ბიბლიოფილია წიგნის სიყვარულს ნიშნავს! 9 აგვისტოს კი, წიგნის მოყვარულთა საერთაშორისო დღე აღინიშნება. მე დღეს გირჩევ 5 წიგნს, რომლის შეძენაც extra.ge – ზე შეგიძლია და რომელიც აუცილებლად უნდა დაამატო შენს საზაფხულო საკითხავ სიას
ფრანც კაფკა – პროცესი
ეს წიგნი ეგზისტენციალისტ ავტორს ეკუთვნის და მისი კითხვისას ბევრი შეკითხვა დაგებადება. ისტორია იოზეფ კ.-ს ირგვლივ ვითარდება. მას აპატიმრებენ და სიუჟეტის მანძილზე ჩვენ ვესწრებით მის პროცესს, რომელიც რადიკალურად განსხვავდება იმ პროცესებისგან, რომელთა შესახებაც აქამდე გვსმენია
რევაზ-გიორგი არველაძე – მოთხრობები ქართლიდან
ამ წიგნს განსაკუთრებით შეიყვარებს მითოლოგიისა და საშინელებათა ჟანრის მოყვარულები, რადგან მოთხრობები, რომელსაც ეს კრებული აერთიანებს მოიცავს ქართული მითოლოგიის პერსონაჟებს. ისინი საქართველოში ჩვენთვის ნაცნობ ადგილებში თანაარსებობენ ქართველ პერსონაჟებთან ერთად და საინტერესო ისტორიებსაც გვიყვებიან, რომელიც სავსეა მოულოდნელი თავგადასავლებითა და ფინალებით
მარიამ გურგენიშვილი – მარგალიტები
ეს წიგნი გამოწვევაა ადამიანებისთვის, რომლებიც ამბობენ „მე თითქმის არასდროს ვტირი წიგნის წაკითხვისასო“, რადგან დამიჯერეთ, „მარგალიტების“ ფინალს ცრემლების გარეშე ვერავინ წაიკითხავს. ამბავი 90-იანების საქართველოში ვითარდება და ყველა პერსონაჟის პროტოტიპს ვიცნობთ მკითხველები. ეს არის ისტორია ძლიერ გოგონებზე, დაძალებულ სიყვარულსა და პატრიოტიზმზე, მისი გმირები კი ყველა ადამიანს ძალიან შეაყვარებენ თავს
სალომე ბენიძე – ქალაქი წყალზე
ეს არის მოთხრობათა კრებული, რომელიც წყლის სამყაროში გამოგზაურებს. ყველა ისტორია ეხება ქალებს, რომლებიც ერთმანეთს არც კი იცნობენ, თუმცა მათი ცხოვრება, ბედისწერა და ყოველდღიურობა ერთმანეთს ძალიან ჰგავს და თითქმის იდენტურიცაა. მოთხრობები ძალიან ბევრ საინტერესო პრობლემასა და საკითხს ეხება, რომელიც ყველა ადამიანმა უნდა გაითავისოს
აკა მორჩილაძე – ფალიაშვილის ქუჩის ძაღლები
ეს ისტორიაც 90-იანების თბილისში მიმდინარეობს, რომლის მთავარი პერსონაჟიც არის ზაზა, ადამიანი, რომელსაც ერთი საინტერესო ოცნება აქვს – „ნიცაში“ წასვლა უნდა. ძალიან ლაითად და მარტივად საკითხავი წიგნია, მიუხედავად იმისა, რომ ისტორია რომელესაც გვიყვება საკმაოდაა სავსე პესიმიზმით
დარწმუნებული ვარ, ეს წიგნები შენც ძალიან შეგაყვარებს თავს!
სასიამოვნო კითხვის სურვილით,
Extra.ge
