ტაფა სამზარეულოს მნიშვნელოვანი აქსესუარია, რომლის ხარისხიც მნიშვნელოვან გავლენას ახდენს საკვების მომზადებასა და კერძებისთვის გემოვნური თვისებების შენარჩუნებაზე.
გარდა კერძების მომზადებისა, მნიშვნელოვანია რომ ტაფამ დიდხანს გაძლოს.
თუ გაინტერესებს როგორ შეარჩიო ხარისხიანი ტაფა, განაგრძე კითხვა, საინტერესო რჩევები მოგიმზადეთ.
რას უნდა მიაქციო ყურადღება ტაფის შერჩევისას
ბაზარზე უამრავი ბრენდის ტაფა არსებობს, რომლებიც ერთმანეთისგან განსხვავდება მასალით, ფორმით და ნაკეთობით. იმისთვის, რომ საუკეთესო მოდელი შეარჩიო, ყურადღება მიაქციე შემდეგ დეტალებს:
- 1. ტაფის მასალა
მასალა განსაზღვრავს ტაფის თბოგამტარობას, წონას და გამოყენების კომფორტს.
- უჟანგავი ფოლადი: გამძლეა და კარგად ინარჩუნებს სითბოს, თუმცა, სითბოს დაბალი გამტარობა აქვს.
- თუჯის ტაფები: გამძლე და მაღალხარისხიანი ვარიანტია, რომელიც კარგად ინარჩუნებს და ანაწილებს სითბოს. იდეალურია ხორცის შეწვისა და გრილისთვის.
- ალუმინის ტაფები: მსუბუქია და კარგად ატარებს სითბოს, მაგრამ ნაკლებად გამძლეა.
- დაფის შიდა დაფარვა
- ტაფის შიდა დაფარვა მნიშვნელოვანია იმისთვის, რომ ტაფამ არ მიკრას კერძი.
- ტეფლონი: არ იკრავს საკვებს და ძალიან კომფორტულია მომზადებისთვის.
- კერამიკული საფარი: ეკოლოგიურად სუფთა და არაწებვადი ალტერნატივაა.
- ემალის საფარი: ემალის ტაფები გამოირჩევა სითბოს მაღალი გამტარობით
- ძირის სისქე და სტრუქტურა
ტაფის ძირის სისქე დიდ გავლენას ახდენს სითბოს განაწილებაზე. ძირი უფრო სქელი უნდა იყოს, რადგან სქელი ძირი უკეთ ინარჩუნებს სითბოს და თანაბრად ანაწილებს მას. გარდა ამისა, მასალების (მაგალითად, ალუმინის და სპილენძის) კომბინაცია უფრო ეფექტურია.
- ტაფის სახელური
ტაფის სახელურის მასალა და სიმყარე მნიშვნელოვანია ტაფის კომფორტულად გამოყენებისთვის. სახელური არ უნდა ცხელდებოდეს, ამიტომ სილიკონის ან ხის მასალების სახელურები უკეთესია.
შეარჩიე ექსტრაზე შენთვის სასურველი მასალისგან დამზადებული ტაფა და გახსოვდეს, რაც უფრო ხარისხიან ტაფაზე შეაჩერებ არჩევანს, მით უფრო დიდხანსაც მოგემსახურება და საკვებსაც იდეალურად მოგიმზადებს.
