ვარჯიში გადაწყვიტე და სახლისთვის ჰანტელების ყიდვას ფიქრობ? ეს საუკეთესო ნაბიჯია, თუმცა, ვიდრე ამ ფიტნეს აქსესუარს შეარჩევ, ჯობია, რამდენიმე მნიშვნელოვანი დეტალი გაითვალისწინო.
არასწორად შერჩეულმა ჰანტელებმა, შეიძლება, ვარჯიშის პროცესი გაგირთულოს ან სულაც მოგაბეზროს. ამიტომ, ამ ბლოგში მოგიმზადე რჩევები, რომლებიც შენთვის იდეალური ჰანტელების ყიდვაში დაგეხმარება.
რა წონის ჰანტელი უნდა აირჩიო
ყველაზე ხშირი კითხვაა, თუ რა წონის ჰანტელი უნდა შეარჩიო. ეს დამოკიდებულია შენს ფიზიკურ მდგომარეობასა და მიზნებზე.
- დამწყები ხარ? თუ შენი მიზანია სწორი ტექნიკის სწავლა და კუნთის აქტივაცია, დაიწყე მსუბუქი, 1.5 ან 2-დან 5 კილოგრამამდე წონის ჰანტელებით.
- 6-დან 10 კგ-მდე ჰანტელებით უკვე კუნთის გამკვრივებასა და მოცულობის გაზრდაზე იმუშავებ.
- გამოცდილი ხარ? მაშინ თავისუფლად შეგიძლია გამოიყენო 10+ კგ ჰანტელები, თუმცა, მაინც დაკვირვებით. ზედმეტი წონა არ ნიშნავს უკეთეს შედეგს.
შეარჩიე ჰანტელების მასალა და დიზაინი
- ვინილის ან ნეოპრენის ჰანტელები – რბილი, ფერადი და ხელისთვის კომფორტულია. არ ცურავს და იატაკსაც იცავს. განსაკუთრებით კარგი არჩევანია დამწყებებისთვის.
- ლითონის ჰანტელები გამძლეა, პროფესიონალურია და აქვს კლასიკური სტილი. აირჩიე, თუ დიდი წონის მიღწევა გინდა.
- რეზინით დაფარული ჰანტელები – აუცილებელია, თუ სახლში ვარჯიშობ და არ გინდა იატაკი დააზიანო.
ხარისხიანი ჰანტელების პოვნა დღეს, უკვე, ბიუჯეტურადაც შეიძლება.
ჰანტელის სახელური არ უნდა ეკვროდეს ხელს და არც უნდა სრიალებდეს.
საუკეთესო ჰანტელები მორგებული უნდა იყოს შენს კომფორტსა და მიზნებზე. სწორად შერჩეული ვარიანტი ვარჯიშის მოტივაციასაც აგიმაღლებს და შედეგსაც უფრო სწრაფად იგრძნობ.
