კონდიციონერის ყიდვას გეგმავ? ალბათ უკვე შეგხვედრია ტერმინი „ინვერტორული კონდიციონერი.“
ბევრი ადამიანისთვის, გაუგებარია რას მოიაზრებს ეს ტერმინი და რატომ უნდა გადაიხადოს მეტი თანხა ინვერტორულ ტექნოლოგიაში.
მართლაც, რით განსხვავდება ინვერტორული მოდელი ჩვეულებრივი კონდიციონერისგან?
თუ შენც გაქვს ეს შეკითხვა, მაშინ ბლოგი ბოლომდე უნდა წაიკითხო, რადგან ინვერტორულ კონდიციონერებს განვიხილავთ.
რას ნიშავს ინვერტორული კონდიციონერი
ინვერტორული კონდიციონერი არის კლიმატური მოწყობილობა, რომელიც აღჭურვილია ინვერტორული კომპრესორით.
ჩვეულებრივი კონდიციონერისგან განსხვავებით ასეთი კონდიციონერი მუდმივად ირთვება და ითიშება.
ინვერტორული კონდიციონერი თავად არეგულირებს კომპრესორის სიჩქარეს, რაც ნიშნავს, რომ მოწყობილობა მუშაობს უფრო სტაბილურად, ენერგოეფექტურად და ნაკლები ხმაურით.
როგორ მუშაობს ინვერტორული კონდიციონერი
საოჯახო კონდიციონერების ტრადიციული მოდელები მარტივად მუშაობს: ჩართვისას კომპრესორი ერთ სიჩქარეზე იწყებს მუშაობას და როდესაც დააყენებ შენს სასურველ ტემპერატურას, კომპრესორი ითიშება. ტემპერატურის შეცვლისას, ისევ ჩაირთვება და ასე გრძელდება.
ინვერტორული კონდიციონერი კი სხვანაირად მუშაობს – როცა სასურველ ტემპერატურას მიაღწევს, კომპრესორი არ ითიშება, არამედ ამცირებს ბრუნვას და განაგრძობს სტაბილურ რეჟიმში მუშაობას. ეს ნაკლებ ენერგიას მოითხოვს და შენს სივრცეს, მუდმივად, სასიამოვნო ტემპერატურას უნარჩუნებს.
ინვერტორული კონდიციონერის უპირატესობები
- ენერგოეფექტურობა: ინვერტორული კონდიციონერების ყველაზე დიდი უპირატესობა ელექტროენერგიის დაბალი მოხმარებაა. ინვერტორული ტექნოლოგია ზოგავს 30-დან 60 პროცენტამდე ელექტროენერგიას.
- ტემპერატურის სტაბილურობა: შენს ოთახში ტემპერატურა არ იცვლება მკვეთრად. აღარ გექნება მომენტი, როცა ერთ წამს ცივა და მეორე წამს ისევ გცხელა. ინვერტორული კონდიციონერი ამ ყველაფერს ავტომატურად არეგულირებს.
- მაქსიმალურად ჩუმი მუშაობა: ჩვეულებრივ კონდიციონერს, ხშირად, საკმაოდ მაღალი ხმაურის დონე აქვს ჩართვისას. ინვერტორული მოდელები გაცილებით უფრო ჩუმად მუშაობს, რაც განსაკუთრებით მნიშვნელოვანია, თუ მოწყობილობას საძინებელში ან სამუშაო სივრცეში აყენებ.
- მეტი გამძლეობა: ხშირი ჩართვა-გამორთვის არარსებობა ამცირებს მოწყობილობის ცვეთას. ეს ნიშნავს, რომ შენს ინვერტორულ კონდიციონერს ექნება უფრო ხანგრძლივი ექსპლუატაციის ვადა.
- სწრაფი გაგრილება ან გათბობა: ინვერტორული ტექნოლოგიის დახმარებით, კონდიციონერი ბევრად სწრაფად აღწევს სასურველ ტემპერატურას – ანუ კომფორტს იგრძნობ უფრო მალე.
ღირს თუ არა ინვერტორული კონდიციონერის ყიდვა?
თუ გინდა მაქსიმალური კომფორტი, ეკონომია და გამძლე გაგრილების სისტემა, ინვერტორული კონდიციონერი ნამდვილად საუკეთესო არჩევანია.
მართალია, ცოტა ძვირია, მაგრამ მისი ენერგოეფექტურობა და გამძლეობა მალევე დაგიბრუნებს შენს ინვესტიციას.
ინვერტორული კონდიციონერი არ არის უბრალოდ ძვირადღირებული მოდელი – ის გონივრული და გრძელვადიანი გადაწყვეტაა, რომელიც გეხმარება კომფორტულად ცხოვრებაში, ხარჯების დაზოგვასა და ცხოვრების ხარისხის გაუმჯობესებაში.
თუ შენთვის სტაბილური ტემპერატურა და ენერგოეფექტურობა პრიორიტეტია, ნამდვილად ღირს ინვერტორული კონდიციონერის არჩევა.
დაათვალიერე ინვერტორული კონდიციონერები ექსტრაზე.
