როგორ არჩევს თეო ლეჟავა სათამაშოებს შვილებისთვის

რა როლი აქვს მშობელს სათამაშოს შერჩევის პროცესში, უნდა მივცეთ თუ არა ბავშვს სათამაშოს არჩევისას სრული თავისუფლება და რამდენად მნიშვნელოვანია თამაშის პროცესში მშობლების ჩართულობა.

თეო ლეჟავა ბავშვებისთვის სათამაშოების შერჩევის პროცესში აქტიურადაა ჩართული და ბლოგში თავის გამოცდილებას გიზიარებს.

ის თვლის, რომ მშობელმა ბავშვს განვითარების საწყისი ეტაპიდანვე უნდა მისცეს სწორი მიმართულებები.

„ვაძლევ ბავშვს არჩევის საშუალებას, მაგრამ, გარკვეულწილად, ვუზღუდავ. არ მგონია ბავშვს დასაწყისშივე ჰქონდეს ჩამოყალიბებული გემოვნება და სწორი არჩევანი. ამიტომ, მირჩევნია კონკრეტული, ვიწრო არჩევანი მე თვითონ მივცე და იცოდეს რომ ეს არის ის არეალი, სადაც მან უნდა იფიქროს.“

სათამაშოს შერჩევის მთავარი კრიტერიუმები:

• რეკომენდებული ასაკი
• სათამაშოს ხარისხი
• შინაარსი

არ მიყვარს უაზრო სათამაშოები, რომელსაც არანაირი შედეგის მოტანა არ შეუძლია ბავშვისთვის.

მიყვარს შინაარსიანი სათამაშოები, რომელიც უნდა იყოს აუცილებლად ხარისხიანი და გამძლე, იქნება ეს თოჯინა თუ სხვა.

უპირატესობას ვანიჭებ ლეგოებს, ასაწყობ კუბიკებს, პლასტილინს ან სხვა საძერწ საშუალებას, რომელიც ბავშვს უვითარებს მოტორულ უნარებს.

ბავშვებისთვის საყვარელი სათამაშოები:

ჩემს შვილებს რბილი სათამაშოებიც აქვთ და ფიგურებიც ძალიან უყვართ. მაშოს, რომელიც 9 წლისაა განსაკუთრებულად უყვარს ლეგო და ათასი სახის ფიგურა აქვს აწყობილი.

ასევე, ძალიან უყვარს პატარა ფიგურები, რომლითაც ბავშვები ერთად თამაშობენ სახლობანას. ბავშვებს ძალიან უყვართ ერთად თამაში, თუმცა, მარტოც თამაშობენ, იშვიათად.

თამაში, რომელიც ოჯახში ყველას გვაერთიანებს:

ყველას ძალიან გვიყვარს სამაგიდო თამაშები, ჩვენი ფავორიტია დიქსიტი რასაც ხშირად ვთამაშობთ. გვიყვარს, ასევე, მონოპოლია – როცა პატარები იძინებენ დიდები ვთამაშობთ. ასევე, ლოტოს ვთამაშობთ ხშირად.

სამაგიდო თამაშების გარდა გვაქვს ჩვენი თამაშებიც: ნამიოკობანა, სიტყვობანა, ქალაქობანა, გემობანა.. თუ პატარებიც მონაწილეობენ, ვცდილობთ, მარტივი თამაშებით შემოვიფარგლოთ, მაგალითად, ასეთია ჟესტიკულაციებით ცხოველების ახსნა და გამოცნობა.

რა როლი აქვს მშობლის ჩართულობას თამაშის პროცესში?

პროცესში მშობლების ჩართვა მნიშვნელოვანია ორივე მხარისთვის. მშობლები ძალიან ბევრ რამეს ვიგებთ ბავშვებზე, მათ ერთმანეთთან ურთიერთობაზე, მიდგომებზე, დამოკიდებულებებსა და აღქმებზე.

ამიტომ, ძალიან მნიშვნელოვანია ხშირად ვეთამაშოთ ბავშვებს. ჩვენ თვითონვე გაგვიმარტივდება მერე ბევრი რამ, სწორი მიმართულებით წავიყვანთ მათ შეხედულებებს თუ შიშებს. დიახ, შეიძლება ბავშვში რომელიმე თამაშის დროს აღმოაჩინო შიში. ამ დროს შეგიძლია ისე წარმართო პროცესი, რომ ეს შიში გაუქრო.

ბავშვისთვის მნიშვნელოვანია გრძნობდეს რომ მისიანი ხარ, მისი თანატოლი ხარ, მისი ინტერესების გამზიარებელი ხარ, შეგიძლია მასთან ერთად იცინო, ითამაშო.

თამაშის პროცესი ისედაც ხომ ძალიან დიდი სიამოვნებაა, გათავისუფლებს ტელეფონებისგან, სტრესისგან, ყოველდღიურობისგან.

მოუსმინე ბავშვს, გახდი მისი თამაშის მონაწილე და გახსოვდეს, რომ სწორად შერჩეული სათამაშო ნიშნავს შენი პატარის ჯანსაღ, სწორ განვითარებას.

თუ შენი პატარისთვის სათამაშოს ყიდვას აპირებ, შემოიხედე extra-ზე. ჩვენთან სათამაშოებზე, 31 ოქტომბრის ჩათვლით, 30%-იანი ფასდაკლება დაგხვდება.

შეარჩიე ამ ბმულზე და ჩვენი კურიერი შენაძენს სასურველ მისამართზე მოგიტანს.