სათამაშო ბავშვის ფიზიკური, სოციალური და ემოციური განვითარებისთვის მნიშვნელოვანია. მათი საშუალებით, ბავშვები ეცნობიან გარემოს, ირგვლივ მყოფ საგნებს, სწავლობენ თანატოლებთან ურთიერთობებს და გამოიმუშავებენ მრავალფეროვან უნარებს.
არსებობს სათამაშოები, რომლებიც მიზნად ისახავს ბავშვებში შემოქმედებითი უნარების და წარმოსახვის განვითარებას, რა ძალიან მნიშვნელოვანია ბავშვის განვითარების ნებისმიერ საფეხურზე.
კრეატიული და წარმოსახვითი სათამაშოები
კრეატიული სათამაშოები ბავშვებს უვითარებს წარმოსახვას, გამოუმუშავებს სიტყვათა მარაგს, ასწავლის პრობლემების გადაჭრის უნარებს და უვითარებს ემოციურ ინტელექტს.
ბავშვები სწავლობენ დამოუკიდებელ აზროვნებას, უჩნდებათ საკუთარი, უნიკალური შეხედულებები და უყალიბდებათ ღირებულებები.
კრეატიული და წარმოსახვითი სათამაშოები, საკმაოდ, მრავალფეროვანია და თითოეული მათგანი ბავშვის სხვადასხვა უნარების განვითარებას უწყობს ხელს.
კრეატიული და წარმოსახვითი სათამაშოები ექსტრაზე
როგორ შევარჩიოთ სათამაშო ბავშვის ასაკის მიხედვით?
სათამაშოების შერჩევისას, მნიშვნელოვანია, გაითვალისწინო ბავშვის ასაკი და მისი განვითარების ეტაპი, რადგან სხვადასხვა ასაკში ბავშვები განსხვავებულად ავლენენ ინტერესებს და უნარებს:
0-3 წლის ბავშვებისთვის, რეკომენდებულია, მარტივი ფორმების მქონე სათამაშოები, რომლებიც არ შეიცავს მცირე ნაწილებს. სენსორული სათამაშოები და ბლოკები ამ ასაკისთვის იდეალურია.
3-5 წლის ასაკში ბავშვის ინტერესები ფართოვდება. კონსტრუქტორები და ფაზლები, ამ ასაკში, ყველაზე მეტად ააქტიურებს წარმოსახვას.
5-7 წლის ბავშვები, უფრო მეტად, ინტერესდებიან როლური თამაშებით და უვითარდებათ ფანტაზია, ამიტომ, ამ ასაკში, შეგიძლია ბავშვს უყიდო ისეთი როლური სათამაშო ნაკრებები, სადაც ის ან პატარა მზარეული, სტილისტი, დიზაინერი ან ექიმი იქნება.
7-8 წლიდან ბავშვებისთვის უფრო რთული, მრავალსაფეხურიანი კონსტრუქციული სათამაშოები, სამეცნიერო და არქიტექტურული მოდელები იქნება შესაფერისი, რაც ხელს შეუწყობს ლოგიკისა და გონებრივი უნარების განვითარებას.
შეარჩიე შენი ბავშვისთვის საუკეთესო და გახსოვდეს, სათამაშო ბავშვისთვის საინტერესო და აქტუალური უნდა იყოს, რათა მისი ყურადღებაც მიიქციოს და საკუთარი უნარებიც გამოავლინოს.
ექსტრაზე კრეატიული და წარმოსახვითი სათამაშოების ძალიან დიდი მრავალფეროვნება გელოდება.
