სარეცხის მანქანის მოხმარებამდე, გაეცანი ექსტრას რეკომენდაციები!
მარტო გადახვედი საცხოვრებლად? სარეცხის გარეცხვა, დაუთავება და საუზმის მომზადება ახლა უკვე თავად გიწევს. მანამდე კი, შენზე ოჯახის წევრები ზრუნავდნენ და საყოფაცხოვრებო საკითხებში ჩართული არ იყავი. გეცნო სიტუაცია? შენი მესმის. ყველაფერს ისწავლი. თავიდან არავინ იცის! მთავარია, სარეცხის მანქანის გამოყენებამდე რეკომენდაციები გაითვაისწინო
ბოლომდე წაიკითხე ბლოგი!
გასწავლი როგორ გამოიყენო სწორად სარეცხის მანქანა. ის, ადვილად გამოსაყენებელი ნივთი კი არის, რეჟიმები ციფერბლატზეა და უცხო ენაც იცი, მაგრამ შეიძლება თავიდან ცოტა შეგუება მაინც დაგჭირდეს
ექსტრა გირჩევს, რას მიაქციო ყურადღება სარეცხის მანქანის გამოყენებამდე
რეკომედაციები დაგეხმარება თავიდან აიცილო ტანსაცმლის დაზიანება!
ვიდრე რეკომენდაციებს გაეცნობი, სარეცხის მანქანაში ჩართე წყლის გავლების რეჟიმი. გახსოვდეს, რომ ყველა ჯერზე ამ ნაბიჯით იწყებ
ასე, შენ ასუფთავებ სარეცხი მანქანის დოლურას და ამცირებ ინფექციების გავრცელების რისკს!
პირველი ნაბიჯი სარეცხის მანქანის გამოყენებამდე!
ჩემი კეთილი რჩევაა, შეამოწმო ჯიბეები. შემდეგ, ეტიკეტები!
პერანგების უმეტესობაში ტანსაცმლის მოვლის ეტიკეტები განთავსებულია პერანგის მარცხენა მხარეს ან კისრის შიგნით. შარვლის შემთხვევაში, უკანა შიდა მხარეს წელზე.
ტანსაცმლის უმეტესობა ირეცხება სარეცხის მანქანაში, მაგრამ ზოგიერთი დელიკატური ქსოვილი, მხოლოდ ხელით რეცხვისთვისაა შექმნილი. ასეთი ქსოვილია აბრეშუმი და მისი სარეცხის მანქანაში გარეცხვა არ სცადო
სარეცხის მანქანაში გარეცხვამდე, გამოყავი ტანსაცმელი ფერების მიხედვით
ეტიკეტზე დატანილი ინფორმაცია გიკარნახებს რომელი ნივთი რასთან ერთად დააჯგუფო. მაგალითისთვის, ტანსაცმელი შეიძლება დაახარისხო ფერების მიხედვით და გეტყვი, ეს რისთვისაა მნიშვნელოვანი
ამით ტანსაცმელს დაიცავ განსხვავებული ფერის საღებავის გადასვლისგან. რაც, აფუჭებს ტანისამოსს და ხშირ შემთხვევაში გამოუსადეგარს ხდის
დაიწყე ტანსაცმლის მუქი და ღია ფერის მიხედვით დახარისხება:
- მუქებში გააერთიანე ისეთი ფერები, როგორიცაა შავი, ნაცრისფერი, მუქი ლურჯი, მუქი წითელი, მუქი იასამნისფერი
- ნათელ ფერებს მიაკუთვნე პასტელური ფერის ტანსაცმელი, როგორიცაა თეთრი, ვარდისფერი, ყვითელი, ღია ლურჯი, ღია მწვანე და ლავანდისფერი
სარეცხის მანქანაში ჯინსის რეცხვა დელიკატურად ხდება!
განსაკუთრებული სიფრთხილით მოეკიდე მუქი ჯინსის გარეცხვას სარეცხის მანქანაში. გაითვალისწინე, ჯინსის ფერის შენარჩუნებას შეძლებ ცივ წყალში რეცხვის რეჟიმით. სარეცხის მანქანაში, მხოლოდ ერთიდაიგივე ფერის ჯინსების ერთად გარეცხვაა რეკომენდირებული
გარეცხვამდე, ტანსაცმელი წონის მიხედვით დააჯგუფე
გამოაცალკევე მსუბუქი ქსოვილები, მძიმე ქსოვილებისგან! მაგალითისთვის, კოტონის ქსოვილი და შალის ქსოვილი ერთად არ გარეცხო. მიუხედავად იმისა, რომ შესაძლოა, ერთი ფერის იყოს
- მსუბუქი, დელიკატური ქსოვილები, რომელიც გამოყენებულია თეთრეულსა და კოლგოტებში, ცალკე უნდა გარეცხო. ან, გამოიყენე სპეციალური , ბადისებრი სარეცხი ჩანთები, რითაც მსუბუქ ქსოვილებს უხეში ცვეთისა და გაფუჭებისგან დაიცავ.
- მძიმე ქსოვილებში მოიაზრება ბამბის შარვლები, პირსახოცები, ქურთუკები და ნაქსოვი სვიტერები
გამოაცალკევე ლაქიანი ტანსაცმელი სხვა დანარჩენისგან, ვიდრე სარეცხის მანქანაში მოათავსებ!
არსებობს ლაქები, რომელიც საჭიროებს წინასწარ დამუშავებას! ასეთია, ზეთისა და სხვა ცხიმის ლაქები. მოარიდე ლაქიანი ტანსაცმელი სხვა ტანსაცმელს და არ გარეცხო ერთად, რათა თავიდან აიცილო ლაქების გავრცელება
ეს რეკომენდაციები გამოგადგება, თუ სარეცხის მანქანა უკვე გაქვს. მაგრამ თუ არ გაქვს, პრობლემა არაა, ექსტრას საიტზე შეარჩიე!
გზადაგზა ყველაფერს დაამუღამებ. სარეცხის მანქანას მოვლა სჭირდება, დიდხანს რომ გემსახუროს, ამაზეც მოგიყვები. თვალი მიადევნე ბლოგს, ბევრ საკითხზე დაგხვდება ექსტრასგან რჩევა!
