მზისგან დამცავი პროდუქტების გამოყენება სახის კანის მოვლის რუტინაში ჩვენი ჯანმრთელობისთვის მნიშვნელოვანია. მზისგან დამცავი გიცავს მზის ულტრაიისფერი გამოსხივების (UV) მავნე ზემოქმედებისგან, შთანთქავს მათ და ხელს უშლის კანში შეღწევადობას.
არსებობს მზისგან დამცავი ფილტრების ორი სახეობა:
1. მინერალებზე დაფუძნებული ფილტრები
ფანტავს გამოსხივებას და მოქმედებს კანის ზედაპირზე. მინერალური ფილტრების მქონე პროდუქტი უფრო წებოვანი, ბლანტია და აქვს თეთრი ფერი.
2. ქიმიური ფილტრები
ასეთი ფილტრის მქონე პროდუქტი კანში იწოვს რადიაციას, აქვთ მსუბუქი ტექსტურა, იდეალურია სახის კანისთვის, რადგან არ აცხიმიანებს კანს და კარგ საფუძველს ქმნის მაკიაჟისთვის.
რომელია უკეთესი? ამაზე კონკრეტული პასუხი არ არსებობს. აირჩიე მზისგან დამცავი, რომელიც მოუხდება შენს კანს და რომლის წასმაც დისკომფორტს არ შეგიქმნის.
პროდუქტები, რომლებიც კანზე მზის ნეგატიურ ზეგავლენას შეამცირებს!
რეკომენდაციები, მზისგან დამცავი საშუალებების გამოყენებასთან დაკავშირებით!
- მზისგან დამცავი, კანის მოვლის რუტინის ბოლო ეტაპია. დეკორატიული კოსმეტიკა გამოიყენე მზისგან დამცავის წასმიდან, 5-10 წუთის შემდეგ.
- ხშირად, მზისგან დამცავი საშუალებები შეიცავს დამატენიანებელ და დამარბილებელ ინგრედიენტებს. ამ შემთხვევაში, დილის რუტინაში, დამატენიანებელი საცხის გამოყენება აუცილებლობას აღარ წარმოადგენს.
- ცხიმიანი და აკნესკენ მიდრეკილი კანისთვის დამცავის შერჩევა, საკმაოდ, რთულია. შეარჩიე არაკომედოგენური მზისგან დამცავი, რომელიც არ შეიცავს სურნელოვან დანამატებს.
გარუჯვის შედეგები წლების განმავლობაში, ასაკის მატებასთან ერთად იჩენს თავს. კანის დამწვრობა-დაზიანებისგან, ნაადრევი დაბერებისგან თავის ასარიდებლად და კიბოს რისკის შესამცირებლად, მზისგან დამცავის გამოყენება აუცილებელია ყოველდღე, სეზონისა და ამინდის მიუხედავად, ინტენსიურ მზეში – ყოველ 2-3 საათში ერთხელ.
გამოიყენე მზისგან დამცავი და აირიდე ჯანმრთელობის რისკები!