პუფი ჩვენი სახლის საყვარელი აქსესუარია – ის კომფორტულია, პრაქტიკული და ინტერიერსაც განსაკუთრებულ ხასიათს სძენს.
დროთა განმავლობაში პუფებზე მტვერი, ლაქები და უსიამოვნო სუნი აუცილებლად დაგროვდება, ამიტომ, მნიშვნელოვანია, რომ დროდადრო კარგად გაწმინდო და საჭიროების შემთხვევაში გარეცხო კიდეც. როგორ? ერთად გავარკვიოთ:
გაიგე, რა მასალისგან არის დამზადებული პუფი
სანამ პუფის რეცხვას დაიწყებ, გადახედე მის ეტიკეტს ან შეამოწმე, რისგან არის დამზადებული. პუფები, როგორც წესი, სხვადასხვა მასალებისგან მზადდება:
- ტექსტილის – ბამბის, ლაინინის ან სხვა ნაჭრის პუფები, შედარებით, მარტივად ირეცხება.
- ხელოვნური ტყავი – საჭიროებს ნაზ წმენდას სველი ტილოთი და სპეციალური ხსნარით.
- მატყლს ან ხავერდს – უფრო ფრთხილად უნდა მოეპყრო, რათა არ დააზიანო ქსოვილის ზედაპირი.
გაითვალისწინე პუფის ტექნოლოგია
თუ პუფს მოსახსნელი გადასაკრავი აქვს, მისი გაწმენდა გაცილებით მარტივია:
- მოაშორე ქსოვილი, გადახედე ეტიკეტს და ნახე თუ არის შესაძლებელი მისი სარეცხ მანქანაში რეცხვა
- უმჯობესია, გამოიყენო დელიკატურად რეცხვის რეჟიმი და თბილი, 30-40°C ტემპერატურის წყალი
- არ გამოიყენო ძლიერი ქიმიკატები, განსაკუთრებით მატყლის ან ხავერდოვანი ქსოვილის შემთხვევაში
- მოერიდე გაწურვის რეჟიმს, რათა ქსოვილი არ დაზიანდეს
- უმჯობესია, გააშრო ბუნებრივ პირობებში – მზეზე ან ჰაერზე
თუ პუფს გადასაკრავი არ ეხსნება, მაშინ სხვა მეთოდები უნდა გამოიყენო:
- თუ, უბრალოდ, მტვრისა და მცირე რაოდენობით ჭუჭყის მოშორება გჭირდება გამოიყენე მტვერსასრუტი
- ლაქების მოსაშორებლად სველი, ნაზი ქსოვილით და საპნიანი ხსნარით წმენდა იდეალური იქნება
- თუ პუფს უსიამოვნო სურნელი აქვს, გამოიყენე სოდა და ძმარი. ნაზავი წაუსვი პუფის ზედაპირს, გააჩერე ცოტა ხნით და მტვერსასრუტით ამოასუფთავე.
- უფრო ღრმა წმენდისთვის არსებობს სპეციალური სპრეები, რომლებიც ღრმად აღწევს ქსოვილში და კარგად ასუფთავებს
როგორ უნდა შეინარჩუნო პუფი ყოველთვის სუფთა მდგომარეობაში?
- პერიოდულად, გაწმინდე მტვერსასრუტით, რათა ზედმეტი მტვერი არ დაგროვდეს
- თუ პუფს ხშირად იყენებ, შეგიძლია, მასზე დამატებითი გადასაკრავი მოარგო, რომელიც მარტივად ირეცხება
- ლაქების გაჩენის შემთხვევაში, დაუყოვნებლივ გაწმინდე, რადგან ძველი ლაქების მოშორება უფრო რთულია
- დრო და დრო მოაყარე სოდა და გააჩერე რამდენიმე საათით, შემდეგ, კარგად ამოასუფთავე – ეს ცუდ სუნს გააქრობს.
თუ ექსტრა რჩევებს მიჰყვები, შენი პუფი ყოველთვის სუფთა იქნება და შენს ინტერიერში დიდი ხნის განმავლობაში შეინარჩუნებს ახლის იერსახეს.
