სამაგიდო თამაშები არა მხოლოდ გართობის, არამედ ბავშვის გონებრივი და სოციალური უნარების განვითარებისთვის შესანიშნავი საშუალებაა.
თანამედროვე ბაზარზე უამრავი საინტერესო ვარიანტი არსებობს, რომლებიც სხვადასხვა ასაკისა და ინტერესის ბავშვისთვისაა გათვლილი.
ამ ბლოგიდან გაიგებ როგორ უნდა შეარჩიო საუკეთესო სამაგიდო თამაში ბავშვისთვის და გაეცნობი რამდენიმე პოპულარულ თამაშს.
რატომ უნდა ვითამაშოთ სამაგიდო თამაშები ბავშვებთან ერთად
როგორც უკვე აღვნიშნეთ, სამაგიდო თამაშები ბავშვის განვითარებისთვის მნიშვნელოვანია:
- თამაშები, რომლებიც მოითხოვს პრობლემის გადაჭრასა და სტრატეგიული ნაბიჯების გადადგმას, აუმჯობესებს ბავშვის ლოგიკურ აზროვნებას.
- ასწავლის გუნდურ მუშაობას, მოსმენას, მოთმინებასა და სხვა მნიშვნელოვან სოციალურ უნარებს.
- ბევრი თამაში მოითხოვს ხელების გამოყენებას, რაც ხელს უწყობს ბავშვის მოტორული უნარების განვითარებას.
- სამაგიდო თამაშები იდეალური საშუალებაა დროის სასიამოვნოდ გასატარებლად.
როგორ ავირჩიოთ ბავშვისთვის შესაფერისი სამაგიდო თამაში
საუკეთესო სამაგიდო თამაშის შესარჩევად გაითვალისწინე შემდეგი ფაქტორები:
- გაეცანი მწარმოებლის მიერ რეკომენდებულ ასაკს
- გაითვალისწინე, რომ ბავშვებს უყვართ თამაშები, რომლებიც მათ ინტერესებს ეხმიანება – იქნება ეს ცხოველები, თავგადასავლები თუ ფერადი ფიგურები.
- პატარა ბავშვებისთვის ჯობია აირჩიო მარტივი თამაშები, რომლებიც ზედმეტად არ გადაღლის და თან გაერთობა, ხოლო მოზრდილებისთვის – უფრო რთული და სტრატეგიული ვარიანტები
- ზოგიერთი თამაში განკუთვნილია ორ ადამიანზე, ზოგს კი მთელი ოჯახი ერთად უნდა თამაშობდეს.
პოპულარული სამაგიდო თამაშები ბავშვებისთვის
ლოტო (Lotto)
ეს კლასიკური თამაში მცირე ასაკის ბავშვებისთვისაა იდეალური. ის ეხმარება მათ ყურადღების კონცენტრაციასა და ამოცნობის უნარების განვითარებაში.
მონოპოლია (Monopoly Junior)
კლასიკური “მონოპოლიის” მარტივი ვერსიაა, რომელიც აზროვნებისა და თანხის მართვის უნარებს ავითარებს.
ჯენგა (Jenga)
ეს თამაში ხელს უწყობს ბავშვის მოტორიკისა და კონცენტრაციის გაუმჯობესებას. მოთამაშეებმა რიგრიგობით უნდა ამოიღონ კოშკიდან ხის ბლოკები ისე, რომ არ დაანგრიონ კონსტრუქცია.
დიქსიტი (Dixit)
ეს მხატვრული და შემოქმედებითი თამაში განავითარებს ბავშვის წარმოსახვას. მოთამაშეები უყურებენ ილუსტრირებულ ბარათებს და ცდილობენ ერთმანეთის მიერ მოყოლილი ისტორიების გამოცნობას.
მეხსიერების თამაში (Memory Game)
ეს არის ბარათების თამაში, რომელიც ეხმარება ბავშვებს მეხსიერების გაუმჯობესებაში. მოთამაშეები პოულობენ ერთნაირ ბარათებს და იმახსოვრებენ მათ ადგილმდებარეობას.
როგორც ხედავ, საბავშვო სამაგიდო თამაშების არჩევანი საკმაოდ დიდია, თუმცა, მათი შერჩევისას, აუცილებელია, გაითვალისწინო ბავშვის ასაკი, ინტერესები და თამაშის სირთულე.
ითამაშე ბავშვებთან ერთად – ამ გზით სინი კიდევ უფრო დიდ სიამოვნებას მიიღებენ და ახალ უნარებსაც უფრო სწრაფად შეისწავლიან.
