როგორ შევარჩიო ვენტილატორი

ზაფხული ახლოვდება და დროა, ვიფიქროთ, როგორ შევქმნათ სახლში მაქსიმალური სიგრილე და კომფორტი.

წინა ბლოგებში კონდიციონერების შესახებ ბევრი ვისაუბრეთ, ამჯერად კი შედარებით ეკონომიური და გაგრილების ეფექტური ალტერნატივის – ვენტილატორების შესახებ მოგიყვებით.

თუ ვენტილატორის ყიდვა გადაწყვიტე და არ იცი როგორ აირჩიო სწორად, ბლოგში მოგიმზადე რამდენიმე მნიშვნელოვანი რჩევა, რაც დაგეხმარება სწორი გადაწყვეტილების მიღებაში:

სად აპირებ ვენტილატორის გამოყენებას?

ვენტილატორის შერჩევა ხშირად დამოკიდებულია იმაზე, სად აპირებ მის მოთავსებას.

• თუ ოთახში დიდი სივრცეა – დაგჭირდება ძლიერი, დასადგამი ვენტილატორი.
• თუ პატარა სივრცეში ცხოვრობ, საკმარისი იქნება მაგიდის ვენტილატორი ან კედელზე დასამაგრებელი მოდელი.
• თუ გინდა, რომ ვენტილატორმა ოთახი ღამითაც გაგიგრილოს, აირჩიე მოდელი ჩუმი მუშაობის რეჟიმით ან ღამის ფუნქციით.

რა ტიპის ვენტილატორი გჭირდება

ექსტრაზე ვენტილატორების არჩევანი საკმაოდ მრავალფეროვანია, ამიტომ, მოდი, რამდენიმე მათგანი ერთად მიმოვიხილოთ:

• დასადგამი ვენტილატორი – კლასიკური მოდელია, რომელსაც სიმაღლის რეგულირება და ბრუნვა შეუძლია. მას, ხშირად, აქვს დისტანციური მართვის ფუნქცია
• მაგიდის ვენტილატორი – პატარა ზომისაა და სამუშაო მაგიდისთვის იდეალურია
• ჭერის ვენტილატორი – თუ სივრცის ეკონომია გჭირდება და სტილიც მნიშვნელოვანია, ჭერზე დამონტაჟებული მოდელი საუკეთესო იქნება.
• USB ვენტილატორი – იდეალურია ოფისისთვის ან სამგზავროდ.

რამდენად ძლიერი უნდა იყოს ვენტილატორი

პირველ რიგში, შენ უნდა განსაზღვრო, რა სიმძლავრე გჭირდება.

• დიდ ოთახს სუსტი ვენტილატორი ვერ გააგრილებს, ამიტომ, შეამოწმე ვენტილატორის ვატების რაოდენობა და ჰაერის ნაკადის მოცულობა
• აირჩიე მოდელი სიჩქარის რეგულირების ფუნქციით

აირჩიე მრავალფუნქციური ვენტილატორი

თანამედროვე ვენტილატორებს უამრავი სასარგებლო ფუნქცია აქვს:

• დისტანციური მართვა
• ტაიმერი – თავად გამოირთვება წინასწარ დაყენებულ დროს
• ბრუნვის ფუნქცია – ჰაერს მთელ ოთახში თანაბრად ანაწილებს
• ზოგიერთ მოდელს ჰაერის გაწმენდის ფუნქციაც აქვს.

გაითვალისწინე ვენტილატორის ხმაურის დონე

ვენტილატორის ხმაურის დონე დეციბელებით (dB) განისაზღვრება. რაც დაბალია ეს მაჩვენებელი, მით უფრო ჩუმია ვენტილატორი.

• 50 dB-მდე ვენტილატორები უხმაურო მოდელებად ითვლება.

გარდა ტექნიკური მახასიათებლებისა, ვენტილატორის შერჩევისას, ყურადღება მიაქციე ბრენდის ხარისხს და სანდოობას და გაითვალისწინე შენი ინტერიერის დიზაინის ელემენტებიც.

• აირჩიე მოდელი, რომელიც ყველაზე უკეთ შეესაბამება შენს სახლს.

როგორც ხედავ, კარგი ვენტილატორის შერჩევა რთული ნამდვილად არ არის. გაითვალისწინე რჩევები და შეარჩიე შენთვის სასურველი მოდელი ექსტრას ვებგვერდზე, სადაც არჩევანის დიდი მრავალფეროვნება გელოდება.