სკოლის პერიოდის მოახლოებასთან ერთად სასკოლო ნივთების შერჩევაც აქტუალური ხდება. წინა სამზადისში კი ერთ-ერთი ყველაზე მნიშვნელოვანი სასკოლო ჩანთის არჩევაა.
არჩევანის პროცესი მარტივია, როცა ექსტრა მარკეტფლეისზე ხარისხიანი ბრენდების დიდი არჩევანი გელოდება, მათ შორის, ისეთი პოპულარული ბრენდები, როგორებიცაა Kite, Gopack, Haslor, Ponto, MILAN და სხვა.
სასკოლო ჩანთის არჩევისას მხოლოდ ფერსა და დიზაინს ნუ მიაქცევ ყურადღებას. გარეგნობასთან ერთად მნიშვნელოვანია, რამდენად კარგად ერგება ჩანთა ბავშვის ასაკს, აღნაგობასა და ყოველდღიურ საჭიროებებს.
სწორად შერჩეული მოდელი ბავშვს ჩანთის ტარებას გაუმარტივებს და უსაფრთხოც იქნება.
რას უნდა მიაქციო ყურადღება სასკოლო ჩანთის არჩევისას
- პირველ რიგში, ჩანთის ზომა ბავშვის ასაკსა და აღნაგობას უნდა შეესაბამებოდეს. ძალიან დიდი ჩანთა შეიძლება პრაქტიკული ჩანდეს, თუმცა, ყოველდღიური ტარებისთვის ზედმეტად მძიმე და მოუხერხებელი იყოს.
- განსაკუთრებით მნიშვნელოვანია ზურგის ნაწილი და მხრების დამჭერები. სასურველია, ჩანთას ჰქონდეს კარგად ფორმირებული, შედარებით მყარი და კომფორტული საზურგე, რომელიც ბავშვის ზურგზე დატვირთვას უფრო თანაბრად გადაანაწილებს.
- მხრების დამჭერები ფართო და რეგულირებადი უნდა იყოს, რათა ჩანთა ბავშვის სიმაღლეს მოარგო.
- კიდევ ერთი მნიშვნელოვანი დეტალია წონა. გახსოვდეს, ჩანთის საკუთარი წონაც ემატება წიგნებს, რვეულებს, წყლის ბოთლსა და სხვა ნივთებს. ამიტომ, რაც უფრო მსუბუქია თავად ჩანთა, მით უკეთესი იქნება.
ბავშვის უსაფრთხოება პირველ ადგილზე
- ბავშვის უსაფრთხოებისთვის, სასურველია, ჩანთას ჰქონდეს ამრეკლი დეტალები – განსაკუთრებით თუ ბავშვი სკოლაში ფეხით მიდის ან დღის ბნელ მონაკვეთში ბრუნდება სახლში. ასეთი ელემენტები ავტომობილის ფარების შუქზე ჩანთას უფრო შესამჩნევს ხდის.
- ასევე, შეამოწმე ელვა-შესაკრავები, სახელურები და ნაკერები. კარგი ხარისხის ჩანთა ყოველდღიურ გამოყენებას უნდა გაუმკლავდეს ისე, რომ სახელური პირველივე თვეში არ მოსწყდეს ან ელვა არ გაფუჭდეს.
- უსაფრთხოებასთან ერთად, ყურადღება მიაქციე იმასაც, რომ ჩანთა ბავშვს ზედმეტად დაბლა არ ჩამოეკიდოს. სწორად მორგებული მხრების დამჭერები ჩანთას სხეულთან ახლოს აჩერებს, არ ტვირთავს ხერხემალს და მისი ტარება უფრო კომფორტულია.
რა თქმა უნდა, ბავშვს სასკოლო ჩანთა უნდა მოსწონდეს – საყვარელი ფერი, პერსონაჟი ან საინტერესო დიზაინი ყოველდღიურად მის ტარებას უფრო სასიამოვნოს გახდის. თუმცა, მხოლოდ გარეგნობის გამო ნუ აირჩევ.
საუკეთესო სასკოლო ჩანთა ლამაზიც არის, კომფორტულიც, გამძლეც და ბავშვის უსაფრთხოებასაც ითვალისწინებს. ამიტომ არჩევისას, დიზაინთან ერთად, აუცილებლად შეამოწმე ზომა, წონა, საზურგე, მხრების დამჭერები, ამრეკლი დეტალები და ჯიბეების რაოდენობა.
სკოლისთვის მზადება ბევრად უფრო მარტივია, როცა იცი, რას ეძებ. თუ გინდა, რომ ბავშვის ახალი ჩანთა არა მხოლოდ ლამაზი, არამედ ყოველდღიურად კომფორტული და პრაქტიკული იყოს, თვალი გადაავლე ექსტრას კატალოგს და შეარჩიე შენი ბავშვისთვის საუკეთესო.
