არსებობს ნივთები, რომლებიც სივრცეს განსაკუთრებულ, თბილ გარემოდ აქცევს. სწორედ ასეთ ავეჯს გთავაზობს კოლექტორი – რესტავრირებული ვინტაჟური ავეჯისა და დეკორის პირველი ონლაინ მაღაზია, რომლის კოლექციის აღმოჩენა ახლა უკვე ექსტრა მარკეტფლეისზეც შეგიძლია.
Collector-ის თითოეული ნივთი საგულდაგულოდ არის შერჩეული და რესტავრირებული. ნივთებს რესტავრაცია უკეთდება იმგვარად, რომ მათი ავთენტურობა და ხასიათი შენარჩუნდეს. მასიური ხისგან დამზადებულ ავეჯზე ბუნებრივად შენარჩუნებული დროის კვალი ნაკლი კი არა, ღირსებაა. სწორედ ეს დეტალები აქცევს თითოეულ ნივთს უნიკალურად.
ვინტაჟური ავეჯი, რომელსაც დრო მეტ ღირებულებას სძენს
Collector-ის ასორტიმენტში დაგხვდება ტელევიზორის მაგიდები, კომოდები, კარადები, ვიტრინები, ჟურნალების მაგიდები, დესაოები, კონსოლები, თაროები, ტუმბოები, ტანსაცმლის საკიდები, სათავსოები და სხვა საინტერესო ავეჯი.
ნივთების უმეტესობა დამზადებულია მაღალი ხარისხის მასალისგან – მუხის, წაბლის, მაჰაგონის, კაკლის, ფიჭვის, წიფლის და სხვა გამძლე ხის ჯიშებისგან. ამ ავეჯის ხარისხზე მათი სიძველე მეტყველებს – ესაა ნივთები, რომელთაც დროს გაუძლეს და დღესაც ინარჩუნებს სიმყარესა და ესთეტიკურ ღირებულებას.
სკანდინავიური, ბელგიური, ინგლისური, გერმანული და ჰოლანდიური დიზაინი ერთ სივრცეში
თუ ბუნებრივი და დახვეწილი ინტერიერი მოგწონს, Collector-ის კოლექცია აუცილებლად დაგაინტერესებს. აქ, უმეტესად, ევროპული – სკანდინავიური, ინგლისური, ბელგიური, გერმანული და ჰოლანდიური ავეჯი დაგხვდება, რომელიც მარტივად ერწყმის როგორც თანამედროვე, ისე კლასიკურ ინტერიერს.
კოლექტორის გუნდი განსაკუთრებულ მნიშვნელობას ანიჭებს ავეჯის სელექციას – მათი მიზანია, რომ მომხმარებლებმა კოლექტორის ავეჯით თანამედროვე ინტერიერის შექმნა შეძლონ.
რესტავრაციის პროცესში დიდი ყურადღება ეთმობა თითოეულ დეტალს. ავეჯს ემატება თანამედროვე დიზაინის ელემენტები, თუმცა არასდროს იკარგება მისი ისტორია და ორიგინალური ხასიათი. სწორედ ეს ბალანსი ქმნის ნივთებს, რომლებიც ერთდროულად ძველიც არის და თანამედროვეობისთვის აქტუალურიც.
Collector-ის იდეა ეკომეგობრულ არჩევანზე ხელმისაწვდომობის გაზრდაცაა. ეს ერთგვარი სურვილია ხარისხიან ნივთებს ახალი სიცოცხლე დაუბრუნდეს და ნაგავსაყრელზე არ აღმოჩნდეს. ამასთან, მათი შეძენა სასიამოვნო გამოცდილებად იქცეს.
გუნდმა, რომელსაც ძველი ავეჯის სიყვარული აერთიანებს, შექმნა უნიკალური სივრცე – ვინტაჟური ავეჯის პირველი ონლაინ მაღაზია საქართველოში.
თუ ინტერიერისთვის უნიკალური ნივთის აღმოჩენა გსურს, აღარ გჭირდება მეორადი ავეჯის მაღაზიებსა და გადატვირთულ საწყობებში სიარული. კოლექტორში თითოეული ნივთი უკვე შერჩეული და განახლებულია, აქ აუცილებლად იპოვი ისეთ ნივთს, რომელიც შენს სივრცეს განსაკუთრებულ ხასიათს შესძენს.
დაათვალიერე Collector-ის შერჩეული კოლექცია ექსტრა მარკეტფლეისზე.
