მზე, ზღვა და უსაფრთხო რუჯი!

1. შენ აპირებ რუჯის მიღებას?

ზაფხულში იქ უნდა დაისვენო, სადაც თავს კარგად იგრძნობ. მთა თუ ზღვა, არჩევანი შენი გასაკეთებელია და ცალსახად, დამოკიდებულია შენს პიროვნულ თვისებებსა და ჯანმრთელობაზე. თუმცა, მზე ყველგანაა და ულტრაიისფერი გამოსხივებისგან კანის დაცვა, ნებისმიერ კურორტზე აუცილებელია!

თუ, არჩევანს საზღვაო კურორტზე შეაჩერებ, გაცნობიერებული უნდა გქონდეს, გარდა სამკურნალო თვისებებისა, რომელიც ზღვის წყალსა და კლიმატს აქვს, რა შემთხვევაში იქცევა ზღვაზე დასვენება საფრთხე შენი ჯანმრთელობისთვის

საზღვაო კურორტზე, გარდა ზღვის მარილიანობისა, ასევე, საფრთხის შემცველია არეკლილი ულტრაიისფერი სხივების უხვი დოზა, რომელიც ხვდება ორგანიზმში

2. რა დადებითი და უარყოფითი გავლენა აქვს მზეს?

გსურს, სწორად და უსაფრთხოების ნორმების დაცვით, კანის დაზიანების გარეშე მიიღო რუჯი? გამომყევი …

ზაფხულის პერიოდში, როდესაც მზის მცხუნვარება ზენიტშია, სხეულიდან სითხის გამოყოფა სწრაფი ტემპით მიმდინარეობს. იმისათვის, რომ თერმორეგულაციის დარღვევამდე არ მივიდეს საქმე, ორგანიზმის გადახურება და კანის დაზიანება არ მივიღოთ, სათანადო ყურადღება უნდა დაეთმოს სხეულის სწორად და დროულად დატენიანებას

გაინტერესებს, რა უნდა გააკეთო, რომ თავიდან აიცილო ზემოთ ჩამოთვლილი?

გამომყევი, რჩევები მაქვს :

• დალიე დიდი რაოდენობით წყალი
• სწორად შეარჩიე თავისა და კანის მოვლის საშუალებები, რომელიც დაგიცავს მავნე ულტრაიისფერი გამოსხივებისგან

3. რა უნდა ვიცოდეთ, რომ თავიდან ავიცილოთ კანის დამწვრობა?

კანის დამწვრობა შეუმჩნეველი არ დაგრჩება. ულტრაიისფერი გამოსხივების ნეგატიური კვალი თვალსაჩინოა და მკაფიოდ გამოხატული ნიშნები აქვს:

• კანის სიწითლე
• ტკივილის შეგრძნება
• მოგვიანებით ახასიათებს კანის აქერცვლა

ასეთ შემთხვევაში, როდესაც კანის დამწვრობა უკვე დადასტურებულია, სპეციალისტები გვირჩევენ :

1. ძლიერი დამატენიანებელი საცხის გამოყენებას
2. ანთების საწინააღმდეგო საშუალებების მიღებას

4. როგორ დავიცვათ თავი მზის ულტრაიისფერი გამოსხივებისგან?

როგორ უნდა დაიცვა თავი მზის ულტრაიისფერი გამოსხივებისგან. ისე, რომ თავიდან აიცილო კანის დამწვრობა და ამავდროულად, მიიღო რუჯი? იხილე, რეკომენდაციები:

1. მოერიდე, მზის პირდაპირ სხივებს 11:00 – 16:00 საათებში. სწორედ, ამ პერიოდშია მზის სხივები ყველაზე აგრესიული, რომელსაც კანის დაწვა იოლად შეუძლია
2. რუჯის მიღებამდე, მთელს სხეულსა და სახეზე წაისვი მზისგან დამცავი, იგივე sunscreen. მზისგან დამცავი საშუალება უნდა იყოს საგანგებოდ შერჩეული
3. ხშირად დაითვალიერე კანი, რათა არ გამოგეპაროს საეჭვო წარმონაქმნები

5. რა საშუალებები შეიძლება გამოვიყენოთ იმისთვის, რომ მივიღოთ რუჯი?

მნიშვნელოვანია, მზისგან დამცავი საშუალების სწორად შერჩევა. ასევე, იმის ცოდნა, როგორ გამოიყენო ის დანიშნულების მიხედვით. ეს შეიძლება იყოს კრემი, გელი, ლოსიონი, სპრეი, სტიკი

გთავაზობ, დერმატოლოგების რჩევებს, თითოეული დამცავის გამოყენებასთან დაკავშირებით :

1. მზისგან დამცავი კრემი უნდა წაისვა მშრალ კანზე, ძალიან თხელ ფენად
2. გელის წასმა რეკომენდირებულია თმიან ადგილებზე, მაგალითად, თმის ძირებში. მამაკაცების შემთხვევაში – მკერდზე
3. კრემისგან განსხვავებით, მზისგან დამცავი ლოსიონი კანზე სქლად დაიტანება. თუმცა, უნდა გაითვალისწინო, რომ მისი გამოყენება სახეზე არ ხდება
4. სტიკის გამოყენება მიზანშეწონილია თვალების გარშემო

6. რატომ არის აუცილებელი მზისგან დამცავი საშუალებების გამოყენება? UVA/UVB ფილტრის მნიშვნელოვნება 

გსმენია, ულტრაიისფერი სხივების მავნე ზემოქმედების შესახებ?

ვისაუბროთ იმის შესახებ, რაც დერმატოლოგებისთვის დიდი ხანია აღარ არის საკამათო თემა. აღიარებულია, რომ არსებობს მზის აგრესიული სხივები, რომელთაც შეუძლიათ შეაღწიონ კანის ღრმა შრეებში და დააზიანონ მისი სტრუქტურა. UV წარმოადგენს ულტრაიისფერი სხივების აბრევიატურას

არსებობს ორი სახის გამოსხივება, რომელიც UVA და UVB სახელმწოდებითაა ცნობილი. მოდი, ერთად გავაანალიზოთ თითეულის უარყოფითი გავლენა კანზე!

1. UVA სხივები, ე.წ. ყველაზე დამოუმორჩილებელი სხივებია, რომელსაც მინაც კი ვერ აკავებს. ისინი აღწევენ კანის ყველაზე ღრმა, უხილავ შრეებში და მნიშვნელოვნად აზიანებენ კანის სტრუქტურას. სწორედ, ამ ტიპის ულტრაიისფერი სხივების ზემოქმედებისგანაა გამოწვეული ნაოჭები
2. UVB სხივების კანზე მოხვედრა, მის დამწვრობას იწვევს. თუმცა, სათვალის მინას შეუძლია UVB სხივების ნეგატიური ზემოქმედებისგან დაიცვას ჩვენი თვალი. გარდა თვალით ხილული ნეგატიური შეგედებისა, ორივე სპექტრი, UVA და UVB, მონაწილეობს სიმსივნური დაავადების ჩამოყალიბებაში

7. კანის დაცვის ეტაპები, რა არის SPF ფაქტორი?

SPF, ეს არის მზისგან დაცვის ფაქტორი! სულ მცირე, ჩვენს მიერ გამოყენებულ მზისგან დამცავ საშუალებებში, SPF ფაქტორი 15-ის ტოლი უნდა იყოს!

ამერიკის დერმატოლოგთა ასოციაციის რეკომენდაციით, სასურველია, მთელი წლის განმავლობაში, ნებისმიერ ამინდში მოხდეს UVA და UVB სხივებისგან დამცავი საშუალებების გამოყენება. ვინაიდან, მზის სხივები ღრუბლიან ამინდშიც აღწევენ კანში. მხოლოდ, sunscreen-ს შეუძლია, მთელი დღის განმავლობაში ეფექტურად დაიცვას შენი კანი მზის აგრესიული გამოსხივებისგან

თუ, გსურს, შენი კანი ჯანმრთელად და ახალგაზრდულად გამოიყურებოდეს, ერთადერთი თავდაცვის გზა არის ნებისმიერ ამინდში მზისგან დამცავის გამოყენება!

1. მზის დამცავი საშუალება სახლიდან გასვლამდე 15 წუთით ადრე დაიტანე სხეულის ღია უბნებზე, განსაკუთრებით სახეზე, ხელებსა და დეკოლტეზე
2. ყურადღება მიაქციე, რომ მზისგან დამცავის საკმარისი რაოდენობა მოხვდეს შენს სხეულზე. ეს არ უნდა იყოს 30 გრამზე ნაკლები
3. ზაფხულის განმავლობაში, მზისგან დამცავი საშულებების განახლება, დღის მანძილზე რამდენიმეჯერ უნდა მოხდეს. განსაკუთრებით, ცურვის დროს
4. მზისგან დამცავის გამოყენება აუცილებელია ტუჩებზეც. რეკომენდირებულია ტუჩის ბალზამი, რომლის SPF ფაქტორი არის 15%_იანი
5. თუ, ყოველდღიურად გიწევს კოსმეტიკური საშუალებების გამოყენება, სასურველია, ისეთი პროდუციის შერჩევა, რომლის შემადგენლობაში გათვალისწინებულია მზისგან დაცვის ფაქტორი. ხოლო, თუ ცალკე ხდება მზისგან დამცავი საშუალებების გამოყენება, ის აუცილებლად მაკიაჟის ქვეშ უნდა წაისვა

8. როგორ მივიღოთ უსაფრთხო რუჯი?

შესაძლებელია თუ არა, მიიღო რუჯი უსაფრთხოდ? ამ კითხვით ხშირად  მიმართავენ  დერმატოლოგებს

ზოგადი წესების დაცვის მიუხედავად, უნდა გვახსოვდეს, რომ არ არსებობს რუჯის უსაფრთოების 100%-იანი გარანტია

არსებობს შედარებით უსაფრთხო გზები და თუ შენ მტკიცედ გაქვს გადაწყვეტილი არ ჩამორჩე ტენდენციებს და კანის სიფერმკრთალე ოქროსფერი ბზინვარებით შეცვალო, ბოლომდე წაიკითხე ბლოგი. რუჯის მიღებამდე, 3 ფაზიანი რუტინის შესახებ უნდა იცოდე!

1. მზისგან დამცავი – ეს არის საშუალება, რომელსაც ვიყენებთ ნებისმიერ შემთხვევაში, წლის ნებისმიერ დროს და ყველა ვითარებაში. ამაზე ვრცლად ვისაუბრეთ დღევანდელ ბლოგში
2. რუჯის მისაღები საშუალება – ეხმარენა კანს შეფერილობის მიღებაში. აუცილებელია, რომ რუჯის მისაღებ საშუალებას გააჩნდეს მზისგან დაცვის ფაქტორი (SPF). საწყის ეტაპზე, ღია ფერის კანისთვის რეკომედირებულია მზისგან დაცვის ფაქტორი იყოს მინიმუმ 50, ბუნებრივად მუქი შეფერილობის კანისთვის – 30. მზისგან დამცავი საშუალება ხელს არ უშლის რუჯის მიღების პროცესს. ის მხოლოდ იცავს შენს კანს ნეგატიური შედეგებისგან
3. რუჯის შემდგომ წასასმელი – როდესაც ვსაუბრობთ, შედარებით უსაფრთხო რუჯზე, ეს პროცესი მესამე ფაზასაც მოიცავს. რუჯის შემდგომ წასასმელ საშუალებას აქვს კანის დამშვიდების ფუნქცია. აღნიშნული პროდუქტები გაჯერებულია  ვიტამინებითა და მცენარეული ზეთებით, რომლებიც ატენიანებს კანს და ზრუნავს შენი კანის სიჯანსაღეზე. ასევე, ეს საშუალებები დაგეხმარება, შენმა რუჯმა დიდხანს შეინარჩუნოს ეფექტი

9. რა ვისწავლეთ?

• მზისგან დამცავი საშუალებები არის ფარი, რომელიც ჩვენს კანს დაიცავს ნაადრევი დაბერებისგან. ასევე, ამ გზით ჩვენ ვახდენთ კანის კიბოს პრევენციას და ვზრუნავთ ჩვენს ჯანმრთელობაზე
• ვისწავლეთ, რომ ოქროსფერი რუჯის მიღება, ზომიერად გარუჯვისა და დამცავის საშუალებების გამოყენების შედეგი უნდა იყოს და არა – რისკიანი ქმედებების
• 100%-იანი დაცვა და გარანტიები არ არსებობს! არსად! არასდროს! არაფრის!

თვალი ადევნე ჩვენს ბლოგებს, რომელიც სილამაზის და თავის მოვლის მოვლის შესახებ იქმნება. აქ დაგხვდება რეკომენდაციები სპეციალისტებისგან! მნიშვნელოვანი თემების განხილვა,“როგორ მოვუაროთ კანს ზაფხულში” და მსგავსი სასარგებლო რჩევები!