როგორ შევარჩიოთ როლიკები

როლიკებით, იგივე გორგოლაჭებით სეირნობა ნებისმიერი ასაკის ადამიანისთვის საყვარელი სპორტული აქტივობაა.

თუ ახლის ყიდვა გადაწყვიტე ან ახლა იწყებ ამ თავგადასავალს, სწორად შერჩეული როლიკები ერთ-ერთი ყველაზე მნიშვნელოვანი ფაქტორია  შენი კომფორტისთვის, უსაფრთხოებისა და სიამოვნებისთვის.

ამ ბლოგში გაგიზიარებ რჩევებს, რაც უნდა გაითვალისწინო როლიკებს შერჩევისას.

1. განსაზღვრე, რისთვის გინდა როლიკები

პირველ რიგში, უნდა გადაწყვიტო, რისთვის ყიდულობ როლიკებს. არსებობს რამდენიმე ძირითადი ტიპი:

• საოჯახო/დასასვენებელი როლიკები – იდეალურია სეირნობისთვის, ვარჯიშისთვის და ქალაქში გასეირნებისთვის.
• სპორტული როლიკები – მსუბუქია და გაძლევს საშუალებას სწრაფად იარო გრძელ დისტანციებზე.
• სლალომის როლიკები განკუთვნილია სწრაფი მანევრირებისთვის და რთული მოძრაობებისთვის.

შენ უნდა აირჩიო ის, რაც შენს მიზანს საუკეთესოდ შეესაბამება.

2. ყურადღება მიაქციე ბორბლების ზომას და სიმყარეს

• პატარა ბორბლები (70–80 მმ) სტაბილურია და კარგად ემორჩილება მართვას, ისინი შესაფერისია დამწყებთათვის.
• დიდი ბორბლები (84 მმ და ზემოთ) უზრუნველყოფს მეტ სიჩქარეს და გლუვ სრიალს – კარგია გამოცდილებისთვის.

ბორბლების სიმაგრე მონიშნულია A-ს სისტემით::

• რბილი ბორბლები (75A–82A) უკეთ ეჭიდება ზედაპირს და უფრო კომფორტულია.
• მყარი ბორბლები (85A+) უფრო დიდხანს ძლებს

3. ჩექმის ზომა და კომფორტი

• როლიკის ჩექმა ფეხზე მჭიდროდ უნდა იყოს მორგებული.
• დამწყებისთვის რბილი ჩექმა უფრო კომფორტულია, ხოლო გამოცდილისთვის მყარი ჩექმა მეტ კონტროლს იძლევა.

4. როლიკები ჩარჩო – მეტალის თუ პლასტმასის?

• პლასტმასის ჩარჩო: მსუბუქია და რბილად მუშაობს – კარგია დასაწყისისთვის
• ალუმინის/მეტალის ჩარჩო: მეტ სტაბილურობას და კონტროლს იძლევა – კარგია სწრაფად მოსრიალეებისთვის და მეტი მანევრირებისთვის.

5. როლიკების ტარების სისტემა – ABEC სტანდარტი

როლიკების ბორბლებში არის ტარების სისტემა (bearing), რომელიც განსაზღვრავს, რამდენად გლუვად და სწრაფად მოძრაობს ბორბალი. რაც უფრო ხშირია ABEC რეიტინგი (მაგ: ABEC-7, ABEC-9), მით უფრო სწრაფი და ეფექტურია ბორბალიც.

6. შეამოწმე უსაფრთხოების დეტალები

არაფერი არ არის უფრო მნიშვნელოვანი ვიდრე უსაფრთხოება, განსაკუთრებით თუ დამწყები ხარ:

• როლიკებთან ერთად შეიძინე, ასევე, მუხლის, იდაყვის და მაჯის დამცავები და თავის დამცავი კასკა
• ყურადღება მიაქციე ცნობილ ბრენდებს
• კარგი როლიკი ცოტათი მეტი ღირს, მაგრამ დიდხანს მოგემსახურება
• არჩევანი გააკეთე შენს შესაძლებლობებზე, საჭიროებებზე და სურვილებზე დაყრდნობით.
• სწორად არჩეული როლიკებით სრიალი დაგეხმარება ჯანმრთელობის გაუმჯობესებაში, სტრესისგან განმუხტვასა და უბრალოდ, სიამოვნების მიღებაში.

შეარჩიე როლიკები ექსტრაზე!