იმისთვის, რომ ველოსიპედი მაქსიმალურად შენზე მორგებული და კომფორტული იყოს სატარებლად, აუცილებელია ზომის სწორად შერჩევა. ამ პროცესის გასამარტივებლად, ბლოგში მნიშვნელოვან რჩევებს და სპეციალურ ცხრილებს გაეცნობი, როგორც ზრდასრულებისთვის, ისე ბავშვებისთვის.
როგორ ავარჩიოთ ველოსიპედის ჩარჩოს ზომა
ზრდასრული ადამიანებისთვის, ველოსიპედის შერჩევა სიმაღლის და ველოსიპედის ჩარჩოს ზომის მიხედვით უნდა მოხდეს.
ველოსიპედის ჩარჩოს ზომა, უმეტესად, ინჩებით (“), სანტიმეტრებით (სმ) ან პირობითი ნიშნებით (XS, S..) არის წარმოდგენილი.
ცხრილის მიხედვით, შედარებით მარტივად მიხვდები, შენი სიმაღლის გათვალისწინებით, რა ზომის ჩარჩო იქნება შესაფერისი.
ამ ცხრილით, ვერ იხელმძღვანელებ დასაკეცი ველოსიპედის შერჩევისას, რადგან ისინი მხოლოდ ერთი სტანდარტული ზომის არსებობს, 155-185 სმ ადამიანებისთვის.
თუ ველოსიპედის ყიდვას, სპეციალურად, სავარჯიშოდ ან შეჯიბრებებში მონაწილეობისთვის აპირებ, იხელმძღვანელე სპეციალური ცხრილით, რადგან, ასეთი მიზნისთვის, ველოსიპედის ზომას გადამწყვეტი მნიშვნელობა ენიჭება.
როგორ უნდა გამოთვალო ველოსიპედის ჩარჩოს ზომა
იმისთვის, რომ ველოსიპედის ჩარჩოს ზომა გამოთვალო, საკმარისია ჩარჩოს მთავარი ღერძის გაზომვა.
მთავარი ღერძის ზომა არის მანძილი სკამქვეშა მილის სათავიდან პედლებშუა კვანძის ცენტრამდე:
ამ ღერძის სიგრძეზეა დამოკიდებული ჩარჩოს საერთო ზომა, ანუ სიგრძე და სიმაღლე. მთავარი ღერძის გაზრდით ან შემცირებით, პროპორციულად შეიცვლება ველოსიპედის ჩარჩოს ზედა, ქვედა და შუა მილების ზომები.
როგორ უნდა გააკეთო არჩევანი ორ სავარაუდო ზომას შორის
თუ ცხრილის მიხედვით, აღმოაჩინე, რომ ორი სხვადასხვა ზომის ველოსიპედია შენთვის შესაფერისი და ამ ორს შორის არჩევანის გაკეთება გიჭირს, კიდევ ერთხელ დაფიქრდი შენს საჭიროებებზე:
- თუ იქსტრიმი მოგწონს და ველოსიპედი აქტიური თავგადასავლებისთვის გჭირდება, სავარაუდო ზომებიდან აირჩიე უფრო პატარა, რადგან ექსტრემალურ პირობებში, უფრო მოსახერხებელია
- თუ ველოსიპედის ტარებას ქალაქში ან ქალაქგარეთ გრუნტზე სასეირნოდ გეგმავ, აირჩიე რამდენიმე ვარიანტიდან უფრო დიდი ზომის ველოსიპედი
- თუ ზედმეტი წონა გაქვს ან ველოსიპედის ყიდვას ასაკოვანი ადამიანისთვის აპირებ, მეტად მოსახერხებელია პატარა ზომის ველოსიპედი
- დააკვირდი შენს აღნაგობას, გრძელი კოდურების შემთხვევაში, ცხადია, დიდი ზომის ველოსიპედი უფრო კომფორტულია, შედარებით მოკლე კიდურების შემთხვევაში კი პირიქით – პატარა
- სწორად შერჩეული ველოსიპედის შემთხვევაში, როცა სკამიც სწორად დარეგულირებულია, ხოლო პედალი ქვედა მდებარეობაშია, ფეხი უნდა იყოს გაშლილ მდგომარეობაში
- თუ შენი სიმაღლე 185 სმ-ზე მეტია, აირჩიე ველოსიპედი 28 ან 29 ინჩიანი საბურავებით.
როგორი უნდა იყოს ველოსიპედის საბურავის ზომა
აუცილებელია, საბურავის ზომა შეესაბამებოდეს ველოსიპედის ჩანგლის და ჩარჩოს ზომებს. ველოსიპედის საბურავების ყველაზე მნიშვნელოვანი პარამეტრებია:
- შიდა დიამეტრი
- დისკისა და საბურავის სიგანე
ველოსიპედის საბურავის ყველაზე გავრცელებული დიამეტრებია: 20″, 24″, 26″, 27″, 27.5”, 28″ და 29″.
როგორც წესი, მარკირების დატანა ხდება საბურავის გვერდითა მხარეს.
მაგალითად, წარწერა 28 х1.75 ნიშნავს, რომ საბურავის დიამეტრია 26”, სიგანე კი 1.75”.
ცხრილის მიხედვით, დაინახავ, რომ დისკის ზომა 622 მმ შეესაბამება ერთდროულად სამი სხვადასხვა ზომის (27, 28 და 29”) საბურავს. ეს იმიტომ რომ საბურავს დიდი დიამეტრი აქვს, მეტი სიმაღლის ხარჯზე.
ცხრილიდან, ასევე, ჩანს, რომ მთის ველოსიპედისთვის არსებობს დიამეტრის სამი სტანდარტი, ქალაქის ველოსიპედისთვის – ორი.
ამ შემთხვევაში, არჩევანი უნდა გააკეთო ველოსიპედისტის სიმაღლის მიხედვით და იმის მიხედვითაც, თუ როგორ სვლას ანიჭებ უპირატესობას.
- დიდი ზომის საბურავი ავითარებს მაღალ სიჩქარეს, პატარა ზომის – უკეთესად მანევრირებს
- საბურავის, სიგანის მიხედვით არჩევა, უფრო მეტი მოქნილობის საშუალებას გაძლევს
- ვიწრო საბურავები ავითარებს მაღალ სიჩქარეს და იდეალურია მრბოლელებისთვის
- ფართო საბურავებს გრუნტზე უკეთესი მოჭიდება და მაღალი გამავლობა აქვს. ასეთი საბურავებით გადაადგილება კომფორტულია ცუდ გზებზე, ბილიკებსა და უგზოობაში
მნიშვნელოვანია, საბურავის დისკის სიგანის შეფარდება რეზინის სიგანესთან, რადგან ეს გავლენას ახდენს რეზინის მოქმედებაზე მოსახვევებში.
ითვლება, რომ ოპტიმალური შეფარდება საბურავის რეზინის სიგანესა და დისკის შიდა სიგანეს შორის უნდა იყოს 1.5 – 2.1. შესაძლოა, ამ რიცხვმა ზოგჯერ 2.5-საც მიაღწიოს.
ბავშვების და მოზარდების ველოსიპედების ზომები
თუ ველოსიპედის ყიდვას ბავშვისთვის აპირებ, აქ მთავარი აქცენტი ბავშვის სიმაღლესა და ასაკზე უნდა გააკეთო. ამის შემდეგ კი, ველოსიპედის სწორ ზომას საბურავების დიამეტრით განსაზღვრავ.
თუ შენი ბავშვის სიმაღლე ზუსტად არ ემთხვევა ცხრილში მოყვანილ მონაცემებს, შეგიძლია შეიძინო უფრო პატარა ან დიდი ზომის ველოსიპედი, მისი მონაცემების მაქსიმალურად გათვალისწინებით.
ბლოგში წარმოდგენილი ცხრილები ზოგადი და სარეკომენდაციო ხასიათის არის და სხვადასხვა მწარმოებლის ველოსიპედების შემთხვევაში, შესაძლოა, ციფრები ერთმანეთისგან განსხვავდებოდეს.
გაითვალისწინე, სწორად შერჩეული ველოსიპედი მნიშვნელოვანია როგორც შენი, ისე შენი ბავშვის კომფორტისა და უსაფრთხო გადაადგილებისთვის.
აირჩიე ჯანსაღი ცხოვრების წესი და შეარჩიე ველოსიპედი ექსტრაზე.
