ზაფხულის ცხელ დღეებში კონდიციონერი ჩვენი კომფორტის და სიგრილის ერთ-ერთი მთავარი წყაროა. მაგრამ ყოველთვის უნდა გვახსოვდეს, რომ მას, ისევე როგორც სხვა ნებისმიერ ტექნიკას აქვს საკუთარი „სიცოცხლის ციკლი.“
ხშირად, პრობლემები შეუმჩნევლად იწყება, რა დროსაც იკლებს კონდიციონერის მუშაობის ეფექტურობა და იზრდება დენის გადასახადი.
ამ ბლოგის მიზანია, ერთად გადავხედოთ იმ ნიშნებს და რჩევებს, რომლის მიხედვითაც გავიგებთ არის თუ არა დრო ახალი კონდიციონერის შეძენისთვის.
შენი კონდიციონერი უკვე 10 წელზე მეტია მუშაობს?
ტექნიკის უმეტესობას, მათ შორის კონდიციონერსაც, საშუალოდ, 8-12 წლიანი სიცოცხლის ციკლი აქვს.
- თუ შენს მოწყობილობას უკვე ათწლეულზე მეტი გამოუვიდა, დიდი შანსია, რომ ის ბევრად მეტ ენერგიას მოიხმარს, ვიდრე თანამედროვე, ენერგოეფექტური მოდელები. ახალი თაობის კონდიციონერები გაცილებით ეკონომიური და ეფექტურია.
ხშირად გიწევს კონდიციონერის შეკეთება?
თუ კონდიციონერს პრობლემები აქვს და ხშირი შეკეთება გიწევს, დაფიქრდი, რამდენს ხარჯავ მომსახურებაზე და ღირს კი მისი შენარჩუნება?
- ზოგჯერ კონდიციონერის შეკეთება უფრო ძვირი ჯდება, ვიდრე მისი ახლით ჩანაცვლება.
სახლს ძველებურად აღარ აგრილებს?
თუ შენს კონდიციონერს სჭირდება უფრო მეტი დრო ოთახის გასაგრილებლად ან ცივი ჰაერი უფრო სუსტად გამოდის, დიდი ალბათობით, მოწყობილობა ვეღარ ასრულებს თავის საქმეს.
დროთა განმავლობაში, ძველი სისტემები კარგავს ძალასა და ეფექტურობას.
- დააკვირდი ჰაერის ნაკადს, თუ ყველაფერი კარგად გაწმენდილია და გაგრილება სათანადოდ ვერ ხდება, დროა, განაახლო კონდიციონერი.
კომუნალური ხარჯები გაგეზარდა?
თუ შენიშნე, რომ ბოლო თვეებში დენის გადასახადმა მკვეთრად მოიმატა, მიუხედავად იმისა, რომ შენი ცხოვრების წესი არ შეცვლილა – პრობლემა, შეიძლება, კონდიციონერში იყოს.
- ძველი და გაუმართავი კონდიციონერები ბევრად მეტ ენერგიას მოიხმარს.
ჭარბი ტენიანობა და უცნაური ხმები შენიშნე?
თუ შენს სახლში ზედმეტი ტენიანობა იგრძნობა ან კონდიციონერი უცნაურ ხმებს გამოსცემს მუშაობის დროს ეს ერთ-ერთი სიგნალია იმისა, რომ მოწყობილობა გამოსაცვლელია.
- ხანდახან პატარა ხმა დიდ პრობლემაზე მიგვანიშნებს.
თუ ბლოგში წაკითხული რჩევებიდან ერთზე მეტი ზემოთ ჩამოთვლილი პრობლემა შენთვის უკვე ნაცნობია ნუ დააყოვნებ.
ახალი კონდიციონერის ყიდვა არა მარტო გაგრილების ხარისხს გააუმჯობესებს, არამედ, ენერგიის ხარჯსაც შეამცირებს და შენს ჯანმრთელობასაც დაეხმარება.
შეარჩიე კონდიციონერი ექსტრაზე. ახალი კონდიციონერი ნიშნავს უკეთეს ჰაერის ხარისხს, ნაკლებ ხმაურს, დაბალ გადასახადებს და მეტ კომფორტს შენს სახლში.
