ველოსიპედის ტარება ყველა ბავშვებისთვის საყვარელი და საინტერესო აქტივობაა. გარდა იმისა, რომ ერთობიან და თანატოლებთან ერთად დროს სასიამოვნოდ ატარებენ, ის ბავშვის კუნთებისა და ხერხემლის სწორ განვითარებას, მთლიანი სხეულის სიჯანსაღეს და ტონუსში ყოფნას უწყობს ხელს. პატარები თავიდანვე ეჩვევიან აქტიური ცხოვრების წესს, რაც მომავალშიც აუცილებლად გამოადგებათ.
როგორია შენი ბავშვისთვის შესაფერისი ველოსიპედი
როდესაც ბავშვისთვის ველოსიპედის შეძენას გადაწყვეტ, უპირველესი გამოწვევაა, გამოთვალო რა ზომის ველოსიპედი სჭირდება მას, ამისთვის უნდა განსაზღვრო ბორბლის დიამეტრი, რომელიც ინჩებში (“) იზომება. არსებობს სპეციალური ცხრილები, სადაც, ბავშვის ასაკის შესაბამისად, აარჩევ ბორბლის ზომას.
თუმცა, მხოლოდ ბორბლის დიამეტრის შერჩევა არ გაძლევს გარანტიას. ერთი და იგივე ზომის ბორბლის შემთხვევაში, შესაძლებელია ველოსიპედები სიმაღლეში განსხვავდებოდეს ერთმანეთისგან და შეუსაბამო აღმოჩნდეს შენი პატარისთვის.
როგორ ვიპოვოთ ზუსტად ის მოდელი, რომელიც ზუსტად შეესაბამება შენს ბავშვს?
მარტივი წესები:
- ბავშვის ასაკის მიხედვით, შეარჩიე ბორბლის დიამეტრი;
- გაზომე, ბავშვის ფეხის სიგრძე ბარძაყის შიდა ნაწილიდან იატაკამდე;
- გაზომე ველოსიპედის დასაჯდომის სიმაღლე – მიწის ზედაპირიდან სკამის მდებარეობის ყველაზე დაბალ პოზიციამდე.
არსებობს კიდევ ერთი ნიუანსი, რაც გასათვალისწინებელია ველოსიპედის ზომების შერჩევისას:
- თუ ბავშვი დამწყებია: მნიშვნელოვანია ბავშვი ზუსტად ერგებოდეს სკამის სიმაღლეს დაჯდომამდე, რათა მარტივად შეძლოს მიწაზე ფეხით მოჭიდება და ველოსიპედის გაჩერება.
- გამოცდილი ბავშვებისთვის: შესაძლებელია, რომ დასაჯდომის სიმაღლე იყოს 2-4“-ით მეტი ბავშვის ფეხის სიმაღლესთან შედარებით და ფეხის წვერებით სწვდებოდეს მიწას, საჭიროების შემთხვევაში.
- თუ ბავშვი იყენებს საწვრთნელ, უკანა დამატებით ბორბლებს: დასაშვებია, რომ ბავშვი ზუსტად ერგებოდეს სკამს სიმაღლეში, ან შესაძლებელია, სკამი იყოს 0-3“-ით მაღალი. ორივე შემთხვევაში, ბავშვი იქნება უსაფრთხოდ, რადგან საწვრთნელი ბორბლები უზრუნველყოფს წონასწორობის დაცვას და ბავშვს არ უწევს ბალანსის კონტროლი.
სხვა მნიშვნელოვანი ფაქტორები რომელიც უნდა გაითვალისწინო:
- არ ეძებო იაფფასიანი და უცნობი ბრენდები, რადგან პასუხისმგებლობას იღებ შენი ბავშვის უსაფრთხოებაზე;
- ეცადე, ველოსიპედი იყოს მსუბუქი, რაც ბავშვს გაუმარტივებს მართვას;
- დააკვირდი სამუხრუჭე სისტემას;
- არ დაგავიწყდეს, რომელ ფერს ანიჭებს ბავშვი უპირატესობას.
იმედია, ჩვენ მიერ მოწოდებული რჩევები გაგიმარტივებს ველოსიპედის შერჩევის პროცესს. გეტყვი იმასაც, რომ extra.ge-ზე ონლაინ შეძლებ იპოვო საუკეთესო მოდელი შენი პატარისთვის და სადაც უნდა იმყოფებოდე, მთელი საქართველოს მასშტაბით, შენაძენს სახლის კართან დაგახვედრებთ.
