ახალი სასწავლო წელი ძალიან მალე დაიწყება, ბავშვის სასკოლოდ მომზადება კი მათთვის ყველა საჭირო ნივთის, ტანსაცმლის, ფეხსაცმელების, სასკოლო ჩანთის, საკანცელარიო ნივთების, რვეულების, სახელმძღვანელოების და ციფრული მოწყობილობების ყიდვას გულისხმობს.
წინა ბლოგებში მიმოვიხილეთ სკოლის მოსწავლეებისთვის საჭირო ციფრული ტექნიკა და ვეცადეთ ამ მოწყობილობების შერჩევაში დაგხმარებოდით.
ამ სტატიაში გაეცნობი ექსტრა რჩევებს, თუ როგორ უნდა შეარჩიო შენი ბავშვისთვის სასკოლო ტანსაცმელი.
სკოლის ტანსაცმელი სასკოლო სამზადისში განსაკუთრებულ ადგილს იკავებს. ყველას გვახსოვს, როგორ გვაბედნიერებდა ახალი სკოლის სამოსი და ის ეიფორია, რაც სკოლაში წასვლას უკავშირდებოდა. ამიტომ, ბავშვის ტანსაცმლის შერჩევა მათი ინტერესების გათვალისწინებას და ამავდროულად, ხარისხსა და კომფორტულობაზე აქცენტის გაკეთებას საჭიროებს.
როგორი უნდა იყოს სკოლის ტანსაცმელი
პრაქტიკულობა, კომფორტი, პერსონალური სტილი – ეს ის არის, რაზეც ბავშვისთვის სასკოლო ტანსაცმლის შერჩევისას უნდა იფიქრო. ამასთანავე, ის უნდა აკმაყოფილებდეს სასკოლო დრესკოდსაც.
ვიდრე ტანსაცმლის შერჩევას დაიწყებ, პირველ რიგში, გადაამოწმე, კონკრეტულ სკოლაში, მოსწავლეთა ჩაცმის რა წესები არსებობს.
მაგალითად, ზოგიერთ სკოლას აქვს სპეციალური, სკოლის უნიფორმა, რაც გულისხმობს, რომ მოსწავლის უნიფორმა ფერებით, კომბინაციებით და დიზაინით წინასწარ არის გადაწყვეტილი.
თუ სკოლა, რომელშიც შენი შვილი სწავლობს, უნიფორმები არ არსებობს, არჩევანში სრული თავისუფლება გაქვს.
როგორც წესი, ყველა მშობელს უნდა, რომ მისი შვილი გამორჩეული იყოს, განსაკუთრებით, როცა ეს საზეიმო, განსაკუთრებულ თარიღებს ეხება.
- საბავშვო სასკოლო ტანსაცმელი უნდა იყოს ხარისხიანი, ნატურალური ქსოვილისგან შეკერილი და ტრენდულიც.
- თავიდან აირიდე სინთეტიკური ქსოვილი, რომლისგანაც, ბავშვის ტანსაცმელი იქნება შეკერილი. ასეთი ქსოვილი არ სუნთქავს, ამიტომ, შესაძლოა, მისი ტარება არ იყოს ბავშვისთვის კომფორტული. ეს, განსაკუთრებით, ეხება პერანგებს, რადგან ბავშვის მგრძნობიარე კარს პირდაპირ ეხება.
- უპირატესობა მიანიჭე, დახვეწილ, კლასიკური ფერების კომბინაციებს და ნათელ ფერებს.
- შეურჩიე ბავშვს თავისუფალი, ე.წ ოვერსაიზდ სასკოლო ტანსაცმელი. ასეთი სამოსი არამხოლოდ ტრენდულია, არამედ მასში ბავშვიც უკეთ იგრძნობს თავს.
- გარდა ტანსაცმლისა, არანაკლებ, მნიშვნელოვანია სასკოლო ფეხსაცმელი. თუ ბავშვი ბრტყელტერფიანია, შეურჩიე, სპეციალური, ორთოპედიული ფეხსაცმელი.
შეარჩიე ტანსაცმელი სკოლისთვის ექსტრაზე
ექსტრაზე სასკოლო ტანსაცმლის და ფეხსაცმლის დიდი მრავალფეროვნება გელოდება. აღმოაჩენ ყველაფერს, რაც სკოლის მოსწავლის ტანსაცმლის ე.წ ლუქების ასაწყობად დაგჭირდება: მაისური, პერანგი, კაბა, შარვალი, ჯემპრი, ჟაკეტი, თეთრეული, ქურთუკი, ყოველდღიური თუ სპორტული ფეხსაცმელი, შუზი, ბათინკი და სხვა.
მოამზადე ბავშვი ახალი სასკოლო სეზონისთვის და უყიდე სასკოლო ტანსაცმელი, საუკეთესო ფასად, ექსტრაზე.
