ბავშვისთვის კომფორტული და უსაფრთხო საწოლის არჩევა მშობლების ერთ-ერთი მთავარი საზრუნავია.
კარგი საწოლი ხელს უწყობს ბავშვის ჯანმრთელ ძილს, ზრდასა და განვითარებას.
ამ ბლოგში მოგიმზადე რჩევები, რომლებიც დაგეხმარება შენი პატარისთვის საუკეთესო საწოლის შერჩევაში.
რა უნდა გაითვალისწინო ბავშვის საწოლის შერჩევისას
- უსაფრთხოება მთავარი პრიორიტეტია, ამიტომ საწოლის კონსტრუქცია უნდა იყოს მყარი
- ბავშვის საწოლს მრგვალი კუთხეები ჰქონდეს, რადგან მკვეთრი კუთხეები საფრთხის შემცველია
- საწოლის ლაქი და საღებავი უნდა იყოს ეკოლოგიურად სუფთა და არატოქსიკური ნივთიერებებისგან დამზადებული
- დარწმუნდი, რომ საწოლს ახლავს უსაფრთხოების სერტიფიკატი
ბავშვის ასაკისა და შენს სახლში არსებული სივრცის გათვალისწინებით, რამდენიმე ტიპის საწოლი არსებობს:
- ჩვილებისთვის – პატარა საწოლები, რომლებიც შეგიძლია შენი საწოლის გვერდით მოათავსო
- ტრანსფორმერი საწოლი – ასეთი მოდელები ადაპტირდება ბავშვის ზრდასთან ერთად და რამდენიმე წლის განმავლობაში შეძლებ მის გამოყენებას
- სტანდარტული საწოლი – 2-5 წლის ბავშვებისთვის არის განკუთვნილი
ბავშვის საწოლის მასალა
- ხის საწოლები ყველაზე ეკოლოგიურია და მყარი კონსტრუქციაც აქვთ. თუ სწორედ ამ მასალაზე აპირებ არჩევანის შეჩერებას, უპირატესობა მიანიჭე წიფელს, მუხას და ფიჭვს რადგან ეს მასალები მაღალი ხარისხისაც არის და უფრო მეტად გამძლეა.
- მეტალის საწოლები, ყოველთვის, განსაკუთრებული მდგრადობით და გამძლეობით გამოირჩევა, ამიტომ, ბევრი მხოლოდ საწოლის დიზაინის შერჩევაზე შეგიძლია იფიქრო.
არ დაგავიწყდეს საბავშვო მატრასიც, რადგან ის ბავშვის კომფორტული და სრულფასოვანი ძილისთვის მნიშვნელოვანია.
აირჩიე ორთოპედიული, ჰაერგამტარი და ჰიპოალერგიული, ეკოლოგიურად სუფთა მასალებით დამზადებული მოდელი რომელიც კარგად მოერგება ბავშვის საწოლის კონსტრუქციას და ფორმას.
თუ გინდა რომ ბავშვის საწოლი პრაქტიკული და ტევადი იყოს, ყურადღება მიაქციე რა დამატებითი ფუნქციებით იქნება აღჭურვილი.
- უჯრებიანი საწოლები მოსახერხებელია სათამაშოებისა და თეთრეულის შესანახად.
- ბორბლებიან საწოლს კი, საჭიროების შემთხვევაში, მარტივად გადააადგილებ.
როგორც ხედავ, მთავარი, რასაც ბავშვის საწოლის შერჩევისას ყურადღება უნდა მიაქციო უსაფრთხოება, კომფორტი და ხარისხია. გაითვალისწინე ჩვენი რჩევები და შეარჩიე საწოლი, რომელშიც შენი პატარა საიმედოდ იქნება დაცული.
