მაღალი არტერიული წნევა ანუ ჰიპერტენზია გულ-სისხლძარღვთა დაავადებების განვითარების მთავარი მიზეზია და ჩვენი ჯანმრთელობისთვის სერიოზულ რისკებს ქმნის.
წნევის კონტროლისთვის არსებობს სხვადასხვა მეთოდი, მთავარი კი წნევის რეგულარული მონიტორინგი და ცხოვრების წესის შეცვლაა.
გაიზომე წნევა რეგულარულად
წნევის კონტროლი მნიშვნელოვანია, რადგან, ხშირად, მისი მატება სიმპტომების გარეშე მიმდინარეობს. ამისთვის აუცილებელია გამოიყენო წნევის აპარატი, ე.წ. ტონომეტრი.
- წნევის აპარატი საშუალებას გაძლევს, დროულად დააფიქსირო ცვლილებები და საჭიროების შემთხვევაში, მიმართო ექიმს.
- წნევის რეგულარული გაზომვა განსაკუთრებით, მნიშვნელოვანია მათთვის, ვისაც ჰიპერტენზია უკვე დაუდგინდა.
აირჩიე ჯანსაღი ცხოვრების წესი
ჯანსაღი ცხოვრების წესის დამკვიდრება წნევის რეგულირებისთვის მნიშვნელოვანია.
ჭარბი წონა ზრდის არტერიულ წნევას, ამიტომ აუცილებელია ბალანსირებული კვება და ფიზიკური აქტივობა.
- შეამცირე მარილის მოხმარება, რადგან ნატრიუმი ხელს უწყობს წნევის მატებას
- გაზარდე კალიუმით მდიდარი პროდუქტების მიღება – ბანანი, ავოკადო, ისპანახი და ლობიო
- მოერიდე გადამუშავებულ საკვებს და გაზარდე ბოსტნეულისა და ხილის მიღება
- იყავი ფიზიკურად აქტიური, რეგულარული ვარჯიში (30 წუთი დღეში) მნიშვნელოვნად ამცირებს არტერიულ წნევას
- რეკომენდებულია სიარული, ცურვა, იოგა და სხვა ზომიერი ფიზიკური აქტივობები
- რეგულარულად დალიე წყალი, რადგან დეჰიდრატაციამ, შესაძლოა, წნევის მატება გამოიწვიოს
- შეამცირე კოფეინის და ალკოჰოლის მოხმარება.
ისწავლე სტრესის მართვა
სტრესი ხშირად იწვევს არტერიული წნევის მომატებას, ამიტომ მნიშვნელოვანია ისეთი სარელაქსაციო ტექნიკების გამოყენება, როგორებიცაა მედიტაცია და სიღრმისეული, სუნთქვის ვარჯიშები.
- წნევის დასარეგულირებლად, აუცილებელია გეძინოს 7-9 საათის განმავლობაში
მაღალი წნევის მართვა შესაძლებელია ცხოვრების წესის შეცვლით და რეგულარული მონიტორინგით:
- წნევის აპარატის გამოყენება და ექიმთან კონსულტაცია მნიშვნელოვანია, რათა თავიდან აიცილო სერიოზული გართულებები.
- თუ ექიმი მედიკამენტების მიღებას გირჩევს, მკაცრად დაიცავი მისი რეკომენდაციები.
სათანადოდ საკუთარ ჯანმრთელობაზე? დაიწყე წნევის რეგულარული კონტროლი და შეასრულე ზემოთ ჩამოთვლილი ექსტრა რეკომენდაციები.
