აეროგრილი სამზარეულოში ერთ-ერთი ყველაზე პრაქტიკული დამხმარეა, თუმცა, მისი ხშირი გამოყენება იმასაც ნიშნავს, რომ რეგულარულად უნდა გაწმინდო.
ცხიმის წვეთებმა, საკვების ნარჩენებმა და ნამწვმა, თუ დროულად არ მოაშორებ, დროთა განმავლობაში, შეიძლება, უსიამოვნო სუნი დატოვოს და შემდეგ გაწმენდაც უფრო გაგიჭირდეს.
აეროგრილის გაწმენდას დიდი დრო არ სჭირდება, თუ სწორად მიუდგები. მთავარია, იცოდე, რომელი ნაწილი როგორ უნდა გაწმინდო და რომელი შეცდომები არ უნდა დაუშვა.
სანამ აეროგრილის გაწმენდას დაიწყებ
პირველ რიგში, გამორთე აეროგრილი დენის წყაროდან და აცადე სრულად გაციება.
გამოიღე კალათა და შიდა კონტეინერი. თუ საკვების ნარჩენები დარჩა, ჯერ ხელით ან რბილი ღრუბლით მოაშორე. არ არის საჭირო ზედმეტი ძალის გამოყენება – განსაკუთრებით, თუ ზედაპირს ანტიწებოვანი საფარი აქვს.
როგორ გავწმინდოთ აეროგრილის კალათა
კალათა ყველაზე ხშირად ბინძურდება, რადგან სწორედ აქ ხვდება ცხიმი და საკვების პატარა ნარჩენები. ყოველდღიური გამოყენების შემდეგ მისი გაწმენდა უმჯობესია მაშინვე, სანამ ცხიმი ბოლომდე არ გამაგრებულა.
- ჩაალბე თბილ წყალში და დაამატე მცირე რაოდენობით ჭურჭლის სარეცხი საშუალება. რამდენიმე წუთის შემდეგ რბილი ღრუბლით გაწმინდე. თუ ცხიმი ძალიან არის მიმხმარი, ცოტა ხნით კიდევ დატოვე თბილ, საპნიან წყალში.
- არ გამოიყენო უხეში მეტალის ღრუბელი ან ძალიან ხისტი ჯაგრისი. ასე შეიძლება ზედაპირი დაკაწრო და საფარი დააზიანო.
- თუ შენს კონკრეტულ მოდელს მწარმოებელი ჭურჭლის სარეცხ მანქანაში რეცხვას უშვებს, შეგიძლია ეს ვარიანტიც გამოიყენო. თუმცა, ყოველთვის გადაამოწმე ინსტრუქცია – ყველა აეროგრილის ყველა ნაწილი ერთნაირად არ ირეცხება.
როგორ გავწმინდოთ აეროგრილის შიდა ნაწილი
მხოლოდ კალათის გაწმენდა საკმარისი არ არის. ცხელი ჰაერის ცირკულაციის დროს ცხიმის პატარა წვეთები მოწყობილობის შიდა კედლებსა და ზედა ნაწილზეც ხვდება:
- გაცივებული აეროგრილის შიდა ზედაპირი რბილი, ოდნავ ნესტიანი ღრუბლით გაწმინდე.
- თუ ცხიმიანი ლაქები დარჩა, გამოიყენე ცოტაოდენი ჭურჭლის სარეცხი საშუალება და შემდეგ სუფთა ნესტიანი ტილოთი მოაშორე მისი ნარჩენები.
- განსაკუთრებით ფრთხილად იყავი გამაცხელებელ ელემენტთან. არ დაასხა წყალი პირდაპირ მოწყობილობაში და არ ჩადო აეროგრილის ძირითადი ელექტრო ნაწილი წყალში.
რა არ უნდა გააკეთო აეროგრილის გაწმენდისას
- არ ჩართო მოწყობილობა ცარიელი მხოლოდ იმისთვის, რომ ჭუჭყი მოშორდეს
- არ გამოიყენო ძლიერი ქიმიური საწმენდი საშუალებები, თუ მწარმოებელი ამას არ ითვალისწინებს
- არ ჩაასხა წყალი აეროგრილის ელექტრო ნაწილში.
- თუ ცხიმი ძალიან არის მიმხმარი, სჯობს, რამდენჯერმე გაიმეორო თბილი წყლითა და რბილი ღრუბლით გაწმენდა, ვიდრე ზედაპირი უხეში ღრუბლით გახეხო.
რამდენად ხშირად უნდა გაწმინდო აეროგრილი
თუ აეროგრილს ყოველდღე იყენებ, კალათისა და შიდა კონტეინერის გაწმენდა ყოველი გამოყენების შემდეგ კარგი იქნება. ცხიმი და ნარჩენები არ დაგროვდება და დიდი წმენდის ჩატარებაც აღარ მოგიწევს.
უფრო საფუძვლიანი წმენდა კი პერიოდულად შეგიძლია, განსაკუთრებით, თუ ხშირად ამზადებ ცხიმიან ხორცს, ქათამს ან სხვა პროდუქტებს, რომლებიც ბევრ ცხიმს გამოყოფს.
თუ აეროგრილს სწორად მოუვლი, ის უფრო დიდხანს შეინარჩუნებს კარგ მდგომარეობას და შენთვისაც გაცილებით სასიამოვნო იქნება მისი ყოველდღიურად გამოყენება.
თუ ჯერ არ შეგიძენია, ნუღარ გადადებ, დაათვალიერე და შეიძინე ექსტრა მარკეტფლეისზე.
