როგორ შევარჩიოთ მიქსერი

მიქსერი ერთ-ერთი ყველაზე ფუნქციური და საჭირო მოწყობილობაა სამზარეულოში. ის გვეხმარება პროდუქტების სწრაფად და ეფექტურად შერევასა და ცომის მოზელაში.

თუ კულინარია გიტაცებს ან ხშირად გიწევს სხვადასხვა კერძების მომზადება მიქსერის ყიდვაზე აუცილებლად უნდა დაფიქრდე.

ამ ბლოგში გაგიზიარებ რეკომენდაციებს, თუ როგორ შეარჩიო მიქსერი სწორად, ასევე, მოგიყვები რა დანიშნულება აქვს მათ და რა ტიპის მიქსერებს შეხვდები ბაზარზე.

რატომ უნდა გქონდეს მიქსერი სამზარეულოში

მიქსერით მარტივად შეძლებ სხვადასხვა ინგრედიენტების ერთმანეთთან შერევას და დამუშავებას:

• სწრაფად და ერთგვაროვნად მოზელ ცომს
• სულ რამდენიმე წუთში მოამზადებ კრემს ნამცხვრებისთვის
• მოკლე დროში შეურევ სხვადასხვა ინგრედიენტებს სოუსების, დესერტების და სხვა რეცეპტებისთვის.

როგორც ხედავ, ერთი შეხედვით, მომზადების რთული პროცესები ამ მოწყობილობით მარტივდება.

რა ტიპის მიქსერები არსებობს

მიქსერები ორ ძირითად ტიპად იყოფა: ხელის მიქსერი და სტაციონარული მიქსერი. ორივე მათგანს აქვს თავისი უპირატესობები, ხოლო ის თუ რომელს აირჩევ დამოკიდებულია შენს საჭიროებებზე.

ხელის მიქსერი – კომპაქტური მოწყობილობა

• ხელის მიქსერი ძალიან მსუბუქი და მოსახერხებელია
• არ იკავებს დიდ ადგილს სამზარეულოში და მისი გამოყენებაც ადვილია
• იდეალურია მცირე მოცულობის პროდუქტებს შერევისთვის
• ხელის მიქსერი განსაკუთრებით კარგი არჩევანია თუ პატარა სამზარეულო გაქვს

სტაციონარული მიქსერი – მძლავრი მოწყობილობა

თუ ხშირად ამზადებ ცომს ან სხვა რთულ ინგრედიენტებს, სტაციონარული მიქსერის ყიდვა საუკეთესო გადაწყვეტილება იქნება

• ის არ საჭიროებს ხელით მართვას და მუშაობს დამოუკიდებლად. შეგიძლია, მარტივად, ჩართო და პარალელურად, სხვა საქმით დაკავდე.
• სტაციონარულ მოდელებს აქვს მაღალი სიმძლავრე და ეფექტურად უმკლავდება მძიმე სამუშაოებს.

როგორ შევარჩიო მიქსერი

მას შემდეგ რაც გადაწყვეტ, რომელი ტიპის მიქსერი გჭირდება, მთავარი, რასაც ყურადღება უნდა მიაქციო მიქსერის სიმძლავრეა.

• ცომის მოსაზელად და სხვა რთული დავალებებისთვის, უპირატესობა მიანიჭე მაღალი სიმძლავრის მქონე მოდელებს
• თუ სამზარეულოში სივრცე შეზღუდული გაქვს, ხელის მიქსერი საუკეთესო არჩევანია, რადგან სტაციონარული მოდელი დიდ ადგილს იკავებს
• ყურადღება მიაქციე მიქსერის მწარმოებელ ბრენდს და გახსოვდეს, კარგი პროდუქტი ხშირად ოდნავ ძვირი, თუმცა გრძელვადიანი გამოყენების იქნება.

სწორად შერჩეული მიქსერი მნიშვნელოვნად გაგიმარტივებს საქმეს სამზარეულოში და დროსაც დაგიზოგავს.

ამიტომ, ყიდვამდე კარგად დაფიქრდი, რა ტიპის ფუნქციები და სიმძლავრე გჭირდება და რა სივრცე გაქვს სამზარეულოში.