ზაფხულის სეზონი ახლოვდება.
თუ უკვე გრძნობ, რომ სახლისთვის კონდიციონერის შეძენის დროა, ეს ბლოგი აუცილებლად ბოლომდე უნდა წაიკითხო, რადგან შერჩევის პროცესს გაგიმარტივებს.
კარგი გაგრილებისთვის მხოლოდ ბრენდის და ბიუჯეტის განსაზღვრა საკმარისი არ არის. კონდიციონერის შერჩევისას ბევრი მნიშვნელოვანი დეტალი უნდა გაითვალისწინო.
1. რამდენი კვადრატული მეტრია შენი სივრცე?
პირველი, რაც უნდა გააკეთო – გაზომე ოთახის ფართობი. მარტივად რომ დაიმახსოვრო:
- 20-25 კვ/მ-მდე სივრცისთვის საკმარისია 9 000–12 000 BTU კონდიციონერი
- 30-50 კვ/მ-მდე სივრცისთვის 18 000–24 000 BTU დაგჭირდება
- თუ სივრცე ღიაა, მაგალითად, სტუდიო ტიპის ბინა აირჩიე უფრო ძლიერი მოწყობილობა.
2. რა ტიპის კონდიციონერი გჭირდება?
ბაზარზე რამდენიმე ტიპის კონდიციონერს შეხვდები.
- კედლის სპლიტ სისტემა – იდეალურია სახლისთვის, უხმაუროა და მაღალი ენერგოეფექტურობა აქვს
- პორტატული კონდიციონერი – არ საჭიროებს მონტაჟს, მაგრამ, შედარებით, ხმაურიანია და ნაკლებად ეფექტურიც.
- ინვერტორული კონდიციონერი – ძვირია, მაგრამ გრძელვადიან პერსპექტივაში ზოგავს ენერგიას.
3. შეამოწმე ენერგოეფექტურობის კლასი
შენ აუცილებლად უნდა გაითვალისწინო კონდიციონერის ენერგოეფექტურობის კლასი. რაც უფრო მაღალია კლასი (A+, A++), მით ნაკლებ ელექტროენერგიას ხარჯავს.
თანაც ეს შენს ჯიბესაც დაზოგავს, განსაკუთრებით ცხელ დღეებში, როცა კონდიციონერი, თითქმის, უწყვეტად მუშაობს.
4. აირჩიე ნაკლებად ხმაურიანი მოდელი
თუ აპირებ, რომ კონდიციონერი საძინებელში დააყენო – ყურადღება მიაქციე ხმაურის დონეს, რომელიც დეციბელებში გამოისახება.
იდეალურია, როცა მოწყობილობის ხმაური 30 დეციბელს არ აღემატება. ზოგიერთ მოდელს ღამისთვის სიჩუმის რეჟიმიც აქვს.
5. კონდიციონერის სენსორები, Wi-Fi და ფილტრაცია
თანამედროვე კონდიციონერები უბრალოდ ჰაერის გაგრილებით არ შემოიფარგლება. შეგიძლია აირჩიო მოდელი, რომელსაც ექნება:
- HEPA ან იონიზაციის ფილტრი – თუ ალერგიული ხარ ეს განსაკუთრებით დახმარებაა
- ტაიმერი და სენსორები – აკონტროლებს ტემპერატურას ავტომატურად
- Wi-Fi მართვა – შეგიძლია მობილურით გააგრილო ოთახი, სახლამდე მისვლამდე
კონდიციონერის შეძენის შემდეგ, ერთ-ერთი ყველაზე მთავარი მისი სწორი მონტაჟია. პრობლემები რომ თავიდან აირიდო, დაამონტაჟებინე კონდიციონერი ავტორიზებულ სერვისცენტრს.
როგორც ხედავ, კონდიციონერის შერჩევისას არც ისე ცოტა დეტალის გათვალისწინება გიწევს, თუმცა, თუ ბლოგში წარმოდგენილ რჩევებს გაითვალისწინებ, ეს პროცესი ბევრად გაგიმარტივდება.
დაათვალიერე კონდიციონერები ექსტრაზე და მიიღე ყიდვის საუკეთესო გამოცდილება.
