გავაგრძელოთ საბაზისო რუტინის შედგენა, რომლის მეორე ეტაპი დატენიანებაა.
რატომ არის მნიშვნელოვანი კანის დატენიანება?
დამატენიანებელი საცხის ძირითადი მოვალეობა კანის ზედაპირის დატენიანება, ტენიანობის შენარჩუნება და ტრანსეპიდერმული წყლის კარგვის შეკავებაა.
ტრანსეპიდერმული წყლის კარგვა, ჩვენი კანის ზედაპირიდან წყლის აორთქლების პროცესს ეწოდება. ეს პროცესი დაჩქარებულია დაზიანებული კანის ბარიერის და ქრონიკული დაავადებების შემთხვევაში.
რუტინის ეს ეტაპი გვეხმარება, რომ კანი გამოიყურებოდეს უფრო ჯანსაღად, იყოს მუდმივად დაბალანსებული და დაცული გარემო სტრესორებისგან.
დამატენიანებლის ტიპები ინგრედიენტების მიხედვით
დამატენიანებლების ძირითადი ინგრედიენტები 3 ტიპად იყოფა. თუმცა, კოსმეტიკის ქიმიკოსების დამსახურებით, დღეს, უკვე ხშირად ვაწყდებით ამ 3 ტიპის ინგრედიენტების სინთეზს.
საცხის შერჩევა შეიძლება დიდი გამოწვევა გახდეს. ვინაიდან, დღეს არის დიდი არჩევანი როგორც ტექსტურების, ასევე, კონსისტენციის და ინგრედიენტების მრავალფეროვნების მხრივ.
ოკლუზიური ინგრედიენტები
პირველი ტიპის საცხები ოკლუზიური (Occlusives) ინგრედიენტების ბაზაზეა დაფუძნებული.
ოკლუზივები არის დამატენიანებელი აგენტები, რომლებიც მუშაობენ კანის ზედაპირზე დამცავი ფენის წარმოქმნით და ქმნიან ბარიერს ტენიანობის დაკარგვის თავიდან ასაცილებლად. ასეთი ტიპის მსუყე პროდუქტები ძირითადად მშრალ/მგრძნობიარე დაზიანებულ კანს მოუხდება.
ასევე, იდეალურია ატოპიური დერმატიტის, ეგზემის და ფსორიაზის მქონე ადამიანებისათვის. შესანიშნავია ზამთრის ცივი და მკაცრი დღეებისათვის.
ოკლუზიური ინგრედიენტებია: პეტროლიუმის ჟელე, ფუტკრის და სხვადასხვა მცენარეული წარმომავლობის ცვილი, ლანოლინი, სილიკონები და სხვ.
AVENE CICALFATE
AVENE CICALFATE სახის დამატენიანებელი ანტიბაქტერიული კრემია, რომელიც ყველა ადამიანის თაროზე უნდა იყოს. ეს არის აღმდგენი საცხი, რომელიც მყისიერად ეხმარება გაღიზიანებულ, დაზიანებულ, გამომშრალ კანს.
ოკლუზიური ინგრედიენტები ეხმარება კანში ტენიანობის ჩაკეტვას, თუთიის სულფატის ანტიმიკრობული მოქმედების წყალობით კი იდეალურია დამწვრობების, პოსტ პროცედურული რუტინის და გაღიზიანებების დროს. არ შეიცავს სურნელოვან დანამატებს.
დამატენიანებელი ინგრედიენტები
მეორე ტიპი, დამატენიანებელი (Humectants) ინგრედიენტებია, რომელიც კანის ზედა ფენის ტენიანობას უზრუნველყოფს.
ასეთი ტიპის ინგრედიენტებით გაჯერებული მსუბუქი ფლუიდები, ან გელის ტიპის დამატენიანებლები, იდეალური იქნება ცხიმიანი/ კომბინირებული კანის მფლობელთათვის.
ძირითადი დამატენიანებელი ინგრედიენტებია: გლიცერინი, ჰიალურონის მჟავა, შარდოვანა, რძემჟავა, ალოე ვერა და ა.შ.
AVENE TOLERANCE HYDRA-10
შექმნილია ყველაზე მგრძნობიარე, კომბინირებული/ნორმალური ტიპის კანისთვის. აქვს მინიმალური ინგრედიენტები და არ შეიცავს კონსერვანტებს და სურნელოვან დანამატებს ალერგიული რეაქციების თავიდან ასაცილებლად. გლიცერინი და ჰიალურონის მჟავა უზრუნველყოფს კანის დატენიანებას (შეიცავს დამარბილებელ ინგრედიენტებსაც)
დამარბილებელი ინგრედიენტები
მესამე ტიპი დამარბილებელი (Emollients) ინგრედიენტებია. ასეთი ტიპის ინგრედიენტები, კანის ზედაპირულად დარბილებას და ზედაპირის გათანაბრებას უწყობს ხელს. იდეალურია მშრალი, ასაკოვანი კანისთვის.
დამარბილებელი ინგრედიენტებია: მცენარეული ზეთები, კოლოიდური შვრია, ლიპიდები და ა.შ.
TOPICREM DA EMOLLIENT FACE CREAM
მსუყე, დამარბილებელი ინგრედიენტებით გაჯერებული სახის ემულსია, იდეალური იქნება მშრალი, მგრძნობიარე, ატოპიური ტიპის კანის მქონეთათვის.
აქვს კრემოვანი ტექსტურა, რომელიც სწრაფად შეიწოვება და უზრუნველყოფს კანის ტენიანობას მთელი დღის განმავლობაში, დამზადებულია შიის ცხიმის ბაზაზე, არ შეიცავს სურნელოვან დანამატებს.
როგორც ხედავთ, უმეტესად შეხვდებით საცხებს, რომელსაც შეიძლება ჰქონდეს როგორც ოკლუზივები, ასევე, ჰიდრატორები ან ემოლიენტები, ამიტომ დღევანდელი კოსმეტიკის ფორმულატორები ჩარჩოებში არ გვაქცევენ!
რა დრო სჭირდება დამატენიანებელს, შედეგების მისაღებად?
მყისიერ შედეგს წასმისთანავე შეამჩნევთ. თუმცა, ხილული შედეგის მისაღწევად, 2-დან 8 კვირამდეა საჭირო. 8 კვირის შემდგომ შესაძლოა შეამჩნიოთ ცვლილებები კანზე, ნაოჭების შემცირებული ხილვადობა და ა.შ.
TIP უმჯობესია თუ პროდუქტები იქნება უსურნელო, ეთერზეთების გარეშე რათა თავიდან ავირიდოთ ალერგიების რისკი.
P.S. წყლის დალევა თქვენი კანის ტენიანობას ვერ დაეხმარება, ეს გავრცელებული მითია!
