როგორი ველოსიპედი ვიყიდოთ

ველოსიპედის შეძენა საკმაოდ მნიშვნელოვანი გადაწყვეტილებაა, რადგან ის არა მხოლოდ ტრანსპორტი, არამედ ცხოვრების სტილის ნაწილიც არის.

თუ ველოსიპედის ყიდვა გადაწყვიტე, ეს ბლოგი დაგეხმარება სწორი არჩევანის გაკეთებაში.

რისთვის გჭირდება ველოსიპედი

პირველ რიგში, დაფიქრდი, რისთვის გჭირდება ველოსიპედი. ყოველდღიური გადაადგილებისთვის, სპორტული ვარჯიშისთვის თუ მთისთვის? არჩევანი სწორედ ამაზეა დამოკიდებული.

• ქალაქის ველოსიპედი – კომფორტულია, მსუბუქია და იდეალურია ურბანულ გარემოში გადაადგილებისთვის.
• მთის ველოსიპედი (MTB) – გამძლე და ძლიერია, შესაფერისია ცუდი გზებისა და რთული რელიეფისთვის.
• საგზაო ველოსიპედი (Road Bike) – სწრაფი და მსუბუქია, განკუთვნილი ასფალტზე მაღალი სიჩქარით გადაადგილებისთვის.
• ჰიბრიდული ველოსიპედი – აერთიანებს მთის და საგზაო ველოსიპედების თვისებებს და მრავალფუნქციურია.
• ელექტრო ველოსიპედი – დამატებითი ძრავით აღჭურვილი მოდელია, რომელიც ამარტივებს პედლების ტრიალს და იდეალურია გრძელი დისტანციებისთვის.

როგორი უნდა იყოს ველოსიპედის ჩარჩო

ველოსიპედის ჩარჩო გავლენას ახდენს მის გამძლეობასა და მართვადობაზე. არსებობს რამდენიმე სახის მასალა:

• ალუმინი – მსუბუქი და მტკიცე, ერთ-ერთი ყველაზე პოპულარული ვარიანტია.
• კარბონი – ძალიან მსუბუქი და ამორტიზაციის საუკეთესო თვისებებით გამოირჩევა, თუმცა, უფრო ძვირია.
• ფოლადი – გამძლე და ელასტიურია, თუმცა მძიმე.
• ტიტანი – ულტრა მსუბუქი და გამძლეა, მაგრამ საკმაოდ ძვირადღირებული.

ბორბლების ზომა

ბორბლების ზომა განსაზღვრავს ველოსიპედის სტაბილურობასა და სიჩქარეს:

• 26 ინჩი – კარგია, ძირითადად, მთის ველოსიპედებისთვის, რადგან მოქნილი და მარტივი სამართავია.
• 27.5 ინჩი – უკეთესი ბალანსი აქვს სისწრაფესა და მართვადობას შორის.
• 29 ინჩი – იდეალურია მაღალი სიჩქარისა და რთულ რელიეფზე გადაადგილებისთვის.
• 700C – კარგია საგზაო ველოსიპედებისთვის და იდეალურია მაღალი სიჩქარისთვის.

ველოსიპედის გადაცემათა სისტემა

გადაცემათა რაოდენობა დამოკიდებულია იმაზე, თუ როგორ რელიეფზე აპირებ ველოსიპედის ტარებას:

• 1x სისტემა – მარტივი და მსუბუქია ქალაქისთვის და ჰობისტებისთვის.
• 2x ან 3x სისტემა – მეტ არჩევანს გაძლევს რთულ და ცვალებად რელიეფზე.

ველოსიპედის  მუხრუჭის ტიპები

• V-მუხრუჭები – მარტივი და იაფია, თუმცა ნაკლებად ეფექტური სველ ამინდში.
• დისკური მუხრუჭები – აქვს უფრო ძლიერი დამუხრუჭება და გამძლეობა, განსაკუთრებით მთის ველოსიპედებისთვის.

როგორ მოვარგოთ ველოსიპედი სხეულს

• შეარჩიე ველოსიპედი შენი სიმაღლის მიხედვით.
• ველოსიპედის ჩარჩოს ზომა უნდა იყოს შენი სიმაღლის შესაბამისი, რათა კომფორტულად იარო და არ დაიღალო.

საბოლოოდ, ველოსიპედის ყიდვა დამოკიდებულია შენს კონკრეტულ საჭიროებებზე, ბიუჯეტზე და იმაზე, თუ რამდენად კომფორტულად იგრძნობ თავს კონკრეტული მოდელით.

არჩევანი ისე გააკეთე ისე, რომ ველოსიპედის ტარებამ მაქსიმალური სიამოვნება და კომფორტი მოგანიჭოს.

წარმატებულ შოპინგს გისურვებ.