როცა ტემპერატურა ეცემა და გარდერობში თბილ, მყუდრო სამოსს ვუთმობთ ადგილს, იცვლება ჩვენი სურნელოვანი პრეფერენციებიც. ცივი ამინდი იდეალური დროა იმისთვის, რომ მსუბუქი, ციტრუსოვანი არომატები უფრო ღრმა, ინტენსიური და დასამახსოვრებელი ნოტებით ჩავანაცვლოთ.
შემოდგომა და ზამთარი ზუსტად ის სეზონებია, როცა ტყის, ვანილის, სანელებლებისა და აღმოსავლური ყვავილების კომპოზიციები სრულად იშლება კანზე.
თუ ეძებ სურნელს, რომელიც შენი სავიზიტო ბარათი გახდება, განაგრძე კითხვა. ამ ბლოგში შევკრიბეთ ქალის ტოპ 10 საკულტო სუნამო, რომელიც ცივ სეზონს იდეალურად მოუხდება. რაც მთავარია, თითოეული მათგანის აღმოჩენა და ყიდვა, სახლიდან გაუსვლელად, ექსტრა მარკეტფლეისზე შეგიძლია.
1. Yves Saint Laurent – Black Opium
Black Opium არის სუნამო მათთვის, ვისაც ყურადღების ცენტრში ყოფნა უყვარს. ყავის მძლავრი ნოტებისა და ტკბილი ვანილის კონტრასტი იდეალურად ათბობს ზამთრის ცივ საღამოებს. ამავდროულად ენერგიული, მისტიკური და დაუვიწყარია.
2. Maison Francis Kurkdjian – Baccarat Rouge 540
ბოლო წლების ყველაზე განხილვადი და მოთხოვნადი სურნელი. მისი უნიკალური ფორმულა – ქარვის, კედრისა და ზაფრანის შერწყმა კანზე ძვირადღირებულ, თბილ შლეიფს ტოვებს. ცივ ამინდში “ბაკარა” განსაკუთრებული ელეგანტურობით იხსნება.
3. Tom Ford – Black Orchid
Black Orchid ფუფუნების სინონიმია. ტრიუფელის, შოკოლადის, სანელებლებისა და საკმევლის მდიდარი ნოტები მას ზამთრის ერთ-ერთ ყველაზე მძიმე, თუმცა, წარმოუდგენლად სექსუალურ სუნამოდ აქცევს.
4. Dior – Hypnotic Poison
თუ ტკბილი და დამათრობელი არომატები გიზიდავს, Hypnotic Poison შენი ფავორიტი გახდება. ნუშის, ვანილისა და ქოქოსის თბილი კომბინაცია ზუსტად ის მყუდროებაა, რაც შემოდგომის წვიმიან დღეებში გვჭირდება.
5. Mugler – Alien
Mugler Alien იდუმალებით მოცული, საკულტო სუნამოა. ჟასმინის, ხის ნოტებისა და თეთრი ქარვის სინთეზი ქმნის ინტენსიურ არომატს, რომელიც უძლებს ყველაზე ყინვიან ამინდსაც კი და მთელი დღის განმავლობაში რჩება კანზე.
6. Chanel – Coco Mademoiselle Intense
მიუხედავად იმისა, რომ კლასიკური Coco Mademoiselle უნივერსალურია, მისი Intense ვერსია გაძლიერებული პაჩულითა და ამბრით ზედგამოჭრილია შემოდგომა-ზამთრის სეზონისთვის. ასხივებს თავდაჯერებულობასა და კლასიკურ ფრანგულ შარმს.
7. Lancôme – La Vie Est Belle
La Vie Est Belle (ცხოვრება მშვენიერია) – ეს სუნამო ზამთრის სიცივეში სითბოსა და პოზიტივის შემოტანის საუკეთესო გზაა. პრალინეს, ვანილისა და ირისის ტკბილი ნოტები მას იდეალურ ყოველდღიურ თანამგზავრად აქცევს.
8. Giorgio Armani – Sì
Giorgio Armani Sì ეს არის ელეგანტურობა ბოთლში. შავი მოცხარის ნექტარი, ვანილი და მსუბუქი ხის ნოტები ქმნის დახვეწილ, თანამედროვე არომატს, რომელიც ერთნაირად უხდება როგორც საოფისე სტილს, ისე საღამოს წვეულებებს.
9. Carolina Herrera – Good Girl
Carolina Herrera Good Girl მსოფლიოში ერთ-ერთი ყველაზე ცნობილი “ფეხსაცმელი“ ცივი სეზონის ნამდვილი ჰიტია. ტონკას მარცვლების, კაკაოს, ნუშისა და ყავის თბილი, ოდნავ პიკანტური ნოტები იდეალურად ჯდება ზამთრის ესთეტიკაში. ეს არის თამამი, ელეგანტური და ყურადღების მიმქცევი სურნელი, რომელიც როგორც პალტოს ისე საღამოს კაბას ერთნაირად უხდება.
10. Guerlain – Shalimar
Guerlain Shalimar პარფიუმერიის ისტორიაში ერთ-ერთი ყველაზე ცნობილი აღმოსავლური სუნამო. საკმევლის, ვანილისა და ბერგამოტის ჯადოსნური ნაზავი იდეალური არჩევანია ცივი სეზონის გამორჩეული მომენტებისთვის.
როგორ მივიღოთ სწორი გადაწყვეტილება?
იდეალური სუნამოს შერჩევა, ზოგჯერ, რთული ამოცანაა, განსაკუთრებით მაშინ, როცა საქმე ცივ სეზონს ეხება. იმისთვის, რომ ძიების პროცესი გაგიმარტივო, თავი მოვუყარეთ ყველაზე აქტუალურ კითხვებს, რომლებიც მომხმარებლებს უჩნდებათ.
- რით განსხვავდება ზამთრის სუნამო ზაფხულის არომატებისგან?
ზაფხულში ჰაერი თბილია, რაც სურნელს სწრაფად აორთქლებას აიძულებს, ამიტომ უპირატესობას მსუბუქ, ციტრუსოვან ან ყვავილოვან ნოტებს ვანიჭებთ. ცივ ამინდში კი სუნამოს გახსნას მეტი დრო სჭირდება. შესაბამისად, შემოდგომა/ზამთრის სუნამოები ბევრად უფრო მძიმე, კონცენტრირებული და “თბილია”. მათ ბაზაში ხშირად შეხვდები ვანილს, მუშკს, სანელებლებსა და ხის ნოტებს, რომლებიც სიცივეში საოცარ შლეიფს ქმნიან.
- როგორ შევინარჩუნოთ სუნამოს მდგრადობა ცივ ამინდში?
სიცივეში კანი უფრო მეტად შრება, გამომშრალ კანზე კი სუნამო დიდხანს ვერ ჩერდება. სურნელის მდგრადობის გასაზრდელად, სუნამოს დასხმამდე გამოიყენე უსუნო დამატენიანებელი ლოსიონი. ასევე, დაიტანე არომატი პულსაციის წერტილებზე (მაჯებზე, ყელის მიდამოში) და ტანსაცმელზე – შალის და ქაშმირის ქსოვილები სუნამოს იდეალურად ინარჩუნებს.
- რა უნდა გავითვალისწინო სუნამოს ონლაინ შეძენისას?
მთავარი ყურადღება არომატის ნოტებს (ზედა, შუა და საბაზისო) უნდა მიაქციო. დარწმუნდი, რომ ბაზა შეიცავს შენთვის სასურველ ინგრედიენტებს (მაგალითად, თუ ტკბილი სურნელი გიყვარს – მოძებნე ვანილი).
- სად შევიძინო ორიგინალი ქალის სუნამოები ყველაზე ხელსაყრელ ფასად?
ორიგინალი სუნამოების ფართო არჩევანის სანახავად, ეწვიე ექსტრა მარკეტფლეისს. აქ მარტივად შეძლებ შეადარო ფასები, ისარგებლო ფასდაკლებებით და სახლიდან გაუსვლელად შეარჩიო შენი საყვარელი საკულტო სურნელი.
შეიქმენი დაუვიწყარი განწყობა შემოდგომა-ზამთრის ცივ დღეებში.
