გილოცავ აღდგომის დღესასწაულს!
აღდგომა დღესასწაულია. სიცოცხლის სიკვდილზე გამარჯვების ზეიმი. კოლექტიური შეკრებებისთვის კარგი დრო. აღდგომის დღესასწაულზე ადამიანები, დიდი ხნის უნახავ ნათესავებს ხვდებიან. საყვარელი ადამიანების შესახებ მოგონებებს აცოცხლებენ. და, მომდევნო აღდგომის დღესასწაულამდე საკმარ სითბოსა და სიყვარულს უზიარებენ ერთმანეთს!
მორწმუნე ადამიანებისთვის გამოწვევაა, რელიგიური და საკუთარი ოჯახის ტრადიციები, ერთმანეთს ბუნებრივად შეურწყას!
იმ ოჯახებში, სადაც, დღესასწაულის მოწყობის სურვილს ოჯახის წევრები თავად გამოთქვამენ, დააკვირდი, რა ბუნებრივად მოხდება როლების გადანაწილება
მეტიც, თუ საშუალება გექნება, თავადაც ჩაერთე სააღდგომო დღესასწაულისთვის მზადების პროცესში. წინ დიდი სიამოვნება გელოდება!
სააღდგომო დღესასწაულის მთავარი კერძი და სასმელი
მამაკაცები, სასმლის შერჩევაზე დაიწყებენ ზრუნვას. აღმაფრთოვანებელია, ოჯახის უხუცესის დამოკიდებულება სასმლის მიმართ. შერჩევის დროს, 100% შემთხვევაში, ღვინოს რომ მიანიჭებს უპირატესობას
სხვანაირად ვერც წარმოუდგენია: „აბა, მაშ როგორ, ღვინის სამშობლოში ვართო“. საგანგებოდ ამ დღისთვის შეძენილ ახალ სასმისებს გადმოიღებს, გააპრიალებს და დაელოდება, როდის გამოსცდის
აღდგომის კვირეულში, განსაკუთრებით მნიშვნელოვანია ქალბატონების როლი. მათი საქმიანობა, აღდგომის დღესასწაულამდე რამდენიმე დღით ადრე იწყება. პროდუქტების შეძენა, სამზარეულოში როლების განაწილება და პროცესების ორგანიზება, ქალბატონების პასუხისმგებლობაა. მიზანია, ყველაფერი დროულად მოესწროს!
იქიდან გამომდინარე, რომ ონლაინ მაღაზიები მომხმარებლებს, პროდუქტების ძალიან ფართო ასორტიმენტს სთავაზობენ, ბაზარში კალათებით მოსიარულე ქალბატონებს, სულ უფრო იშვიათად შეხვდები
განსაკუთრებით მომხიბვლელია პროდუქტების სახლში მიწოდების სერვისი. საავტომობილო საცობები ის გარემოებაა, რაც აუცილებლად ონლაინ შენაძენის გაკეთებისკენ გიბიძგებს
სააღდგომო დღესასწაულის სუფრის ესთეტიკა
სააღდგომო სუფრაზე, მთავარი კერძი წითელი კვერცხი და პასკაა. ორივე მათგანს თავისი მნიშვნელობა და დატვირთვა აქვს!
რელიგიური ტრადიციის მიხედვით, კვერცხის წითლად შეღებვა პარასკევ დღეს, მზის ჩასვამდე უნდა მოესწროს. შაბათ დღეს სრულად პასკების ცხობას უთმობენ
პასკის რეცეპტს, მთავარი დიასახლისი, ოჯახის წევრების გემოვნების გათვალისწინებით ადგენს. ამიტომაც არის, რომ სახლში გამომცხვარი პასკა, ყველაზე მოთხოვნადი პროდუქტია სააღდგომო სუფრაზე
აქ, შეფ დიმიტრი რჩეულიშვილის მიერ მომზადებული პასკის რეცეპტს გიზიარებ, არ გამოტოვო!
ის, ვინც სამზარეულოში არ ტრიალებს, დეკორაციების მოწყობის ინიციატივას, თავის თავზე იღებს!
სადღესასწაულო სუფრას, დაუვიწყარი ელფერი რომ ჰქონდეს, დეკორაციების შეძენაზე რამდენიმე დღით ადრე იწყებს ზრუნვას. მისი გადაწყვეტილებით, განახლებები შეიძლება შეეხოს მაგიდის სუფრას, ჭურჭელს ან სუვენირებს
შესაძლოა, სუბიექტურად თვლიდეს, რომ სიცოცხლის განახლებისა და ნაყოფიერების სიმბოლო ბაჭიაა. და, ამის გამო, დეკორაციაში უხვად გამოიყენოს. ეს აზრი დღეს ფართოდაა გავრცელებული. აღდგომის თემატიკაზე შექმნილ სუვენირებში ხშირად შეხვდებით ბაჭიას ფიგურას
არც ექსტრა ჩამორჩა ტენდენციებს. ბევრ ვარიანტს ნახავ საიტზე, ზოგი თეფშზეა ჩამოსკუპული, ზოგი კვერცხზე და ა.შ. დაათვალიერე, ბმულს გიტოვებ!
აღდგომის დღესასწაული და რიტუალები
ოჯახის ყველაზე პატარა წევრებისთვის, აღდგომის დღესასწაული, წითელი კვერცხის ჩარტყმის რიტუალთან ასოცირდება! ამ დღისთვის მზადებას, ბავშვებიც წინასწარ იწყებენ. ისინი, სპეციალურად ამ დღისთვის, წითლად შეღებილ თიხის კვერცხს იძენენ, რომელიც არასდროს ტყდება. გაინტერესებს, რისთვის?
- არსებობს დაუწერელი წესი, რომელიც ყველამ იცის და ყველა იცავს. კვერცხის ჩარტყმის შემდეგ, ვისი კვერცხიც მრთელი დარჩება, გამარჯვებული ისაა. გატეხილი კვერცხიც მას გადაეცემა პრიზად. სავარაუდოდ, თიხის კვერცხი ამ მიზნით შეიქმნა. მიუხედავად იმისა, რომ უფროსებმა წინასწარ იციან ვისი კვერცხი გატყდება, ისინი მაინც ებმებიან ბავშვებთან შეჯიბრში. წარმოიდგინე, ამ რიტუალის დროს, რა მხიარულება ტრიალებს ოჯახში!
- ერთ-ერთი გამორჩეული სააღდგომო ტრადიციაა ჭონა. ის ძალიან ჰგავს საშობაო ალილოს! ჭონაში მონაწილე ბავშვები, კარდაკარ დადიან და სააღდგომო სიმღერით ულოცავენ დღესასწაულს. სანაცვლოდ ადამიანები მათ ტკბილეულს, კვერცხებსა და ფულს ჩუქნიან. როგორც წესი, შეგროვილი საჩუქრები ქველმოქმედებას ხმარდება და ბავშვები უზიარებენ მათ, ვისაც ყველაზე მეტად სჭირდებათ!
აღდგომის დღესასწაული და ოჯახური ტრადიციები!
არსებობს ოჯახები, რომელთა ოჯახური ტრადიცია, სააღდგომოდ ერთმანეთისთვის საჩუქრების გაკეთებას გულისხმობს. რა თქმა უნდა, წინასწარ შექმნილი მოლოდინი, დიდ პასუხისმგებლობას ანიჭებს მას, ვინც საჩუქარს არჩევს!
საჩუქრის მთავარი ფუნქცია, ადამიანისთვის სიხარულის მინიჭებაა. სწორედ ამიტომ, აქცენტი არა საჩუქრის ფასზე, არამედ მის ემოციურ ღირებულებაზე გააკეთე
დაფიქრდი, მორწმუნე ადამიანს, რომლის მაძიებელი გონება მუდამ ინფორმაციებს აგროვებს, საჩუქრად ამის მიღება არ გაახარებს?
იმის გათვალისწინებით, რომ მხატვრული ნაწარმოებები რელიგიურ თემატიკაზე იშვითად იბეჭდება, ეს საჩუქარი ძალიან ღირებულია! მენდე, ამ საჩუქრით გააბედნირებ!
გაითვალისწინე რჩევები! თუ გინდა, რომ შენმა საჩუქარმა ეფექტის მოხდენას შეძლოს!
