როგორ მოვუაროთ სახის კანს სეზონურად

შემოდგომა-ზამთრის სეზონზე ჩვენს სახის კანს განსაკუთრებული ყურადღება და მოვლა სჭირდება. ეს ის პერიოდია, როცა კანი დაბალი ტემპერატურის, ქარის თუ გამათბობლების ზემოქმედებით ტენიანობას კარგავს, შრება და ნაკლებად ელასტიური ხდება. ამიტომ, აუცილებელია, ჩვენი კანის მოვლის რუტინაში შევიტანოთ ისეთი პროდუქტები, რომლებიც დაგვეხმარება კანის სრულყოფილად დატენიანებაში, კვებასა და გაჯანსაღებაში.

ამ ბლოგში გაეცნობი სახის მოვლის სეზონურ პროდუქტებს, რომელთა თანმიმდევრული გამოყენებაც შენს კანს სიჯანსაღეს შეუნარჩუნებს.

მიცერალური წყალი  La Roche-Posay

აუცილებელია სახის მოვლის რუტინა დაიწყო მიცერალური წყლით. La Roche-Posay-ის მიცერალური წყალი დაგეხმარება კანის რბილად და ეფექტურად წმენდაში და აქვს დამატენიანებელი ეფექტი. ის ფორებს გაასუფთავებს და კანს მომდევნო პროდუქტების მისაღებად მოამზადებს.

სახის გამწმენდი გელი Avene Cleanance

მიცერალური წყლის შემდეგ, გამოიყენე სახის გამწმენდი.

ავენის გელი ღრმად გაგისუფთავებს ფორებს, შეგიმცირებს ჭარბ ცხიმიანობას და დაამშვიდებს შენს კანს. მისი რეგულარული გამოყენებით, ხელს შეუწყობ ფორების დახურვასა და კანის ტექსტურის გაჯანსაღებას.

სახის ტონერი Anua Heartleaf 77%

გამწმენდი გელის შემდეგ ტონერი მოამზადებს კანს შრატის და კრემების უკეთ მისაღებად და აღადგენს კანის pH ბალანსს.

Anua-ს ტონერი შეიცავს 77% გულყვითელას ექსტრაქტს, რაც დაგიმშვიდებს კანს, აქვს სიწითლის და გაღიზიანების საწინააღმდეგო ეფექტი.

სახის ნიღაბი I Love

ტონერის შემდეგ, კვირაში, მაქსიმუმ ორჯერ, გამოიყენე სახის ნიღაბი, რომელიც კანს ღრმად კვებავს და არბილებს.

დეტოქსი სახის ნიღბით ეფექტურად გამოდევნი კანიდან ტოქსინებს. ნიღაბი ღრმად წმენდს და ანიჭებს კანს სუფთა, ჯანსაღ იერს.

სახის შრატი THE ORDINARY

ტონერის და სახის ნიღბის შემდეგ გამოიყენე შრატი, რადგან ის ღრმად აღწევს კანის ფენებში.

THE ORDINARY-ის შრატი შეიცავს 10% ნიაცინამიდს და 1% თუთიას, რომლებიც ცნობილია ანთების საწინააღმდეგო თვისებებით. აუმჯობესებს კანის ტექსტურას, ამცირებს ფორებს და აქრობს პიგმენტაციას.

ნაწიბურების კრემი Glow Hub

თუ ნაწიბურები ან მუქი ლაქები გაქვს, ნაწიბურების კრემი გამოიყენე შრატის შემდეგ, რათა მისი აქტიური ნივთიერებები კარგად შეიწოვოს კანში.

Glow Hub-ის კომპონენტები ხელს უწყობს კანის აღდგენას.

თვალის კრემი Vichy Liftactiv

თვალის კრემი გამოიყენე ნაწიბურების კრემის შემდეგ, რადგან თვალის მიდამო განსაკუთრებით მგრძნობიარეა და საჭიროებს დამატებით დატენიანებას.

კრემი იდეალურია თვალის ირგვლივ ნაზი კანის განახლებისა და გაძლიერებისთვის.

სახის კრემი Vichy Liftactiv

სახის მოვლის რუტინა დაასრულე სახის კრემით, რომელიც ქმნის დამცავ ფენას და კანს დამატებით კვებასა და დატენიანებას ანიჭებს.

Vichy Liftactiv აერთიანებს ინგრედიენტებს, რომლებიც შეგიმცირებს ნაოჭებს და ასაკობრივ ნიშნებს. გაგიუმჯობესებს კანის ტექსტურას და მიანიჭებს სიგლუვეს.

მნიშვნელოვანია, რომ თითოეული პროდუქტი შენი სახის მოვლის რუტინისთვის ისეთივე თანმიმდევრობით გამოიყენო, როგორც ეს ბლოგში წარმოგიდგინეთ. ეს დაგეხმარება მაქსიმალური შედეგის მიღწევაში და კანის იდეალურად გაჯანსაღებაში.

შეიძინე სეზონური პროდუქტები ექსტრაზე და გახსოვდეს, სწორად შერჩეული პროდუქტები და მუდმივი მოვლის რუტინა  დაგეხმარება სახის კანის ბუნებრივი სილამაზის შენარჩუნებაში, მთელი წლის განმავლობაში.