საყინულე მაცივარი იდეალური საშუალებაა პროდუქტების დიდი ხნით ჯანსაღად შენახვისთვის. ისინი, უმეტესად, გამოიყენება კომერციული მიზნებისთვის, თუმცა, ხშირად, დიდ საოჯახო სამზარეულოებშიც ვხვდებით.
საყინულე მაცივრის არჩევა მარტივი არ არის, განსაკუთრებით მაშინ, როცა ბაზარზე უამრავი განსხვავებული მოდელი არსებობს.
თუ საყინულე მაცივრის ყიდვა გადაწყვიტე, ამ ბლოგში გაგიზიარებ რამდენიმე მნიშვნელოვან რჩევას, რაც სწორად შერჩევაში დაგეხმარება.
რა ზომის საყინულე მაცივარი გჭირდება?
- თუ პატარა ოჯახი გაქვს და დიდი რაოდენობით გაყინული პროდუქტის შენახვა არ გჭირდება, შეგიძლია აირჩიო კომპაქტური მოდელი
- თუ ხშირად ყიდულობ პროდუქტებს მარაგისთვის – დიდი ტევადობის საყინულე მაცივარი საუკეთესო არჩევანია.
საყინულე მაცივრები სხვადასხვა ზომის არსებობს:
- პატარა მაცივრების მოცულობა, სტანდარტულად, 50-150 ლიტრია
- საშუალო ზომის მაცივრებს 150-300 ლიტრის დატევა შეუძლია
- დიდი საყინულე მაცივრების მოცულობა კი 300 ლიტრიდან იწყება და ისინი იდეალურია დიდი რაოდენობით პროდუქტების შესანახად.
ჩასაშენებელი VS ცალკე მდგომი საყინულე მაცივრები
ისევე როგორც სამზარეულოს სხვა ნებისმიერი ტექნიკა, საყინულე მაცივრებიც არსებობს ორი ტიპის, ჩასაშენებელი და ცალკე მდგომი მოდელები.
- ჩასაშენებელი საყინულე მაცივრები – იდეალურია მცირე ზომის სამზარეულოებისთვის ან მათთვის, ვისაც ინტერიერთან შეხამებული ტექნიკა ურჩევნია.
- ცალკე მდგომი საყინულეები მარტივია გადასაადგილებლად და გაცილებით მეტი ტევადობა აქვს.
აირჩიე ენერგოეფექტური საყინულე მაცივრები
საყინულე მაცივარი ყოველთვის ჩართულ მდგომარეობაშია. იმისთვის რომ კომუნალური ხარჯები დაზოგო, აირჩიე ენერგოეფექტური მოდელი (A+, A++ ან A+++). ამით ელექტროენერგიასაც დაზოგავ და გარემოზეც იზრუნებ.
No Frost VS Manual Defrost
ნებისმიერი ტიპის მაცივრის ყიდვისას, ერთ-ერთი მთავარი კითხვა ყოველთვის მისი გალღობის სისტემას ეხება:
- No Frost მაცივარში არ წარმოიქმნება ყინული, რაც იმას ნიშნავს, რომ მაცივარი პროდუქტსაც გრძელვადიანად შეინახავს და მისი მოვლისთვისაც ნაკლები ძალისხმევა დაგჭირდება.
- Manual Defrost მოდელებში ყინული წარმოიქმნება, რომლის მოშორებაც მოგიწევს, კვირაში ერთხელ მაინც.
სიცივის შენარჩუნების ფუნქცია
რადგან საყინულე მაცივრის მთავარი დანიშნულება პროდუქტების დიდი ხნით შენახვაა, მნიშვნელოვანია, შენ მიერ შერჩეულ მოდელს ჰქონდეს სიცივის შენარჩუნების ფუნქცია.
ზოგიერთი მოდელი სიცივეს 12-24 საათს ინარჩუნებს, რაც ძალიან მნიშვნელოვანია ელექტროენერგიის მოულოდნელი გათიშვის შემთხვევაში.
დამატებითი რეკომენდაციები
- თუ ხშირად იყენებ საყინულეს, უკეთესი იქნება, თუ მას ექნება მოსახერხებელი თაროები, კალათები და სათავსოები, რაც გაგიადვილებს პროდუქტების ორგანიზებას.
- თანამედროვე მოდელების უმეტესობა უხმაუროა (35-45 დეციბელი). თუმცა, თუ მაცივარი სამზარეულოში ან საძინებლის ახლოს დგას, აუცილებლად გადაამოწმე მისი ხმაურის დონე.
- უპირატესობა მიანიჭე საყინულე მაცივრების მწარმოებელ ბრენდებს: BEKO, BOSCH, MIDEA, Gorenje, LIEBHERR და სხვა.
თუ ბლოგში შენთვის მომზადებულ რჩევებს გაითვალისწინებ, საყინულე მაცივრის შერჩევა, მაქსიმალურად, გაგიმარტივდება.
მოგვწერე კიდევ რა თემის შესახებ ისურვებდი ჩვენგან რჩევების გაზიარებას.
