გიფიქრია, რომ კბილის ჯაგრისი ყველაფერს ვერ აკეთებს? ყოველდღიური ჰიგიენის მიუხედავად, კბილებს შორის და ღრძილებთან ხშირად რჩება ისეთი ადგილები, სადაც ჩვეულებრივი ჯაგრისი მარტივად ვერ აღწევს. სწორედ ამიტომ ირიგატორი გახდა ბოლო წლებში ერთ-ერთი ყველაზე პოპულარული პირის ღრუს მოვლისთვის.
გინდა, რომ შენი ყოველდღიური რუტინა უფრო ეფექტური გახდეს და ამავე დროს, გაინტერესებს სად იყიდება კარგი ირიგატორები?
ექსტრზე შეგიძლია შეიძინო სხვადასხვა ბრენდის ირიგატორები, მათ შორის: Bitvae, MINISO, ROYALMEDICAL და სხვა მოდელები, რომლებიც ერთმანეთისგან განსხვავდება ფუნქციებით, დიზაინითა და შესაძლებლობებით.
აქვე, შეგიძლია იპოვო ცალკე საქშენებიც, რაც განსაკუთრებით მოსახერხებელია, თუ მოწყობილობას ოჯახთან ერთად იყენებ ან დამატებითი თავაკების შეძენა გჭირდება.
ირიგატორების ფასებიც მრავალფეროვანია: ყველაზე დაბალფასიანი მოდელების ღირებულება, დაახლოებით, 50 ლარიდან იწყება, ხოლო უფრო მრავალფუნქციური და მოწინავე მოდელები 229 ლარამდე ღირს. ეს იმას ნიშნავს, რომ შეგიძლია მარტივად შეარჩიო შენს საჭიროებებსა და ბიუჯეტზე მორგებული ვარიანტი.
რატომ უნდა გქონდეს ირიგატორი
ბევრი ადამიანი ფიქრობს, რომ კბილის ჯაგრისი და კბილის ძაფი საკმარისია, თუმცა ირიგატორი დამატებითი დახმარებაა პირის ღრუს ჰიგიენისთვის. განსაკუთრებით სასარგებლოა, თუ ბრეკეტებს ატარებ, კბილების იმპლანტები გაქვს, გვირგვინებს იყენებ ან ღრძილების მოვლას განსაკუთრებულ ყურადღებას უთმობ.
წყლის კონტროლირებადი ნაკადი ეხმარება რთულად მისადგომი ადგილების გაწმენდას, ხოლო რეგულარული გამოყენება ყოველდღიურ ჰიგიენურ რუტინას უფრო სრულყოფილს ხდის.
როგორ უნდა შეარჩიო ირიგატორი
ირიგატორის შეძენისას, მნიშვნელოვანია, გაითვალისწინო, რას ელოდები ამ მოწყობილობისგან.
- თუ ხშირად მოგზაურობ ან პატარა სივრცეში ცხოვრობ, კომპაქტური და უსადენო მოდელი შეიძლება უფრო მოსახერხებელი იყოს. ასეთი მოწყობილობები ნაკლებ ადგილს იკავებს და მარტივად გადაადგილდება.
- თუ მოწყობილობას რამდენიმე ადამიანი გამოიყენებს, ყურადღება მიაქციე საქშენების რაოდენობას, რომ ოჯახის წევრებმა ინდივიდუალურად გამოიყენონ.
- მნიშვნელოვანია წყლის წნევის რეგულირების ფუნქციაც. თუ ღრძილები მგრძნობიარე გაქვს, საწყის ეტაპზე დაბალი ინტენსივობის რეჟიმი ბევრად კომფორტული იქნება.
- წყლის რეზერვუარის მოცულობაც გასათვალისწინებელია. უფრ დიდი მოცულობის ირიგატორი უფრო მოსახერხებელია გამოსაყენებლად.
ერთ ერთი საინტერესო მოდელი, რომლის ყიდვაც ექსტრაზე შეგიძლია არის Bitvae C6-ს. Bitvae C6 განსაკუთრებით საინტერესოა იმით, რომ სხვადასხვა რეჟიმის არჩევის შესაძლებლობას გაძლევს, რაც ნიშნავს, რომ წყლის ნაკადის ინტენსივობა შენს კომფორტზე შეგიძლია მოარგო.
როგორ უნდა გამოიყენო ირიგატორი
- თუ პირველად იყენებ ირიგატორს, თავიდან დაბალი წნევით დაწყება კარგი იდეაა. მოწყობილობის საქშენი კბილებისა და ღრძილების ხაზისკენ მიმართე და ნელა გადააადგილე.
- უმჯობესია, წყლის ნაკადი პირის ღრუს შიდა მხარეს მიმართო და თავი ოდნავ დახარო, რათა წყალი თავისუფლად გამოვიდეს.
გახსოვდეს, რომ ირიგატორი კბილის გახეხვას არ ცვლის, ის დამატებითი საშუალებაა, რომელიც, ყოველდღიურად, პირის ღრუს მოვლას მნიშვნელოვნად გააუმჯობესებს.
თუ დიდი ხანია ფიქრობდი ირიგატორის ყიდვაზე, არ გადადო და შეარჩიე ექსტრაზე.
