რომელი მაცივარი ჯობია

მაცივრის ყიდვა ერთ-ერთი ყველაზე მნიშვნელოვანი გადაწყვეტილებაა რადგან ეს არ არის ისეთი ტექნიკა, რომელსაც ხშირად ვცვლით. სწორედ ამიტომ მისი სწორად შერჩევა კრიტიკულად მნიშვნელოვანია.

დღეს ბაზარზე მრავალი ტიპისა და ფუნქციის მქონე მოდელია, რაც არჩევანის გაკეთებას კიდევ უფრო ართულებს. ამიტომ, მოდი, გავარკვიოთ, რომელი მაცივარი შეიძლება იყოს შენთვის საუკეთესო ვარიანტი.

ქვედა თუ ზედა საყინულით?

როგორი მაცივარი ჯობია – ზედა თუ ქვედა საყინულით? – ეს ერთ-ერთი მთავარი კითხვაა.

• თუ ხშირად იყენებ საყინულეს, ქვედა განლაგება უფრო მოსახერხებელია, რადგან მაცივრის ძირითადი განყოფილება ასე უფრო ხელმისაწვდომია.
• ზედა საყინულიანი მოდელები კი, როგორც წესი, უფრო ბიუჯეტურია და ნაკლებ ელექტროენერგიასაც მოიხმარს.

ჩასაშენებელი თუ ცალკე მდგომი?

თუ სამზარეულოს სივრცის მაქსიმალურად გამოყენება გინდა და ინტერიერის ესთეტიკაზეც ზრუნავ ჩასაშენებელი მაცივარი იდეალურია, თუმცა, ის უფრო ძვირია და რთულად შეკეთებადია.

ცალკე მდგომი მოდელები ბევრად მოქნილია, შეგიძლია გადააადგილო, შეუცვალო ადგილი, ამასთან, მათ ხშირად უფრო ხელმისაწვდომი ფასიც აქვთ.

ორკამერიანი თუ Side-by-Side?

თუ დიდი ოჯახი გაქვს და ბევრი პროდუქტის შენახვა გჭირდება, Side-by-Side მაცივარი კარგი არჩევანია – ორი დიდი კარი და გაყოფილი მაცივრისა და საყინულის ზონა უფრო კომფორტულია.

ორკამერიანი მოდელები უფრო კომპაქტური და ბიუჯეტურია, რაც პატარა ოჯახისთვის იდეალური ვარიანტია.

No Frost VS Defrost

• No Frost სისტემა საშუალებას გაძლევს რომ მაცივარში ყინული არ დაგროვდეს. ეს შენს დროსა და ენერგიას დაზოგავს.
• Defrost მოდელები შედარებით იაფია, მაგრამ დროდადრო გამორთვას და ხელით წმენდას საჭიროებს.

ინვერტორული მაცივარი ჯობია თუ სტანდარტული?

ინვერტორული კომპრესორი უფრო ენერგოეფექტურია, ნაკლებ ხმაურს გამოსცემს და მოწყობილობის ხანგრძლივ მუშაობას უზრუნველყოფს.

სტანდარტული კომპრესორი კი უფრო ხელმისაწვდომია ფასით, თუმცა შეიძლება მეტი ელექტროენერგია მოიხმაროს და ხმაურიანი იყოს.

რომელი ბრენდი ჯობია?

მაცივრის ბრენდი ნამდვილად განსაზღვრავს მის ხარისხსა და გამძლეობას. საუკეთესო ვარიანტებია:

• Bosch – მაღალი ხარისხით და გამძლეობით.
• Samsung – ინოვაციური ტექნოლოგიებით და თანამედროვე დიზაინით.
• LG – ენერგოეფექტურობით და ჭკვიანი მართვის სისტემებით.
• Beko – ხელმისაწვდომი ფასით და სანდოობით.

რომელი მაცივარი ავარჩიოთ ბიუჯეტის მიხედვით?

ბიუჯეტი ერთ-ერთი გადამწყვეტი ფაქტორია:

• 500-1000 ლარის დიაპაზონში ხელმისაწვდომია პატარა და საშუალო ზომის მოდელები, ძირითადად, Defrost გალღობის სისტემით.
• 1000-3000 ლარად იყიდი საშუალო და დიდი ზომის, No Frost მაცივარს, ინვერტორული კომპრესორით.
• თუ შენი ბიუჯეტი 3000 ლარს აღემატება, მაშინ შენი სამზარეულო შეგიძლია დაამშვენო პრემიუმ ხარისხის, Side-by-Side ან French Door მოდელით, რომელიც ჭკვიანი მართვის სისტემებით იქნება აღჭურვილი.

როგორც ხედავ, მაცივრის შერჩევისას უნდა გაითვალისწინო შენი საჭიროებები – საყინულე კამერის განლაგება, მაცივრის ტიპი, ენერგოეფექტურობა და დამატებითი ფუნქციები.

• მცირე სამზარეულოსთვის იდეალურია ჩასაშენებელი მაცივარი
• დიდი ოჯახის შემთხვევაში კი, Side-by-Side ან ორკამერიანი მოდელი უფრო პრაქტიკული იქნება
• No Frost სისტემა უფრო მოსახერხებელია, ხოლო ინვერტორული ტექნოლოგია – ეკონომიური.

საბოლოო არჩევანი დამოკიდებულია ბიუჯეტზე, შენი სამზარეულოს ზომასა და საჭიროებებზე. მთავარია, რომ მაცივარი კომფორტული, ეკონომიური და შენი ცხოვრების სტილზე მორგებული იყოს.