თუ საკუთარი ეზო გაქვს ან სოფელში მიწას უვლი, ალბათ იცი, რამდენად მნიშვნელოვანია ბალახის სათიბი. მის გარეშე გაზაფხულიდან შემოდგომამდე ბალახთან ბრძოლა ყოველდღიურ საზრუნავად გადაიქცევა.
თუ პირველად აპირებ სათიბის ყიდვას, შესაძლოა, დაიბნე, რადგან არჩევანი მართლაც მრავალფეროვანია.
ამ ბლოგში გთავაზობ მთავარ რჩევებს, რომლებიც დაგეხმარება სწორი არჩევანის გაკეთებაში.
რა ფართობისთვის გჭირდება ბალახის სათიბი?
პირველ რიგში, დაფიქრდი, რა ზომის ეზო გაქვს გასათიბი.
- თუ პატარა ეზო გაქვს (მაგალითად, 200-500 კვ/მ), სრულიად საკმარისია ელექტრო სათიბი. ის მსუბუქია, ეკოლოგიური და ხმაურიც ნაკლები აქვს.
- თუ ფართობი საშუალოზე დიდია (500 კვ/მ-ზე მეტი) ან სოფლის ბაღის მოვლა გიწევს, ბენზინზე მომუშავე სათიბი ჯობია. მას მეტი სიმძლავრე აქვს და სადენიც არ სჭირდება.
ხელის სათიბი გინდა თუ თვითმავალი?
არსებობს ორი ტიპის ბალახის სათიბი:
მექანიკური ანუ ხელით სამართავი სათიბები იაფია, თუმცა, ძალას მოითხოვს. ისინი მხოლოდ მცირე ეზოებისთვისაა რეკომენდებული.
თვითმავალი ბენზინის სათიბები – უფრო ძვირია, მაგრამ მუშაობას მაქსიმალურად გაგიმარტივებს. შენ მხოლოდ მიმართულებას აძლევ, მოწყობილობა კი ბალახს თიბავს და თავისით გადაადგილდება წინ.
გაითვალისწინე ძრავის სიმძლავრე და სიგანე
ბალახის სათიბის ძრავის სიმძლავრე განსაზღვრავს რამდენად გამძლე და ეფექტურია სათიბი.
- თუ მაღალ ბალახზე ან რთულ რელიეფზე გიწევს მუშაობა, აირჩიე, მინიმუმ, 1500-2000 ვატიანი მოდელი ან 4 ცხენის ძალის მქონე ბენზინზე მომუშავე ვერსია.
ბალახის სათიბის თიბვის სიგანე მით უფრო ფართოა, რაც უფრო ეფექტურად და სწრაფად დაასრულებ საქმეს:
- 30-40 სმ სიგანე საკმარისია მცირე ეზოებისთვის
- 40-55 სმ სიგანე – საშუალო ფართობებისთვის
- 55 სმ-ზე მეტი – პროფესიონალური და ფართო ნაკვეთებისთვის
მოაგროვებს ბალახს შენი სათიბი?
ზოგიერთი სათიბი მხოლოდ ჭრის ბალახს და მიწაზე ტოვებს, ზოგი კი სპეციალურ კონტეინერში აგროვებს.
თუ ეზოში სისუფთავეს დიდ მნიშვნელობას ანიჭებ, აირჩიე კონტეინერიანი მოდელი და ბალახის შეგროვება ხელით აღარ დაგჭირდება.
ყურადღება მიაქციე ბორბლებსა და სიმაღლის რეგულაციას
- დიდ ბორბლებიანი მოდელი უფრო მარტივად გადაადგილდება, განსაკუთრებით, არათანაბარ ზედაპირზე.
- რეგულირებადი სიმაღლის სათიბები კი გაძლევს შესაძლებლობას, თავად განსაზღვრო, რა სიმაღლეზე გინდა დატოვო ბალახი.
- ბალახის სათიბის შერჩევისას, მიაქციე ყურადღება რომ ის მარტივად იწმინდებოდეს. დროთა განმავლობაში, დანების შეცვლაც მოგიწევს.
- შეარჩიე სანდო და ხარისხიანი ბრენდები, მაგალითად, როგორებიცაა Bosch, Karcher, Total, Ingco და სხვა. ეს ბრენდები იდეალურია როგორც საყოფაცხოვრებო, ასევე, ნახევრად პროფესიონალური გამოყენებისთვის.
როგორც ხედავ, ბალახის სათიბის შერჩევა, ერთდროულად, ტექნიკური და პრაქტიკული საკითხია. სანამ ყიდვას გადაწყვეტ, დაფიქრდი მიწის ფართობზე, ენერგიის წყაროზე (ელექტრო თუ ბენზინი) და მოხმარების სიმარტივეზე.
თუ სწორად შეარჩევ, ბალახის სათიბი შენი ეზოს მოვლისთვის შენთვის შეუცვლელი მოწყობილობა გახდება.
თუ ყიდვას აპირებ, შეარჩიე ბალახის სათიბები იაფად ექსტრაზე.
