გამათბობლის შეძენას თუ გეგმავ, უმჯობესია იჩქარო, რადგან 30 ნოემბრის ჩათვლით extra-ზე საინტერესო, საშემოდგომო აქცია გელოდება. ამ ბმულზე წარმოდგენილ ნებისმიერი ტიპის გამათბობელს 40%-მდე ფასდაკლებით შეიძენ, მონტაჟის სერვისისთვის კი, დამატებით, Profy-ს მონტაჟის 15%-იან ფასდაკლების ვაუჩერს გაჩუქებთ.
აქცია ვრცელდება გაზის გამათბობლებზე, ინფრაწითელ გამათბობლებსა და გათბობის ქვაბებზე.
შეთავაზება გულგრილს ვერ დაგტოვებს და როგორც ხედავ, ვებგვერდზე არჩევანიც საკმაოდ დიდია.
როგორ უნდა შეარჩიო გამათბობელი სწორად?
სწორი გადაწყვეტილების მისაღებად, გადავწყვიტეთ, მნიშვნელოვანი რჩევები მოგვემზადებინა. თუ ხელსაყრელ ფასთან ერთად ეკონომიურ და უსაფრთხო მოწყობილობას ეძებ, გაეცანი შენთვის საგულდაგულოდ მომზადებულ რეკომენდაციებს და ეს პროცესი გაგიმარტივდება.
პირველ რიგში, შეარჩიე შენთვის სასურველი გამათბობლის ტიპი:
რა უნდა გაითვალისწინო გაზის გამათბობლის შერჩევისას:
- რეკომენდებული ფართი
- წვის კამერის ტიპი
- თერმოსტატი
ზემოთ მითითებული 3 კრიტერიუმი უზრუნველყოფს გამათბობლის უსაფრთხოებას, არეალის მაქსიმალურ გათბობას და ეკონომიურობას.
პირველ რიგში, ზუსტად უნდა განსაზღვრო გასათბობი ფართის კვადრატულობა და ჭერის სიმაღლე, რომელიც 3 მეტრს არ უნდა აღემატებოდეს. დარწმუნდი, რომ გამათბობელს აქვს დახურული წვის კამერა. ასეთი ტიპის კამერა, ღია წვის კამერისგან განსხვავებით, არ მოიხმარს ჟანგბადს ოთახიდან და არ აბრუნებს მომწამლავ აირს (CO) ოთახში. პირიქით, ამდიდრებს სახლს ჟანგბადით და უსაფრთხოა. თერმოსტატი ზოგავს ბუნებრივი აირის ხარჯს – მაქსიმალური ტემპერატურის მიღწევის შემდეგ, გაზის მიწოდებას ამცირებს და სახლში ინარჩუნებს ტემპერატურას.
ნუ დაგავიწყდება ექსპლუატაციის წესები, რაც გულისხმობს კომპეტენტური ხელოსნის მოძიებას და გამათბობლის სწორ მონტაჟს.
ელექტრო გამათბობლის ტიპები:
ელექტრო გამათბობლები რამდენიმე ტიპად იყოფა:
ინფრაწითელი გამათბობელი
მასობრივი მოხმარებით და განსაკუთრებული პოპულარობით გამოირჩევა ინფრაწითელი გამათბობელი. იდეალურია ტერასის, ეზოს ან ნებისმიერი გარე სივრცის გათბობისათვის. მისი მონტაჟისას მნიშვნელოვანია გავითვალისწინო, რომ არ იყოს ძალიან ახლოს ადამიანთან, რადგან ეს გამათბობელი გამოირჩევა საკმაოდ მაღალი სითბოს გამოყოფით.
ზოგადად, ყველა ელექტრო გამათბობელი არის კომპაქტური და მოსახერხებელი. თანამედროვე მოდელებს ჩამონტაჟებული აქვთ უსაფრთხოების სისტემა, რაც წაქცევისას ავტომატურ გათიშვას უზრუნველყოფს. მნიშვნელოვანი მახასიათებელია თერმოსტატი, რომელიც ამ ტიპის გამათბობელშიც ელექტრო ენერგიას დაგიზოგავს, თუმცა, აუცილებელია იცოდე, რომ 700-1000 ვატიანი სიმძლავრის ელექტრო გამათბობლით, მაქსიმუმ, 10მ2 ფართობის გათბობას შეძლებ.
ელექტრო გამათბობლის ფასი, როგორც წესი, მაქსიმალური სიმძლავრის დიაპაზონით და სხვა ტექნოლოგიური უპირატესობით განისაზღვრება.
როგორ უნდა შეარჩიო ეკონომიური და უსაფრთხო ცენტრალური გათბობის ქვაბი?
ცენტრალური გათბობის ქვაბი შედარებით ძვირი სიამოვნებაა, თუმცა, იდეალურია ბინის გათბობისა და ცხელი წყლით მომარაგებისთვის. თუ სწორედ ამ უკანასკნელის შეძენა გადაწყვიტე, გაითვალისწინე, რას მიაქციო ყურადღება:
- სიმძლავრე
- წვის კამერის ტიპი
- კონტურების რაოდენობა
- თუ ჭერის სიმაღლე, სტანდარტულად, 2.5-3 მეტრია, გათბობის ქვაბის სიმძლავრის დასადგენად, უნდა გაითვალისწინო, რომ 1 კილოვატი გაათბობს 10 კვადრატულ ფართობს.
- ისევე როგორც გაზის გამათბობლის შემთხვევაში, ცენტრალური გათბობის ქვაბსაც აქვს დახურული ან ღია წვის კამერა. უსაფრთხოებისთვის აჯობებს, შეიძინო დახურული წვის კამერიანი ქვაბი, განსაკუთრებით იმ შემთხვევაში, თუ მოწყობილობის მონტაჟს შენობის შიგნით აპირებ.
- რას გულისხმობს ერთკონტურიანი და ორკონტურიანი გათბობის ქვაბი? ერთკონტურიანი ქვაბი მხოლოდ გათბობის ფუნქციას ასრულებს, ხოლო ორკონტურიანი – გათბობის პარალელურად, ცხელ წყალმომარაგებასაც უზრუნველყოფს. როგორც წესი, მომხმარებლები უპირატესობას ანიჭებენ ორკონტურიან გათბობის ქვაბს, დახურული წვის კამერით.
ოპტიმალური მუშაობის ტემპერატურა ცენტრალური გათბობის ქვაბისთვის 45-60 გრადუსია, რაც უზრუნველყოფს ეფექტურ გათბობას მუდმივ რეჟიმში.
საიდან დავიწყოთ?
ვიდრე ცენტრალური გათბობის ქვაბს შეარჩევ, აუცილებელია, ნახო გამოცდილი და კომპეტენტური სპეციალისტი, რომელიც უზრუნველყოფს გათბობის სისტემის სწორ დაგეგმარებას, დაათვალიერებს ბინას და დაიანგარიშებს სითბოს დანაკარგებს, ასევე, დაგითვლის მილგაყვანილობას, რადიატორების რაოდენობას და შენი ბინისთვის საჭირო ქვაბის სიმძლავრეს. გასათვალისწინებელია ბინის თბოიზოლაცია, ფანჯრების რაოდენობა, ჭერის სიმაღლე, საცხოვრებლის ტიპი.
მნიშვნელოვანი რეკომენდაციები:
- არასწორი გათვლა ზრდის კომუნალურ ხარჯებს
- დიდი სიმძლავრის გამათბობელი არ გულისხმობს უფრო ეფექტურ გათბობას
- თუ რადიატორების სიმძლავრე აღემატება ქვაბის სიმძლავრეს, სისტემა მუშაობს უწყვეტ რეჟიმში, რაც ზრდის ბუნებრივი აირის დანახარჯს და პირდაპირ პროპორციულად აისახება ქვაბის მუშაობის რესურსზე
- უპირატესობა მიანიჭე ცნობილი, პრაქტიკაში გამოცდილ ბრენდს
ვფიქრობ, რჩევები გაგიმარტივებს გადაწყვეტილების მიღებას. ქვეყნის მასშტაბით ონლაინ ვაჭრობის ყველაზე დიდ ციფრულ პლატფორმაზე კი როგორც გათბობის ქვაბების, ისე გაზის და ელექტრო გამათბობლების დიდი მრავალფეროვნება დაგახვედრეთ.
შენთვის სასურველი მოდელის 40%-მდე ფასდაკლებით ყიდვა რომ შეგიძლია, ამის შესახებ, ბლოგის დასაწყისშიც მოგაწოდე ინფორმაცია. შეგახსენებ, აქცია 30 ნოემბრის ჩათვლით იქნება ხელმისაწვდომი.
extra-ზე ყიდვას შეძლებ როგორც თანხის განაწილებით, ისე საქართველოს ბანკის, სფეისის, თიბისი ბანკის, ტერა ბანკისა და კრედო ბანკის განვადებით.
