თუ გინდა, რომ შენმა ელექტრო ღუმელმა დიდხანს და გამართულად იმუშაოს, ასევე, კერძებს უსიამოვნო სუნი არ დაჰკრავდეს, მისი რეგულარული წმენდა აუცილებელია.
ამ ბლოგში მოგიმზადე საჭირო რჩევები თუ როგორ უნდა გაწმინდო ელექტრო ღუმელი სწრაფად და მარტივად, ქიმიური ნივთიერებების მინიმალური გამოყენებით.
ნაბიჯი 1. მოამზადე ღუმელი გაწმენდისთვის
პირველ რიგში, გამორთე ღუმელი და დაელოდე, სანამ მთლიანად გაცივდება. ამის შემდეგ, ამოიღე ცხაურები და სათავსოები, რათა წმენდა გაგიმარტივდეს.
ნაბიჯი 2. გამოიყენე ბუნებრივი საშუალებები
თუ ქიმიურ საწმენდებზე ალერგია გაქვს ან, უბრალოდ, ბუნებრივ ალტერნატივებს ანიჭებ უპირატესობას, სცადე ეს მეთოდი:
- შეურიე ½ ჭიქა სოდა ცოტა წყალს, რომ მიღო პასტის მსგავსი მასა
- წაუსვი ეს ნარევი ღუმლის კედლებზე და კარი გააღე, რათა უკეთ გაშრეს
- რამდენიმე საათის შემდეგ,გაწმინდე, თუმცა, უკეთესი იქნება, თუ მთელი ღამით დატოვებ
ნაბიჯი 3. გაწმინდე ღუმლის მინის კარი
ღუმლის მინა ხშირად ბინძურდება ცხიმით და საკვების ნარჩენებით. მისი გაწმენდისთვის შეგიძლია გამოიყენო ძმარი და სოდა:
- მინის ზედაპირზე დაასხი ცოტაოდენი ძმარი
- მოაყარე სოდა და დაელოდე, სანამ რეაქცია დაიწყება
- კარგად გაწმინდე სველი ქსოვილით ან ღრუბლით
ნაბიჯი 4. გაასუფთავე ცხაურები
- ცხაურების გასაწმენდად ჩაალბე ისინი ცხელი წყლით სავსე ნიჟარაში და დაამატე ჭურჭლის სარეცხი საშუალება.
- 15-20 წუთის შემდეგ, ფუნჯით ან ღრუბლით მოაშორე ცხიმი და ჭუჭყი.
როდესაც ყველა ნაწილი გაიწმინდება, ღუმელის შიდა და გარე ზედაპირები გაწმინდე სუფთა, ნესტიანი ქსოვილით და დარწმუნდი, რომ ზედაპირებზე სოდა ან ძმარი არ დარჩენილა.
როგორ აიცილო თავიდან მომავალი დაბინძურება?
- მომზადებისას, დააფინე ღუმელში საცხობი ქაღალდი ან სპეციალური დამცავი საფარი, რომ საკვების ნარჩენები არ მიეკრას ზედაპირს.
- ყოველი გამოყენების შემდეგ, შეამშრალე ღუმლის კედლები, რათა ცხიმი და ჭუჭყი ადვილად არ დაგროვდეს.
- თუ ღუმლის ზედაპირები მზადებისას საკვებით დაისვრება, გაშრობამდე, დაუყოვნებლივ გაწმინდე.
თუ ამ მარტივი ნაბიჯებს მიჰყვები და ყველა რჩევას გაითვალისწინებ, შენი ელექტრო ღუმელი მუდამ სუფთა იქნება და დიდი ხნის მანძილზე ეფექტურად მოგემსახურება.
