როცა შენს ცხოვრებაში მნიშვნელოვანი სიახლეა და ოჯახის ახალი წევრის მოლოდინში ხარ, ერთდროულად, უამრავ რამეზე გიწევს ზრუნვა, თუმცა, ყველაზე მნიშვნელოვანი შენაძენი საბავშვო საწოლია.
ბავშვის პირველი საწოლის არჩევა მშობლებისთვის ერთ-ერთი ყველაზე მნიშვნელოვანი გადაწყვეტილებაა. ეს არა მხოლოდ კომფორტის, არამედ უსაფრთხოების საკითხიცაა.
სწორი საწოლის შერჩევა ბავშვის მშვიდ ძილსა და მის ჯანმრთელ განვითარებას უზრუნველყოფს. ამ ბლოგში განვიხილავთ, როგორი უნდა იყოს ბავშვის პირველი საწოლი და რა კრიტერიუმები უნდა გაითვალისწინო მისი არჩევისას.
ყურადღება მიაქციე საწოლის უსაფრთხოებას
- საწოლი დამზადებული უნდა იყოს მაღალი ხარისხის მასალისგან, რომელიც არ შეიცავს მავნე ქიმიკატებს. ასეთია ნატურალური ხე და წყლის ბაზაზე დამზადებული ლაქ-საღებავები.
- გისოსებს შორის მანძილი 5-6 სმ უნდა იყოს, რათა ბავშვმა თავი ან კიდურები არ მოიმწყვდიოს.
- საწოლს უნდა ჰქონდეს მყარი და სწორად დამაგრებული ფეხები, რათა არ ირხეოდეს და ბავშვის მოძრაობისას.
შეარჩიე კომფორტული მატრასი
საბავშვო მატრასი მისი კომფორტული და მშვიდი ძილისთვის მნიშვნელოვანია:
- აირჩიე საშუალო სიმკვრივის მატრასი, რადგან ძალიან რბილი მატრასი ბავშვის ხერხემლის სწორ განვითარებას ხელს არ უწყობს.
- უპირატესობა მიანიჭე ჰაერგამტარ და ჰიპოალერგიულ მოდელებს.
- ბავშვის კანისა და სასუნთქი გზების ჯანმრთელობისთვის უმჯობესია, მატრასი დამზადებული იყოს ეკოლოგიურად სუფთა მასალებისგან.
საწოლის ზომა და დიზაინი
არსებობს, კლასიკური, ოვალური და ტრანფორმერი საწოლები, რომელთა არჩევისას გასათვალისწინებელია ზომა. საბავშვო საწოლების სტანდარტული ზომები კი ასე გამოიყურება:
- 90 x 45 სმ – ახალშობილებისთვის
- 120 x 60 სმ – მოზრდილი ჩვილებისთვის
- 140 x 70 სმ – ტრანსფორმირებადი საწოლია, რომელსაც უფრო დიდხანს გამოიყენებ.
იდეალურ შემტხვევაში, ბავშვის საწოლი მუსიკალურია და აქვს როგორც უნივერსალური სარწევი მექანიზმი, ასევე, უჯრები – ბავშვის ნივთების შესანახად.
რაც შეეხება საწოლის დიზაინს, თანამედროვე მშობლები, ხშირად, ირჩევენ მინიმალისტურ და ნეიტრალურ ფერებში გადაწყვეტილ საწოლებს, რადგან ისინი ინტერიერს მარტივად ერწყმის.
თუ როგორ საწოლს შეარჩევ შენი პატარისთვის, საბოლოოდ, დამოკიდებულია შენს ბიუჯეტზე, ბავშვის საჭიროებებსა და ოთახის სივრცეზე.
კარგი საწოლი ხელს შეუწყობს ბავშვის მშვიდ და ჯანმრთელ ძილს, რაც მისი განვითარებისთვის მნიშვნელოვანია. ამიტომ, სილამაზესთან ერთად, ყურადღება მიაქციე უსაფრთხოების სტანდარტებს, მატრასის ხარისხს და საწოლის პრაქტიკულობას.
