როგორ შევარჩიოთ თმის უთო

თუ სწორი, ბზინვარე თმა მოგწონს და გინდა, რომ შენი ყოველდღიური ვარცხნილობით ყოველთვის კარგად გამოიყურებოდე ამაში თმის უთო დაგეხმარება.

სწორად შერჩეული უთო დაგეხმარება თმის სწრაფად და მარტივად გასწორებაში, მისი დაზიანების გარეშე.

ბაზარზე თმის უთოების ძალიან დიდი არჩევანია, რაც ხშირად შერჩევის პროცესს ართულებს.

გაინტერესებს როგორ იპოვო შენი თმისთვის შესაფერისი უთო? ამ ბლოგში გაგიზიარებ ყველა მნიშვნელოვან რჩევას, რომელიც უნდა გაითვალისწინო, რათა შენი თმა არ დაზიანდეს და ვარცხნილობაც ყოველთვის იდეალურად გამოიყურებოდეს.

დააკვირდი თმის უთოს ფირფიტების მასალა

თმის უთოს არჩევისას, ყველაზე მნიშვნელოვანია ფირფიტების მასალა, რადგან ის უშუალოდ ეხება შენს თმას.

არსებობს სამი მთავარი მასალა, რომლისგანაც უთოს ფირფიტები მზადდება:

• კერამიკა – თანაბრად ათბობს თმას და ზედმეტად არ აშრობს.
• ტიტანი – იდეალურია უხეში და ხვეული თმისთვის, სწრაფად ცხელდება და ეფექტურია.
• ტურმალინი – ეხმარება თმას ელექტროსტატიკური დამუხტვისგან დაცვაში და მეტ ბზინვარებას მატებს.

გადაწყვეტილება, შენი თმის ტიპიდან გამომდინარე უნდა მიიღო.

აირჩიე თმის უთო ტემპერატურის რეგულირებით

• თუ თხელი თმა გაქვს, უმჯობესია აირჩიო უთო 150-180°C ტემპერატურის დიაპაზონით
• ძლიერი და სქელი თმისთვის 200-230°C ტემპერატურის რეჟიმი იქნება შესაფერისი.

ტემპერატურის კონტროლი დაგეხმარება უფრო უსაფრთხოდ გამოიყენო მოწყობილობა და დაიცვა შენი თმა დაზიანებისგან.

ყურადღება მიაქციე ფირფიტების სიგანეს

• საშუალო სიგანის ფირფიტები (2.5-3 სმ) – საუკეთესო არჩევანია ყოველდღიური გამოყენებისთვის
• 4 სმ და მეტი სიგანის ფირფიტები შესაფერისია სქელი, ხვეული ან გრძელი თმისთვის.

ღირს თუ არა ზედმეტი თანხის გადახდა დამატებით ფუნქციებში

როცა საქმე შენი თმის ბზინვარებას და სიჯანსაღეს ეხება, ნამდვილად ღირს.

განსაკუთრებული ყურადღება მიაქციე იონიზაციის ფუნქციას. იონიზაცია ამცირებს სტატიკურ ელექტრობას, რაც იმას ნიშნავს, რომ თმას არ მუხტავს და აბრეშუმის ეფექტს ქმნის.

ავტომატური გამორთვის ფუნქცია კი უსაფრთხოების დამატებითი გარანტიაა, თუ უთო, შემთხვევით, ჩართული დაგრჩება.

თუ გინდა, რომ თმის უთო დიდხანს გემსახუროს და შენი თმა არ დააზიანოს, შეარჩიე სანდო და ხარისხიანი ბრენდები, მაგალითად, როგორებიცაა Philips, Remington, Babyliss და სხვა.

ახლა უკვე იცი როგორ შეარჩიო საუკეთესო თმის უთო. თუ ყიდვას აპირებდი, გადადი ბმულზე და აირჩიე შენთვის სასურველი მოდელი.