როგორ გავწმინდოთ ჩაიდანი

ჩაიდანი ერთ-ერთი ყველაზე ხშირად გამოყენებადი ნივთია სამზარეულოში. თუ შენც ყოველდღიურად სვამ ჩაის ან იყენებ წყლის დასადუღებლად, ალბათ, შენს ჩაიდანშიც დაგროვდებოდა კირქვა ან ლაქები.

კირქვის ნადები არამხოლოდ ჩაის გემოს ცვლის, არამედ, ჩვენი ტექნიკის რესურსსაც ამცირებს.

ბლოგში გაგიზიარებ მარტივ და ეფექტურ მეთოდებს, როგორ გაწმენდო ჩაიდანი უსაფრთხოდ და ბუნებრივი საშუალებებით.

1. ძმრით წმენდა – კლასიკური და ეფექტური მეთოდი

ძმარი ერთ-ერთი საუკეთესო ბუნებრივი საწმენდი საშუალებაა, რომელიც კირქვის მოშორებაში გვეხმარება. მის მოსამზადებლად სულ რამდენიმე მარტივი ნაბიჯია საჭორო:

• ჩაასხი ჩაიდანში თანაბარი რაოდენობით ძმარი და წყალი (მაგ. ნახევარი ჩაის ძმარი, ნახევარი წყალი).
• აადუღე ეს ნაზავი
• დატოვე 1 საათით ჩასაციებლად, შემდეგ, გადაღვარე და კარგად გამოავლე სუფთა წყლით 2–3-ჯერ.
• თუ ჩაიდანში სუნი დარჩება, კიდევ ერთხელ აადუღე, მხოლოდ წყალი.

2. ლიმონის მჟავას გამოყენება

თუ არ გინდა  რომ ჩაიდანს ძმრის სუნი ჰქონდეს, ლიმონის მჟავა შესანიშნავი ალტერნატივაა:

• ჩაყარე 1-2 სუფრის კოვზი ლიმონის მჟავა ჩაიდანში
• ჩაასხი წყალი ბოლომდე და აადუღე
• გააჩერე 30-40 წუთი
• გადაღვარე და კარგად გამოავლე წყლით.
• ლიმონის მჟავა არა მხოლოდ კირქვას აშორებს, არამედ, არომატსაც ანეიტრალებს.

3. სოდით წმენდა

საჭმლის სოდა კიდევ ერთი ბუნებრივი საშუალებაა, რომელიც კარგად მუშაობს როგორც ელექტრო, ისე მეტალის ჩაიდნებისთვის.

• ჩაასხი წყალი და ჩაყარე 2 სუფრის კოვზი სოდა
• აადუღე ნარევი, გააჩერე 30 წუთი, შემდეგ, გადაღვარე და ჩამორეცხე.
• სოდით შეგიძლია გაწმინდო ჩაიდნის გარე ნაწილებიც, ამისთვის, გააკეთე სქელი პასტა სოდით და ცოტა წყლით, შემდეგ, რბილი ღრუბლით გაწმინდე.

4. ლიმონის ნაჭრები – ბუნებრივი არომატით

თუ გინდა ბუნებრივი არომატი დატოვო ლიმონის ნაჭრებით ჩაის ქვაბის წმენდა კარგი ვარიანტია:

• დაჭერი ერთი ლიმონი და ჩაყარე ჩაიდანში
• ჩაასხი წყალი და აადუღე
• დატოვე 1 საათი
• გადაღვარე და გამოივლე წყლით.

როგორ ავიცილოთ კირქვის დაგროვება

• კვირაში ერთხელ ჩაამატე წყალში ცოტა ლიმონის წვენი ან სოდა.
• ცარიელ ჩაიდანი არ დატოვო გახურებული, ეს აჩქარებს კირქვის დაგროვებას.
• გამოყენების შემდეგ, ჩაიდანი აუცილებლად გაამშრალე.
• როგორც ხედავ, ჩაიდნის გაწმენდა მარტივია და არ საჭიროებს ძვირადღირებულ ქიმიურ საშუალებებს. უბრალოდ, გამოიყენე ის, რაც უკვე გაქვს სახლში – ძმარი, სოდა ან ლიმონი.

შენი ჩაიდანი არა მხოლოდ სუფთა და ჰიგიენური იქნება, არამედ, გაცილებით დიდხანსაც გაძლებს.

სცადე შენც და გაგვიზიარე შედეგები კომენტარებში.