ჭურჭლის სარეცხი მანქანა სამზარეულოს ერთ-ერთი ყველაზე საჭირო მოწყობილობაა, თუმცა მისი რეგულარული გაწმენდა ხშირად გვავიწყდება.
არასათანადო მოვლის შემთხვევაში, ამ მოწყობილობაში, შეიძლება, გაჩნდეს უსიამოვნო სუნი, ცხიმისა და კირის ნარჩენები, რაც გავლენას მოახდენს მანქანის ეფექტურობაზე.
ამ ბლოგიდან გაიგებ როგორ გაწმენდო ჭურჭლის სარეცხი მანქანა სწორად და მარტივად.
რატომ უნდა გაწმინდო ჭურჭლის სარეცხი მანქანა რეგულარულად
იმისთვის, რომ ჭურჭლის სარეცხ მანქანაში არ გაჩნდეს ბაქტერიები და უსიამოვნო სუნი, ასევე, წყლის სწორი ცირკულაცია ხდებოდეს, საჭიროა მოწყობილობის ეტაპობრივი წმენდა.
ნაბიჯი 1. გაწმინდე ჭურჭლის სარეცხი მანქანის ფილტრი
ფილტრი აკავებს საკვების ნარჩენებს და დროთა განმავლობაში იჭედება. მის გასაწმენდად:
- ამოიღე ფილტრი, რომელიც ქვედა თაროს ქვეშ მდებარეობს
- გარეცხე თბილი წყლით და საპნით
- თუ ფილტრში დაგროვებულია კირი, ჩაალბე ძმარში რამდენიმე საათით
ნაბიჯი 2. გარეცხე კარის რეზინები
კარის რეზინი ხშირად იკრავს ჭუჭყსა და სოკოს. გაწმინდე ის სოდიანი წყლით ან ძმრის ხსნარით და რბილი ტილოთი კარგად მოაშორე ნარჩენები.
ნაბიჯი 3. გაწმინდე მილები და წყლის შხეფები
ჭურჭლის სარეცხი მანქანის მკვებავი მილები და წყლის შხეფები შეიძლება დაბინძურდეს ცხიმით და ნადებით. მათი გაწმენდისთვის:
- ამოიღე ისინი და შეამოწმე, არ არის თუ არა დაბლოკილი
- გაწმინდე ძმრისა და ცხელი წყლის ნაზავით
ნაბიჯი 4. გაწმინდე მანქანის შიდა ნაწილები
შიდა ნაწილების ეფექტურად წმენდისთვის გამოიყენე მარტივი მეთოდი:
- ჩაასხი ერთი ჭიქა თეთრი ძმარი ჭურჭლის სარეცხი მანქანის ქვედა ნაწილში.
- დააყენე ციკლი მაღალ ტემპერატურაზე და ჩართე მანქანა.
- შემდეგ, მოაყარე ერთი ჭიქა საცხობი სოდა და კვლავ გაუშვი მოკლე რეცხვის პროგრამა.
ნაბიჯი 5. გაწმინდე ჭურჭლის სარეცხი მანქანის კარი
კარის ზედაპირი და სახელური ხშირად იკრავს ცხიმსა და თითების ანაბეჭდებს.
- გაწმინდე ისინი ნეიტრალური საწმენდი საშუალებით და რბილი ქსოვილით
იმისთვის, რომ სისუფთავე ხანგრძლივად შეინარჩუნო ფილტრების წმენდა, რეკომენდებულია, ორ კვირაში ერთხელ. აგრეთვე, გაითვალისწინე:
- თვეში ერთხელ გაუშვი მანქანა ძმრისა და სოდის ნარევით რეცხვის რეჟიმზე
- არ დატოვო ჭურჭელი გასარეცხი დიდი ხნის განმავლობაში
- გამოიყენე სპეციალური საწმენდი ტაბლეტები, რომლებიც ებრძვის ცხიმსა და კირს
ჭურჭლის სარეცხი მანქანის რეგულარული მოვლა დაგეხმარება, რომ მოწყობილობამ იმუშაოს გამართულად და შენი ჭურჭელი მუდამ ბზინავდეს.
