მთავარი ტექნიკა ოჯახში, რომელიც ჩვენი ყოველდღიური ცხოვრების განუყოფელი ნაწილი გახდა და ყველაზე მნიშვნელოვანს – დროსა და ენერგიას გვიზოგავს სარეცხი მანქანაა.
ეს მოწყობილობა, პასუხისმგებელია ჩვენი ტანსაცმლის სისუფთავესა და სიჯანსაღეზე.
იმისთვის რომ შეუფერხებლად იმუშაოს, სარეცხ მანქანას რეგულარული მოვლა სჭირდება.
თუ მას სწორად არ გაწმენდ, დროთა განმავლობაში გაჩნდება ნადები, ბაქტერიები და უსიამოვნო სუნი, რაც გავლენას მოახდენს როგორც მუშაობის ხარისხზე, ისე ჯანმრთელობაზეც.
ბლოგში გაგიზიარებ რამდენიმე მარტივ მეთოდს, რომლებიც დაგეხმარება სარეცხი მანქანის ეფექტურ წმენდასა და მის გამართულ ფუნქციონირებაში.
როგორ მოვაშოროთ სუნი, ნადები და ბაქტერიები
- ჩაასხი ნახევარი ლიტრი თეთრი ძმარი მანქანის მთავარ სარეცხ განყოფილებაში
- დაამატე 2-3 სუფრის კოვზი საკვები სოდა დოლურაში
- ჩართე მანქანა მაღალი ტემპერატურის ციკლზე (90°C) სარეცხის გარეშე
- ეს მეთოდი ხელს შეუწყობს ნადების მოშორებას, ბაქტერიების განადგურებას და უსიამოვნო სუნის გაქრობას.
გაწმინდე რეზინის მილი და ფილტრები
- სარეცხი მანქანის რეზინის მილები და ფილტრი განსაკუთრებით მგრძნობიარეა ჭუჭყის დაგროვების მიმართ.
- მილის გასაწმენდად გამოიყენე ნესტიანი ტილო და ძმრიანი ან სოდიანი ხსნარი.
- მოხსენი ფილტრი, შემდეგ, კარგად გარეცხე თბილი წყლითა და საპნით.
- დარწმუნდი, რომ ფილტრში არ არის დაგროვილი თმის ნარჩენები ან სხვა ჭუჭყი.
გარეცხე სარეცხი საშუალებების განყოფილება
- სარეცხი ფხვნილის ნარჩენების მოსაშორებლად მოხსენი ეს დეტალი და გარეცხე ჯაგრისით და თბილი წყლით.
- შეგიძლია ჩაასხა ძმარი ან სოდა, დატოვო რამდენიმე წუთით, შემდეგ კი კარგად გარეცხო.
გაწმინდე სარეცხი მანქანის გარე ზედაპირები
- სარეცხი მანქანის გარე ზედაპირების გასაწმენდად გამოიყენე ნესტიანი ტილო და ცოტაოდენი საყოფაცხოვრებო სარეცხი საშუალება.
- არ გამოიყენო მჭიდრო ჯაგრისები ან აბრაზიული საშუალებები, რათა ზედაპირი არ დააზიანო.
- ყოველი რეცხვის შემდეგ გააღე მანქანის კარი, რომ ჰაერი ცირკულირებდეს და არ დაგროვდეს ტენიანობა.
- სარეცხი მანქანის სიღრმისეული წმენდა, რეკომენდებულია თვეში ერთხელ.
- პერიოდულად, შეამოწმე მანქანის მილები და დარწმუნდი, რომ არ არის გაბზარული ან დაბინძურებული.
სარეცხი მანქანის რეგულარული გაწმენდა არა მხოლოდ ხელს უწყობს მის ხანგრძლივ მუშაობას, არამედ იცავს შენს ტანსაცმელს უსიამოვნო სუნისა და ბაქტერიებისგან.
ეს მარტივი მეთოდები დაგეხმარება ტექნიკის სისუფთავისა და ეფექტურობის შენარჩუნებაში.
ნუ გადადებ გაწმენდას და შეინარჩუნე შენი სარეცხი მანქანა იდეალურ მდგომარეობაში.
