7 რჩევა ჭურჭლის სარეცხი მანქანისთვის

ჭურჭლის სარეცხი მანქანა ერთ-ერთი ყველაზე სასარგებლო ნივთია სამზარეულოში.

ის გაძლევს საშუალებას დრო და ენერგია დაზოგო, მაგრამ, თუ გინდა ჭურჭლის სარეცხი მანქანა დიდხანს მოგემსახუროს და ყოველთვის იდეალურად მუშაობდეს, რამდენიმე მარტივ რჩევას გაგიზიარებ.

1. მოაშორე ჭურჭელს დიდი ნარჩენები

მიუხედავად იმისა, რომ ჭურჭლის სარეცხი მანქანა ჭუჭყიანი ჭურჭლისთვის არის შექმნილი, დიდი საკვების ნარჩენების დატოვება მხოლოდ ხელს უშლის მას. სანამ ჭურჭელს მანქანაში მოათავსებ, მოაშორე ნარჩენები.

2. ჩაალაგე ჭურჭელი სწორად

თუ გინდა რომ ყველაფერი იდეალურად სუფთა გამოვიდეს, აუცილებელია, ჭურჭელი სწორად განათავსო:

• ზედა სართულზე მოათავსე ჭიქები, პატარა თეფშები და პლასტმასის ნივთები.
• ქვედა სართულზე – ქვაბები, ტაფები და დიდი თეფშები.

არ გადააჭარბო დატვირთვას. წინააღმდეგ შემთხვევაში წყალს და სარეცხ საშუალებას აღარ ექნება ადგილი სწორად დინებისთვის.

3. არ შეუშინდე რეჟიმების შეცვლას

არაფერი ისე არ აზიანებს მანქანას, როგორც ერთი და იგივე რეჟიმის უსასრულოდ გამოყენება. თუ ჭურჭელი ძლიერ დაბინძურებულია, გამოიყენე ინტენსიური პროგრამა. ყოველდღიური რეცხვისთვის კი საკმარისია ეკო ან სწრაფი რეჟიმი.

4. არ დაგავიწყდეს ფილტრის გაწმენდა

ფილტრში გროვდება ჭუჭყი და ნარჩენები, რაც დროთა განმავლობაში აფერხებს მანქანის მუშაობას.

მოაშორე ფილტრი და გარეცხე ნიჟარაში, 2 წუთის საქმეა, მაგრამ შედეგი ნამდვილად იგრძნობა. დეტალურად, წმენდის შესახებ ჩვენი წინა ბლოგიდან შეიტყობ.

5. გამოიყენე ხარისხიანი საშუალებები

რაც უფრო უკეთესი სარეცხი ტაბლეტები ან გელი გაქვს, მით უკეთესად გაირეცხება ჭურჭელიც და შენი მანქანაც მეტად გამძლე იქნება.

6. გააქტიურე თვითწმენდის ფუნქცია

ბევრ მოდელს აქვს თვითწმენდის რეჟიმი. ჩართე ეს პროგრამა თვეში ერთხელ მაინც. ეს დაგეხმარება მანქანის შიდა ნაწილების წმენდაში და თავიდან აგარიდებს უსიამოვნო სუნს.

7. ხისტი წყლისთვის გამოიყენე მარილი

• თუ შენს სახლში ხისტი წყალია და ბევრ კირქვას შეიცავს, აუცილებლად, გამოიყენე სპეციალური მარილი ჭურჭლის სარეცხი მანქანისთვის.
• ის დაიცავს შიდა მექანიზმებს და თავიდან აგარიდებს სისტემის მწყობრიდან გამოსვლას.

ამ რჩევების გამოყენებით გაიმარტივებ ცხოვრებას –  გააუმჯობესებ ჭურჭლის რეცხვის ხარისხს და თავიდან აიცილებ მანქანის გაუმართაობას.

თუ ჯერ არ გაქვს ჭურჭლის სარეცხი მანქანა და ყიდვას აპირებ, დაათვალიერე ექსტრას ვებგვერდზე, ხოლო თუ არ იცი როგორ შეარჩიო, ამაში ჩვენი წინა ბლოგი დაგეხმარება.