აბაზანისა და საშხაპე კაბინის რეგულარული გაწმენდა აუცილებელია ჰიგიენის, უსიამოვნო სუნისა და ზედაპირების სისუფთავის შესანარჩუნებლად.
თუ ზედაპირებს არ მოუვლი, მათზე, შეიძლება, დაგროვდეს კირი, საპნის ნადები და ობი, რაც წმენდას უფრო გაართულებს.
ამ ბლოგიდან გაიგებ როგორ გაიწმინდო აბაზანა და საშხაპე კაბინა ტრადიციული მეთოდებით, მარტივად და ეფექტურად.
რა მასალები გჭირდება აბაზანის გაწმენდისთვის
აბაზანისა და საშხაპე კაბინის გასაწმენდად დაგჭირდება:
- ძმარი და სოდა – ნატურალური და ეკოლოგიური საწმენდები კირისა და ნადების მოსაშორებლად
- ლიმონის მჟავა – ზედაპირების ბზინვარებისთვის და უსიამოვნო სუნის გასაქრობად
- სპეციალური საწმენდი საშუალებები – მძლავრი ქიმიური ხსნარები რთული ნადების მოსაშორებლად
- ჯაგრისი და ღრუბელი – ღრმა წმენდისთვის
- მიკროფიბრის ქსოვილი – მშრალი წმენდისთვის
როგორ გავწმინდოთ აბაზანა
თუ შენს აბაზანას ნადები და კირი აქვს, მის მოსაშორებლად, შეურიე ერთმანეთში 1:1 პროპორციით ძმარი და წყალი.
- წაუსვი ნარევი აბაზანის ზედაპირს და გააჩერე 15-20 წუთი.
- შემდეგ გაწმინდე ღრუბლით და ჩამორეცხე თბილი წყლით.
საპნის ნადების, ბაქტერიების და ცხიმის მოცილებისთვის ისევ და ისევ, იდეალურია სოდა. დააყარე სოდა აბაზანის ფსკერზე, დაამატე ცოტაოდენი წყალი და გაწმინდე ჯაგრისით.
გინდა რომ შენი აბაზანა ახალივით ბზინავდეს? ამისთვის დაგჭირდება ლიმონის წვენი, რომელიც ეფექტურად მოაშორებს ნადებს და ბზინვარებას მიანიჭებს ზედაპირებს.
იმისთვის, რომ წყლის ლაქები არ დარჩეს, აბაზანის გაწმენდის შემდეგ, მიკროფიბრის ქსოვილით გაამშრალე აბაზანის ზედაპირი.
როგორ გავწმინდოთ საშხაპე კაბინა
საშხაპე კაბინის მინაზე დარჩენილი წყლისა და საპნის ლაქების მოსაშორებლად, გამოიყენე ძმრისა და წყლის ნარევი.
- წაუსვი ეს ხსნარი მინის ზედაპირს, დაელოდე რამდენიმე წუთი და გაწმინდე მშრალი ქსოვილით.
მნიშვნელოვანია სილიკონისა და რეზინის გამყოფების მოვლაც, რადგანა აქ ხშირად ჩნდება ობი. გამოიყენე სოკოს საწინააღმდეგო საშუალებები, რათა თავიდან აირიდო ეს პრობლემა.
როგორ ავიცილოთ თავიდან აბაზანის სწრაფი დაბინძურება
- აბაზანის ან საშხაპე კაბინის გამოყენების შემდეგ, ზედაპირი გაამშრალე, რათა ნადები არ დაგროვდეს.
- გამოიყენე წყლის დამარბილებლები, რომ კირის ნადები მინიმუმამდე შეამცირო.
- რეგულარულად გაანიავე აბაზანა, რათა თავიდან აიცილო ტენის დაგროვება და ობი.
ამ მარტივი ნაბიჯების დაცვით, შენი აბაზანა ყოველთვის სუფთა და ბზინვარე იქნება.
