პორტატულობა, ინსტალაცია პრაქტიკულად არ სჭირდება, უბრალოდ, შეაერთებ დენის წყაროში და გამოიყენებ. მართალია, ასეთი მოდელები მეტად ხმაურიანია და გაგრილების მასშტაბიც შეზღუდულია, თუმცა, მცირე სივრცისთვის და დროებითი სარგებლობისთვის სრულიად საკმარისია.

მრავალზონური (მულტისპლიტ) სისტემები

თუ შენს ბინაში ან სახლში რამდენიმე ოთახია და გინდა, რომ ყველასთვის ინდივიდუალური ტემპერატურა შეინარჩუნო, მაშინ მულტისპლიტ სისტემა შენთვის საუკეთესო გადაწყვეტილებაა.

ერთი გარე ბლოკიდან შეგიძლია რამდენიმე შიდა ბლოკის მართვა, რაც სივრცის ეკონომიასა და ენერგიის დაზოგვაში დაგეხმარება.

შეძლებ, რომ სხვადასხვა ოთახში სხვადასხვა რეჟიმი დააყენო, მაგალითად, საძინებელში უფრო გრილი ჰაერი გქონდეს, ხოლო მისაღებში უფრო თბილი.

ცენტრალური კონდიციონერები

თუ გაქვს დიდი სახლი, ვილა ან გსურს მთელი ოფისის გაგრილება ერთიანი სისტემით, მაშინ ცენტრალური კონდიციონერი გახდება შენი საუკეთესო მეგობარი.

ასეთი ტიპის კონდიციონერები უზრუნველყოფს ერთდროულად დიდი ფართობის ჰაერის გაგრილებას და მართვა ხდება ერთი საერთო პანელიდან.

მათ აქვთ მაღალი სიმძლავრე და ეფექტურობა, თუმცა, ინსტალაცია საკმაოდ რთულია და მოითხოვს პროფესიონალების ჩარევას.

როგორ ავარჩიოთ კონდიციონერი სწორად?

სწორი კონდიციონერის არჩევა ყოველთვის შენს საჭიროებებზე და სივრცის თავისებურებებზე უნდა იყოს დაფუძნებული.

• ჯერ განსაზღვრე ოთახის ფართობი, შემდეგ, გაითვალისწინე ენერგოეფექტიანობა, მონტაჟის სირთულეები და ისიც, გჭირდება თუ არა დამატებითი ფუნქციები, მაგალითად, გათბობის რეჟიმი, ჰაერის გაწმენდა ან Wi-Fi მართვა.
• ასევე, მნიშვნელოვანია ბიუჯეტიც, რადგან ბაზარზე სხვადასხვა კატეგორიის კონდიციონერები არსებობს, იაფიანი მოდელებიდან დაწყებული პრემიუმ კლასის სისტემებით დამთავრებული.

არჩევანი ბევრია, მთავარია, ზუსტად განსაზღვრო რა გჭირდება და სწორად შეაფასო ყველა ფაქტორი, რაც შენს კომფორტს და ყოველდღიურ ცხოვრებას კიდევ უფრო სასიამოვნოს გახდის.