სარეცხი მანქანა ერთ-ერთი ყველაზე ხშირად მოხმარებადი ტექნიკაა ნებისმიერ ოჯახში. სწორედ ამიტომ, დროთა განმავლობაში, შესაძლოა, სხვადასხვა სახის პრობლემამ იჩინოს თავი და ხელს შეუშალოს მის ეფექტურად მუშაობას.
ამ ბლოგში განვიხილავთ სარეცხი მანქანების ყველაზე გავრცელებულ პრობლემებს და მათი გადაჭრის გზებზე მოგიყვებით.
სარეცხი მანქანა არ ირთვება
თუ სარეცხი მანქანა საერთოდ არ რეაგირებს ჩართვაზე, შეიძლება, ქვემოთ ჩამოთვლილი მიზეზებიდან ერთ-ერთი აღმოჩნდეს:
- შეამოწმე, არის თუ არა მანქანის შტეფსელი სწორად შეერთებული და მიეწოდება თუ არა ელექტროენერგია.
- შესაძლოა, მანქანას მართვის პანელი ჰქონდეს დაზიანებული, რაც საჭიროებს სპეციალისტის ჩარევას.
- თუ მანქანის კარი კარგად არ იხურება, რეცხვის პროცესი არ დაიწყება.
შეამოწმე ელექტროენერგიის მიწოდება, სარეცხი მანქანის კარი და საჭიროების შემთხვევაში, დაუკავშირდი ტექნიკური მომსახურების ჯგუფს.
სარეცხი მანქანაში დოლურა არ ტრიალებს
თუ მანქანა წყალს იღებს, მაგრამ დოლურა არ ტრიალებს, პრობლემის გამომწვევი მიზეზები შეიძლება იყოს:
- დაზიანებული ქამარი – დროთა განმავლობაში ქამარი ცვდება და საჭიროებს შეცვლას.
- შესაძლოა, ძრავის გაუმართაობა სარეცხის მოძრაობას აფერხებდეს.
- თუ მანქანა ზედმეტადა არის დატვირთული, დოლურა ვერ დატრიალდება.
შეამოწმე მანქანის დატვირთვა. თუ პრობლემა ქამარს უკავშირდება, გამოცვალე, ხოლო ძრავის პრობლემის შემთხვევაში, მიმართე სპეციალისტს.
სარეცხი მანქანა არ იღებს ან არ უშვებს წყალს
თუ მანქანა ვერ იღებს ან ვერ უშვებს წყალს, მიზეზები შეიძლება იყოს:
- წყლის მიწოდების პრობლემა
- დაბლოკილი ფილტრი – დროთა განმავლობაში, ფილტრში ჭუჭყი გროვდება და ხელს უშლის წყლის გადინებას.
- დაზიანებული წყლის ტუმბო
შეამოწმე ონკანი, გაწმინდე სარეცხი მანქანის ფილტრი და საჭიროების შემთხვევაში, შეცვალე ტუმბო.
სარეცხი მანქანა ძლიერად ვიბრირებს ან ხმაურობს
თუ მანქანა მუშაობისას უჩვეულოდ ხმაურობს ან ძლიერად ვიბრირებს, ეს შეიძლება გამოწვეული იყოს შემდეგით:
- მანქანა არ დგას სწორად იატაკის ზედაპირზე
- დროთა განმავლობაში, შესაძლებელია, ხრახნები და სხვა ნაწილები მოეშვა
მოათავსე მანქანა სწორ ზედაპირზე, შეამოწმე ნაწილები და შეცვალე საჭირო დეტალები.
სარეცხი კარგად არ ირეცხება ან უსიამოვნო სუნი აქვს
თუ სარეცხი არ სუფთავდება ან სარეცხ მანქანას უსიამოვნო სუნი აქვს, მიზეზი შეიძლება იყოს:
- დაბინძურებული ბარაბანი – დროთა განმავლობაში ბარაბანში ბაქტერიები და ნადები გროვდება.
- არასწორად შერჩეუული სარეცხი საშუალება ან დოზირება
- სარეცხით გადატვირთვა – გადატვირთული მანქანა ვერ გარეცხავს ტანსაცმელს ეფექტურად.
რეგულარულად გაწმინდე ბარაბანი სპეციალური საშუალებით, გამოიყენე შესაფერისი სარეცხი საშუალება და არ გადატვირთო მანქანა.
6. სარეცხი მანქანა არ წურავს
სარეცხი მანქანის ერთ-ერთი ყველაზე გავრცელებული პრობლემა არის სიტუაცია, როცა რეცხვა სრულდება, მაგრამ დოლურაში წყალი რჩება და ტანსაცმელი სველი გამოდის. როდესაც სარეცხი მანქანა არ წურავს, მიზეზი შეიძლება იყოს როგორც მარტივი ტექნიკური შეფერხება, ასევე სერიოზული მექანიკური გაუმართაობა, რომელიც სპეციალისტის ჩარევას საჭიროებს.
- პირველ რიგში, ყურადღება მიაქციე პროგრამას. ზოგი რეჟიმი, მაგალითად, დელიკატური ან ხელით რეცხვის მსგავსი პროგრამები მინიმალურ წურვას იყენებს ან საერთოდ არ რთავს მას. გადაამოწმე, ხომ არ არის შემთხვევით გამორთული “Spin” ფუნქცია.
- მეორე გავრცელებული მიზეზია ფილტრის ან დრენაჟის მილის დაბინძურება. ფილტრში ხშირად გროვდება ძაფები ან სხვა წვრილი ნივთები, რაც ხელს უშლის წყლის სრულად გადინებას. ასეთ შემთხვევაში, მანქანა, უსაფრთხოების მიზნით, არ იწყებს წურვას. ფილტრის რეგულარული გაწმენდა მნიშვნელოვნად ამცირებს პრობლემის განმეორების რისკს.
- ასევე, მნიშვნელოვანია დატვირთვის ბალანსი. თუ დოლურაში ტანსაცმელი არათანაბრადაა განაწილებული ან გადატვირთულია, სისტემა ავტომატურად აჩერებს წურვას, რათა თავიდან აიცილოს ვიბრაცია და დაზიანება. სცადე ტანსაცმლის გადანაწილება და ხელახლა ჩართე მხოლოდ წურვის რეჟიმი.
თუ ზემოთ ჩამოთვლილი ნაბიჯები შედეგს არ იძლევა, შესაძლებელია, პრობლემა იყოს ტუმბოში, ძრავაში ან ელექტრონულ მოდულში. ასეთ შემთხვევაში, რეკომენდებულია, პროფესიონალი ტექნიკოსის გამოძახება, რადგან თვითნებურმა შეკეთებამ შეიძლება უფრო დიდი დაზიანება გამოიწვიოს.
როდის არის სპეციალისტის ჩარევა აუცილებელი? თუ მანქანა გამოსცემს უჩვეულო ხმას, აჩვენებს შეცდომის კოდს, არ იღებს ბრძანებას ან საერთოდ არ იწყებს ციკლს – უმჯობესია არ გადადოთ შემოწმება. დროული რეაგირება დაგეხმარებათ თავიდან აიცილოთ ძვირადღირებული რემონტი და გაახანგრძლივოთ სარეცხი მანქანის ექსპლუატაციის ვადა.
სარეცხი მანქანის პრობლემები შეიძლება მარტივად მოგვარდეს, თუ დროულად მიაქცევ ყურადღებას მათ გამომწვევ მიზეზებს. რეგულარული მოვლა და სწორად გამოყენება დაგეხმარება ტექნიკის ხანგრძლივად მუშაობაში. თუ პრობლემა რთულია და ვერ აგვარებ, რეკომენდებულია, პროფესიონალის დახმარება.
თუ ეს სტატია შენთვის სასარგებლო აღმოჩნდა, გაგვიზიარე შენი გამოცდილება და მოგვწერე, კიდევ რა საკითხებზე ისურვებდი ინფორმაციის მიღებას.
