ჯანსაღი ცხოვრების წესის დაცვა მხოლოდ სწორ კვებას არ ნიშნავს – მნიშვნელოვანია, რომ საკვების მომზადებაც მარტივი და სასიამოვნო პროცესი იყოს. სწორედ ამისთვის არსებობს ბლენდერი, რომელიც დაგეხმარება გემრიელი და ნუტრიენტებით სავსე სმუზების, კრემ-სუპების და ენერგიული კოქტეილების მომზადებაში.
ბაზარზე ბლენდერების მრავალფეროვანი არჩევანია, მაგრამ რომელია საუკეთესო შენი საჭიროებისთვის? ამ სტატიაში გაგიზიარებ საუკეთესო რჩევებს, რომლებიც დაგეხმარება სწორი არჩევანის გაკეთებაში.
რა ტიპის ბლენდერები არსებობს
ბლენდერები რამდენიმე ტიპად იყოფა, რომელთა შორის არის:
- სტაციონარული ბლენდერი შესანიშნავია სმუზების, სუპებისა და კოქტეილებისთვის.
- ხელის ბლენდერი მარტივად სამართავი და კომპაქტური მოწყობილობაა, შესაფერისია პიურესა და კრემის მსგავსი მასებისთვის.
- მაღალი სიმძლავრის ბლენდერი გამოიყენება ყინულის დასამტვრევად და მყარი ინგრედიენტების დასამუშავებლად.
ბლენდერის სიმძლავრე და სიჩქარე
ბლენდერის არჩევისას მნიშვნელოვანია მისი სიმძლავრის გათვალისწინება:
- 500-1000 ვატი საკმარისია ყოველდღიური გამოყენებისთვის
- 1500 ვატი და მეტი უფრო მძლავრი პროფესიონალური ბლენდერებია
ყურადღება მიაქციე სიჩქარის რეჟიმებს – რაც უფრო მეტია ბლენდერის სიჩქარე მით უკეთესი იქნება ინგრედიენტების ტექსტურა.
ბლენდერის მოცულობა და დანის მასალა
- ბლენდერის დანები, უმეტესად, უჟანგავი ფოლადისგან მზადდება, რაც მის გამძლეობას და ხანგრძლივ მუშაობას უზრუნველყოფს.
- მნიშვნელოვანია კონტეინერის მოცულობაც: 1-1.5 ლიტრი იდეალურია სტანდარტული გამოყენებისთვის, ხოლო 2 ლიტრი და მეტი – დიდი რაოდენობის საკვების მოსამზადებლად.
- თანამედროვე ბლენდერებს აქვს ისეთი დამატებითი ფუნქციები, როგორებიცაა: ყინულის დამტვრევა, პულსაციის რეჟიმი და სუპების მომზადების ფუნქცია.
- ბიუჯეტური მოდელების ყიდვას 200-300 ლარის ფარგლებშია შესაძლებელი, ხოლო პრემიუმ კლასის ბლენდერები 500-1500 ლარი ან მეტიც შეიძლება ღირდეს.
ბლენდერი მხოლოდ სამზარეულოს ტექნიკა კი არა, არამედ ცხოვრების სტილის განუყოფელი ნაწილიც არის. თუ გიყვარს ჯანსაღი და გემრიელი საკვები, კარგი ბლენდერი შეუცვლელი დამხმარე გახდება.
ამიტომ, გაითვალისწინე ყველა ეს რჩევა და შეარჩიე ისეთი ბლენდერი, რომელიც შენს მოთხოვნებს იდეალურად მოერგება.
