როგორ შევარჩიოთ გრილი და მაყალი

თუ გიყვარს მწვადის შეწვა ან ბურგერების გრილზე მომზადება, ალბათ, დაფიქრებულხარ გრილის ან მაყალის შეძენაზე.

ამ მოწყობილობების შერჩევა კარგად დაფიქრებას საჭიროებს, რადგან, აუცილებელია, ზუსტად იცოდე როგორი, რა ზომის ან რა ტიპის გრილი გჭირდება.

ამ ბლოგში მოგიმზადე რეკომენდაციები, რომლებიც დაგეხმარება საუკეთესო არჩევანის გაკეთებაში.

გრილისა და მაყალის ტიპები

1. ელექტრო გრილი

თუ გიყვარს გრილზე მომზადებული კერძები, მაგრამ არ გაქვს ეზო ან დიდი სივრცე, ელექტრო გრილი საუკეთესო არჩევანია. ის ადვილად გამოსაყენებელია და არ წარმოქმნის კვამლს, რაც მრავალბინიან კორპუსებში მცხოვრებთათვის განსაკუთრებით მოსახერხებელია.

2. ხის ნახშირის გრილი

მათთვის, ვისაც უყვარს მსუბუქად შებოლილი გემოც, ხის ნახშირის გრილი იდეალური არჩევანია. მისი გამოყენება მოითხოვს, შედარებით, მეტ დროსა და მოთმინებას, მაგრამ შედეგი ნამდვილად ღირს.

3. გაზზე მომუშავე გრილი

გაზის გრილი იდეალურია მათთვის, ვისაც სწრაფად და მარტივად სურს კერძების მომზადება. ის მომენტალურად თბება და აქვს ტემპერატურის კონტროლის ფუნქცია.

4. მაყალი – ქართული ტრადიციული ვარიანტი

მაყალი ქართული სამზარეულოს განუყოფელი ნაწილია. მისი ძირითადი უპირატესობა ხის ნახშირით მომზადებული კერძების განსაკუთრებული არომატია. მაყალის არჩევისას ყურადღება უნდა მიაქციო მასალის ხარისხს (უჟანგავი ფოლადი ან სქელი მეტალი), ზომას და გამძლეობას.

ელექტროენერგიაზე მომუშავე გრილს აირჩევ, ნახშირზე თუ შეშაზე მომუშავეს ეს სრულად შენს საჭიროებებზეა დამოკიდებული.

რა უნდა გაითვალისწინო გრილის არჩევისას

• მცირე აივნებისთვის იდეალურია ელექტრო გრილი, ხოლო დიდი ეზოებისთვის – ხის ნახშირის გრილი ან გაზზე მომუშავე მოდელები.
• ზოგიერთი მათგანი ადვილად იწმინდება, მაგალითად, გაზის გრილებს აქვს ცხაურების თვითწმენდის ფუნქცია.
• თუ კომფორტი და დრო შენთვის მნიშვნელოვანია, აირჩიე გაზის ან ელექტრო გრილი. თუ ტრადიციული გემო გიზიდავს, მაშინ მაყალი ან ხის ნახშირის გრილი საუკეთესო ვარიანტია.

ნებისმიერი არჩევანის გაკეთებისას, მნიშვნელოვანია, გაითვალისწინო შენი მოთხოვნები, ბიუჯეტი და ის სივრცე, სადაც გრილის გამოყენებას აპირებ.

სწორად შერჩეული გრილი ან მაყალი მოგცემს დაუვიწყარ გამოცდილებას. მოამზადებ გემრიელ კერძებს ოჯახთან და მეგობრებთან ერთად. დატკბი კულინარიული თავგადასავლებით.