თუ სამზარეულოში ექსპერიმენტები და გემრიელი კერძების მომზადება გიყვარს, ამისთვის კარგი ელექტრო ღუმელი გჭირდება.
დღეს ბაზარზე უამრავი მოდელია, მაგრამ რომელია საუკეთესო ან როგორ უნდა ავარჩიოთ სწორად?
თუ ელექტრო ღუმელის ყიდვას აპირებ, ამ ბლოგში მნიშვნელოვან რჩევებს გაგიზიარებ.
რა უნდა გაითვალისწინო ელექტრო ღუმელის ყიდვისას
)
ელექტრო ღუმელის არჩევისას, პირველ რიგში, უნდა განსაზღვრო, რამდენად დიდი სივრცე გაქვს სამზარეულოში და რამდენი ადამიანისთვის ამზადებ საკვებს.
- პატარა ელექტრო ღუმელი, 20-40 ლიტრიანი მოცულობით, იდეალურია მცირე ოჯახისთვის ან იმ ადამიანებისთვის, ვინც იშვიათად ამზადებს.
- საშუალო ზომის (40-70 ლიტრიანი) – შესაფერისია საშუალო ზომის ოჯახისთვის.
- თუ ხშირად ამზადებ დიდ ულუფებს – დიდი ზომის, 70+ ლიტრიანი ელექტრო ღუმელი დაგჭირდება.
ჩასაშენებელი თუ ცალკე მდგომი ელექტრო ღუმელი
- ჩასაშენებელი ელექტრო ღუმელი თანამედროვე სამზარეულოსთვის იდეალური არჩევანია, რადგან კარგად ერგება ინტერიერს და ზოგავს სივრცეს.
- ცალკე მდგომი ელექტრო ღუმელის უპირატესობა კი მისი გადაადგილების სიმარტივეა.
კონვექციური VS ტრადიციული ელექტრო ღუმელი
- ტრადიციული ელექტრო ღუმელი – მუშაობს ზედა და ქვედა გამათბობლის საშუალებით, რაც კარგია კლასიკური გამოცხობისთვის.
- კონვექციურ ღუმელს აქვს დამატებითი ვენტილატორი, რომელიც სითბოს უკეთ ანაწილებს და კერძებსაც უფრო თანაბრად აცხობს.
იმისთვის, რომ ელექტროენერგიის ხარჯი შეამცირო, ყურადღება მიაქციე ელექტრო ღუმელის ენერგოეფექტურობის კლასს. A, A+ და A++ კლასის მოდელები ნაკლებ ენერგიას მოიხმარს და ხანგრძლივ პერსპექტივაში, უფრო ეკონომიურია.
კიდევ სხვა რამდენიმე მნიშვნელოვანი მახასიათებელია, რაც ელექტრო ღუმელის ყიდვის შემთხვევაში, აუცილებლად, უნდა გაითვალისწინო:
- ხორცის და ბოსტნეულის დაბრაწვისთვის აირჩიე ღუმელი გრილის ფუნქციით.
- ზოგიერთ მოდელს ქვს კატალიტიკური ან პიროლიტური თვითწმენდა, რაც გაწმენდას ამარტივებს.
- ტაიმერი და სენსორული მართვა საშუალებას გაძლევს კერძი დროის მთელი სიზუსტით მოამზადო.
- თუ გინდა, ერთდროულად რამდენიმე კერძი მოამზადო, ეს ფუნქციაც ძალიან გამოგადგება.
საბოლოოდ, შენთვის იდეალური ელექტრო ღუმელის შერჩევა დამოკიდებულია შენს კონკრეტულ საჭიროებებსა და ბიუჯეტზე.
შენ როგორი ღუმელის ყიდვას აპირებ?
